¹ Kufuuma ku mukuluumpe ku mwaana mukazhi wasalwa ne baana baanji, ao ye natemwa mu bu kiine-kabiiji keechi amiiwatu ne, mino ne booba boonse bayuuka bu kiine- ² maambo a bukiine bwaikala mwi atweeba kabiiji bukeekala ne atweeba myaaka yoonse. ³ Buupe, lusa, ne muteende ukeekala ne atweeba kufuuma kwi Lesa Taata ne kufuuma kwi Yesu Kilishitu, mwaana wa ba Taata, mu bukiine kabiiji ne butemwe. ⁴ Amiiwa nasekela biingi amba nataana baana boobe bamo sa beenda mu bukiine, noobe byonkabyo twataambula uno mukaambizho kufuuma kwi ba Taata. ⁵ Pano amiiwa na kusaanshijila obeewa, ineetu-keechi noobe amiiwa na kuneembejilenga obeewa mukaambizho mupya ne, mino yeenkawa umo yetwajiinga naanji kufuuma ku nteendekelo-amba twafwainwa kwiitemwa umo ne mukwaabo. ⁶ Buno bo buteemwe, botwafwainwa kweendamo mwaila mukaambizho waanji, byonkabyo mwa umvwiine kufuuma ku nteedekelo, amba mwafwainwa kweendamo. ⁷ Pakuuba ba bubela bavula baiya mu ntaanda, kabiiji keechi bashimuna amba Yesu Kilishitu waishile mu mubiji ne. Bano bo babubela kabiiji bambulwa kwaakamwa Lesa. ⁸ Italai anweeba beene, amba keechi mweele biintu byo twaingijila ne, mino byonkabyo amba mukakoonshe kutaambula kilaambu kyayuula. ⁹ Awa yeense uyaatu kulutwe ne kwiikala mu mafuunjisho a Kilishitu ne keechi uji na Lesa ne. Awa wiikala mu mafuunjisho, awe uji na boonse Taata ne mwaana. ¹⁰ Inge uji yeense waiya kwi anweeba ne kuleeta ano mafuunjisho ne, keechi muka mutaambwile mu nzuubo yeenu ne kabiiji keechi muka mwiimune ne. ¹¹ Pakuuba awa waamba lwiimu kwi aye utaanwa mu byuubilo byaanji byatama. ¹² Amiiwa nji na biintu byavula bya kwi muneembela anweeba, mino keechi nalaangulukile kwi bineemba na boolo penyi ne inki ne. Pano mino, amiiwa naketekela kwiiya komuji ne kwaamba meeso na meeso, byonkabyo amba lusekeelo lweetu lukapwe. ¹³ Baana ba muloongo obe wamukazhi wasalwa ba kwiimuna.