¹ Mu mwaaka mutaanshi wa Kiluusa, mfumu wa ku Pelisha, Yehoba waifikizhe byaambo bya fumine mu kanwa kakwa Yelemiya. Wafuundumwine mupashi wakwa Kiluusa ne jiiwi jakwa Kilusa jaile mu ntaanda yaanji moonse. Bino byo bya neembelwe ne kwaambiwa amba: ² "Kilusa, mfumu wa ku Pelisha, wa amba amba: Yehoba, Lesa wa mwiulu, wampele bufumu boonse bwa ntaanda, kabiji wa nsajile ku mushimikila nzuubo mu Yelusalema ne mu Yuda. ³ Muuntu yeense wafuuma mu baantu baanji (Lesa waanji ekale naanji) Wafwainwa kuya ne ku Yelusalema, moonka mu Yuda, ne kushimika nzuubo ya Yehoba, Lesa wa Isalela, Lesa uji mu Yelusalema. ⁴ Baantu ba mu mapuunzha onse a ntaanda ya mfumu bajiinga noobe beenyi bafwainwa kupaana Siliva ne golide, nebipe ne bilelwa, ne bya buupe byakukasuluks ku nzuubo ya Lesa wamu Yelusalema." ⁵ Keepo mitwe ya bashakulu mubisaka bya beena Yuda ne bya beena Benjamina, ne ba ng'aanga ne beena Levi, ne boonse bavuundumwine mupashi baile na kushimika nzuubo ya Yehoba, ayo iji mu Yelusalema, yaimeene. ⁶ Boonse bajiinga peepi batuundaikele mwiingilo na siliva ne biintu bya golide, ne na bya bunoonshi ne na banyaama, ne na biintu bya buneeme ne byabuupe bya kukasuuluka kwa michima yaabo. ⁷ Kilusa mfumu wamu kyaalo kya Pelisha wasulwiile biipe bya mu nzuubo ya Yehoba byaletele mfumu Nebukaneza kufuma mu Yelusalema wabiikile mu nzuubo ya tulesa twaanji. ⁸ Kilusa, mfumu wa mu kyaalo kya Pelisha, wiibibiikile mu mabooko akwa Mitiledate kalama, wibibajile pa kupaana kwi Sheshebaza, mwaana mfumu wamulume wa mu Yuda. ⁹ Ino yo yajiinga naambala yabyo: Ma beseni a golide makumi asatu, kitoota kimo kya ma beseni a siliva, ne ma beseni akwaabotu makumi abiji ne tutanu na tuna, ¹⁰ makumi asatu a ma dishi a golide, 410 ma dishi a siliva a a cheeche, ne biintu bikwaabotu byo ba biikilepo kitoota kimo. ¹¹ Mwajiinga biitu bya golide ne siliva 5,400 mu byoonse. Sheshebaza wibileetele byoonse bajiinga mu buzha byo bafumine mu Babiloni kuuya ku Yelusalema.