¹ Mukuluumpe kwi muteemwe Gaiusa, ao ye nateemwa mu bukiine. ² Muteemwe, amiiwa naloomba amba byoonse byendeenga buloongo ne obeewa kabiiji amba ukoonshe kwiikala kwakubula kubeela, noobe byonka byo kiji na mweo obe. ³ Pakuuba amiiwa na sekeejile biingi baloongo byo baishile ne kwiimena bukiine boobe bukamonyi, noobe byonkabyo weenda mu bukiine. ⁴ Amiiwa keechi nji na lusekelo lukwaabo kukila pa buno ne, pa kuumvwa amba baana baami beenda mu bukiine.. ⁵ Muteemwe, obeewa uba bukiine kiimye kyoonse kyo wiingijila baloongo ne beenyi ⁶ abo ba semekwa bukamonyi bwa buteemwe boobe ku meeso a kipwiilo. Uba buloongo kwiibatuma pa lweendo mujishiinda ja neema ja Lesa, ⁷ maambo kyajiinga na maambo a jizhiina kyo baijile, kwa kubula kutaambula biji byoonse ku ba Ngentila. ⁸ Atweeba byonkabyo twafwainwa kutaambwila bya byonka bye byonkabyo amba tukeekale neatweeba ba miingilo ba bukiine. ⁹ Amiiwa ne neembele biintu bimo ku jibuumba, mino Ndiotafesa, ao wateemwa kwiikala mutaanshi mukachi kaabo, keechi witutaambula atweeba ne. ¹⁰ Byonkabyo amiiwa inge naiya, nkaamba byuubilo byo abeena kuuba, kwiitubepela bubeela atweeba na byaambo byatama. Kwakubula kutoondwa na bino, aye keechi wakainetu kutaambwila baloongo aye mwiine ne, mino aye ukanya ne booba basaka kwi bataambwila ne kwi bapaangamo mu kipwiilo. ¹¹ Muteemwe, keechi musoombole abya byatama ne mino kana abya byawaama. Awa uba byawaama ye wakwa Lesa; nguuba biibi keechi wamona Lesa ne. ¹² Demetiliusa wataambwijile bukamonyi bwa waama kufuuma ku boonse kabiiji na bukiine bwiine. Ne atweeba tupaana bukamonyi pe aye, kabiiji ne obeewa wayuuka amba bukamonyi bweetu bwa kiine. ¹³ Amiiwa najiinga na biintu byavula bya kuneemba kwi obeewa, mino keechi nasaka kwi bineemba kwi obeewa na bolopennyi ne inki ne. ¹⁴ Mino amiiwa na ketekela ku kumona bukiji, kabiiji tukaamba meeso na meeso. ¹⁵ Muteende ekale ne obeewa. Baluunda ba kwimuna. Imuna baluundanetu pa jizhiina.