¹ Shimona petelo, muzha wa kilishitu Yesu, kubooba batambulwila bupe bwa lwitabiilo byonka byo twatambulwila, ² Bupe bwami bwa lusa kabiji ne muteende binungwepo mu maana a bu Lesa ne Yesu kilishitu Nkaambo yetu. ³ Buluume bwanji bwa bu Lesa, bwitupa byonse byakwitukwasha mu buumi ne mukunemeka Lesa monka mu maana a kumuyuuka aye witwichile mu lukumo lwanji mwine ne mukulumbuluka kwanji. ⁴ Kupichila mu bino witupele mulaye yanji, ya buneeme ne ikataampe ine amba monka mu ino anweba bonse mwaluke keba kutambulako muchima wa buLesa, byo mwapuluka ku bubole bwa panopantaanda buletwa na milanguluko ya mulwanyi. ⁵ Na onkao maambo, anweeba beene mubikepo kutesha muchima konse naamba mu lwitabilo lwenu, mumwenemo ku lumbuluka kwenu ne mukulumbuluka mu maana. ⁶ Mu maana enu namo mumwenamo kwi kanga, ne mukwikanya kwenu naamo mumwenamo butekanye, nemu butekanye bwenu naamo mubikilepo kunemeka kwa Lesa. ⁷ Ne mukunemeka Lesa wenu naamo mumweenamo butemwe bwa kutemwa baloongo namo mubikilepo butemwe bwa kutemwa boonse. ⁸ Inge a bino biintu byaikala mwi atweba ne kukoma mwi atweba, mukalamwa kubula kwikala ngumba nangwa kubulwa kupanga bipangwa bya maana a kumuyuuka Nkaambo yetu Yesu kilishitu. ⁹ Maambo aye wabulwa bino biintu ye mpofu umona byonka biji pabwipi, kasa avulama kutokeshiwa kwanji ku maambo anji a kaala. ¹⁰ Onkao maambo, baloongo, ubayi bulongo kwitwa kwenu ne kusalwa kwenu kwikale kwa kine kine, ¹¹ Ne mujino jishinda kukekala bunonshi bp banengezha kwi obe ko ukatwela ku kibelo kya mu bufumu bwa myaaka bwa Nkaambo Yetu Mupulushi Yesu kilishitu. ¹² Onkao maambo amiwa sakwikala winengezha ne kwimivuluula abino biintu, nangwa mwibiyuuka, nangwa mwikale bakosa mu bukine bo muji nabo. ¹³ Amiwa nalanguluka kyangwamina amiwa kwikala mu tente uno kwimikomesha anweeba mu jishinda ja kwimivulula. ¹⁴ Amiwa nayuka namba kuzhima tente wami kusakwikaala katataaka, maambo nkaambo Yesu kilishitu wa sokolola bino kwi ami. ¹⁵ Kine amiwa nkateshako muchima kumona amba panyuma yami mukekale bakuvulukako biino biintu. ¹⁶ Kechi walondejile bishimpi byo bashimikile baantu mukujimuuka kwabo ne ateba twimibujile ngovu ya kwiya kwa nkaambo Yesu kilishitu, twajinga bakaamonyi ba ngovu yanji. ¹⁷ Aye watamwile lukuumo kufuuma kwi Lesa shanji byo aumvwine jiwi janji ku ngovu ya kwiya kwa nkaambo Yesu kilishitu, kwa jinga bakamonyi ba ngovu yanji. Aye wataambwile lukumo kufuuma kwi Lesa shanji byo abuvwine jiwi janji ku ngovu Yalukumo, Kwaamba amba Awe ye mwaanami wamu lume ye natemwesha, mwi aye natanamo lusekelo.'' ¹⁸ Atweba beene twauvwa jiwi jafuuma mwiulu kimye kytwajinga nanji pa mutuumba wazhila. ¹⁹ Pano tuji na maambo o banembele bangauzhi bya lumbulwile, ku byo mwajinga kuba buloongo mukutaako maana noobe lampi ubeena kusama mu mfishi kanatu bwaila ne kumakya tubaanga baanga twa saama mumichima yenu. ²⁰ Peulu ya byoonse, wafwainwa kuvwisha amba kafwako binembelo bya bungauzhi bifuuma mu kutuntulula kwa muuntu mwine. ²¹ Kafwako bya bungauzhi byaletelwe na kusaka kya muuntu, pano muuntu waambile kufuuma kwi Lesa byo ba sendelwe mubu mupashi wazhila.