¹ Kepo mfumu ne Hamane baile kukijilo kya muka mfumu Eshita. ² Pajoja juuba jabubiji, byo batomenenga binyu, aye mfumu wamwambijile Eshita amba,'' kika kyo wasaka kulama, obewa mwaji wami Eshita, kisakupaangiwa kwiobewa nangwa kwimuupa lubaji lumo lwa bufuku bwami. ³ Kumvwa mukamfumu Eshita amba, anweba mfumu, inge natalwa buloongo kumenso enu, kabi kimutokela ku muchima, anweba mfumu, bandeeke ngikale na buumi_ kyo naloomba ne baantu bami nabo pamo, kyo nasaka. ⁴ Maambo amiwa ne baantu bami, betupotesha, mukuba amba betonaune, ne kwitwipaya ne kwituzhiya. Inge betupoteletu neba songwalume naba songwankazhi ke bazha, inge bazhindamapotu, maambo lumanaamo lwa byonkabyo kechi lwaesakana pamo na bya malwa bikemufikila anweba mfumu inge betwipaya ne.'' ⁵ Ponkapo mfumu Ahaselusa wamwambijile mukamfumu Eshita , ''Ye nganyi? kabiji uji kwepi? wilundumika ne kulanguluka muchima wanji kuba kino kintu?'' ⁶ Eshita waambile amba, ''Awo mushikwe mulwanyi wetu, yenkawa mubi, Hamane,'' kepo Hamane aubishetu moyo ku menso amfumu ne a mwaji wanji. ⁷ Mfumu waimene ku kijilo na bukaji, walupukile ne kuya ku maluba a kunzubo yanji, bino Hamane washajile monka na kumusashijila Eshita, muka mfumu. wamwene amba byakatazha byajinga byakulengwa peaye na mfumu. ⁸ Kabiji mfumu wabwelele mukipango kufuma ku maluba a kunzubo ya bufumu wabwelele monkamobatomejilenga binyu. wataine Hamane saka aponena pakya kusendalalapo paji Eshita. Mfumu waambileamba,'' Aye usakukozha wanji wami mumenso ami munzubo yaminyi?'' Uno mukuku wabyaambo. byo aishiletu kufuuma mukanwa ka mfumu, bakalume ba vwetele kilungi kya Hamane. ⁹ Kepo Hhabona , wa mu bantangi ba mwingilo wamfumu, kyakukujikilapo kya lepa makyubichi makuumi ataanu pepi nanzubo ya Hamane. wanengezhejile modekai, umo waambile kuku vimbila mfumu.'' Mfumu waambile amba'' mukujikaipo.'' ¹⁰ Byonkabyo bamukujikile Hamane pakyakukujikilapo akya kyo anengezhezhe Modekai. Bukaji bwa mfumu bwafomokele.