¹ Kabiji Petelo ne Yoano byo ba kyambilenga ku baantu, banganga ne ba kalama ba ku nzuubo yazhila ya Lesa ne basadusea baishile kwiaabo. ² Bakataazhiwe bingi maambo Petelo ne Yoano bafunjishenga baantu ne kwibaasapwila naambo a Yesu lusaanguko lwanji lwa kufuuma mu baafu. ³ Ponkaapo bebakwachiile ne kwibabika mukaleya kufika ne kumakya, pakuuba kyajinga pano ke mabaanga. ⁴ Pakuba bavula bantu baamvine maambo baitabijile; ne nambala wa bantu baitabijile bafikiile pepi biuumbi bitanu. ⁵ Byo kyafikile ke juba jikwabo lukelo bandamakyaalo, bakuulumpe ne baneembeshi bapwijiile paamo mu Yeluusalema. ⁶ Anasa nganga mukuulumpe wajiinga konka, ne Kaifasa, ne Yoano, ne Alekesanda, ne boonse bajiinga baloongo banganga mukaatampe. ⁷ Kimye kya bebabikile mukachi Petelo ne Yoano bebepwizhe, "Nanchi nganyi buluume, nangwa mu nganyi jizhina mo mwaubila kino?" ⁸ Ponkaapo Petelo. wayuukijilwe na mupaashi wazhila, ne kwibaambila amba, "anweeba bandamabyaalo ba baantu, ne bakuulumpe, ⁹ Inge atweeba mu juuba ja leelo mweena kwitwiipuzha na maambo kiintu kya waama kyamuubilwe uno muuntu wa bela munganyi mashiinda apulusha uno muuntu? ¹⁰ Kino kintu kiyuukanyikwe kwi anweeba boonse ne mu baantu boonse beena Isalela, amba mu jizhiina ja Yesu kilishitu mwiina nazala, aye yenka ye mwapopele pa musaalabu anweeba, mino aye Lesa wamusaangwile mu baafu, naamba uno muuntu waimana ku meenso enu ke mutuntulu. ¹¹ Yesu kilishitu ye jiibwe jo mwalenguulwile amba bashiimika jo jaaluka ke mutwe wa jikoonka. ¹² Kechi mujiipo lupulukilo mu muuntu mukwaabo ne, maambo kechi kujipo jizhina jikwaabo muno munshi japeewa ku baantu mo twafwainwa kupulukila ne." ¹³ Pano byo bamweene mibiji yakwa Petelo ne Yoano, ne kuyuuka amba bapusaana, baantu baabila kufuunda, bakuuminye bingi, baishile kwibaayuka amba Petelo ne Yoano bajiinga na Yesu. ¹⁴ Maambo bamweene muuntu wabukilwe kasa aimana nabo, kechi bajiinga nabya kwaama pabino ne. ¹⁵ Pakuuba byo bebakaambizhe batuumwa kufumamo mu kije, ba ambangene bene na bene. ¹⁶ Ba ambile amba, "Tusakuuba byepi na bano baantu? maambo kine kiyuukilo kyaubiwa kwi abo kyayuukanyikwa ku boonse baantu bekala mu yelusalema; kechi twakonsha kwi kikana ne. ¹⁷ Pano kuchiina mba kyekeya kumvwanyika mu boonse baantu, lekai twibajimuunetu amba kechi bakaambe jibiji ku muuntu nangwa umo mujino jizhina ne." ¹⁸ Ne kwi beta bebechile Petelo ne Yoano mukaachi ne kwi bakambizha amba kechi bakambe jibiji nangwa kufunjisha mu jizhina ja Yesu ne. ¹⁹ Pakuuba Petelo ne Yoano beba kumbwile ne kwibambila amba, "kana kyo kyawama ku meenso a Lesa kwi mukokela anweeba kukila aye, mupingule. ²⁰ Atweeba kechi twakonsha kuleka kwaamba bintu byo twamona ne byotwaumvwa ne." ²¹ Panyuuma ya kwi bajimuna jibiji Petelo ne Yoano, bebalekele baaya. kechi bakonsheshe kutana jishinda ja kwi bakabishishamo ne, maambo baantu boonse bamutumbijikileenga Lesa maambo a kyokya kyaubiwe. ²² Uno muuntu wamweene kino kiyuukilo kya kubukwa kwajiinga na myaaka yakila makuumi ana. ²³ Panyuuma ya kwi bakasuluula, Petelo ne Yoano, baishile ku baantu babo ne kwi babula byoonse byobebambijile ku banganga bakatampe ne bakuluumpe. ²⁴ Byobebyumvwine, basaswile mawi abo pamo kwi Lesa ne kwaamba amba, "Nkamba, mwalengele jiulu ne ntanda ne kaluunga ka meema, kabiji ne byoonse bijimo. ²⁵ Mwa ambile na mupaashi wazhila kupichila mukanwa ka wamwingilo wenu, mushakuulu wetu Davida, Maambo ka bangetila kyo bakajipila, ne baantu kyo balangulukila bintu byatu?' ²⁶ Anweeba mwa ambile amba, bamfuumu ba panopantaanda beimena bene na bene pamo, ne bandama kyalo bapwila pamo na kumwimena Nkaambo, ne kumwimena kilishitu.' ²⁷ Kyakiine boonse Heloda ne Pontiusa pilato, pamo ne bangetila ne bena Isalela, bapwijile pamo mu uno muzhi na kwimena wazhila wamwingilo wenu Yesu, yenka ye mwashingile manyi. ²⁸ Bapwijile pamo mu kuuba byoonse byafukwile kuboko kwenu ne milanguluko yenu mo yalangulukijile jiimo mba bikamwekana. ²⁹ Ne pano, Nkaambo talai pa lujimuno lwabo ne kwi bapa ba mingilo benu bambetu maambo enu na kuchichika koonse. ³⁰ Tanyikai kubooko kwenu mu kubuuka, ne kupana biyuukilo ne bya kukumya kupichila mujizhina ja wazhila wamwingilo wenu Yesu.'' ³¹ Byo bapwishishe kulomba, mu mpuzha mo bajinga bapwijile pamo mwasunkene, ne boonse bayuujilwe na muupashi wazhila ne kwaamba ba ambile maambo a Lesa na kuchinchika. ³² Ne naambala ikaatampe ya boba baitabijile bajinga ba muchima umo ne mweo umo. Kafwako nangwa umo waambile amba byoonse byo nji mwine ne, pakuuba byoonse byo baji nabyo byaji byabo boonse. ³³ Ne buulume bukaatampe batuumwa basapwijilenga lushimuuno lwa lusanguuko lwa Nkaambo Yesu,ne buupe buukataampe bwaikajile pe abo boonse. ³⁴ Ke mwajiinga muuntu nagwa umo muukachi kaabo wakajilwe kintu nangwa kimo ne, maambo boonse bajiinga na mishiji nangwa mazuubo bebipoteeshe ne kuleeta maali a biintu byo bapoteshe. ³⁵ Ne kwiatuula pa mauulu a batuumwa, ne kwiabanya ku muuntu yeense kwesekanya na mobakajijilwe. ³⁶ Yosefgwa, mwiina Levi, muuntu wafuumine ku kipilusa aye batumwa ye telelenga amba Banabasa (kulumbulula ke kuba amba mwaana wa bukwaasho). ³⁷ Wapooteshe bujimi ne kuleta mali ne kwiatula kub maulu a batuumwa.