¹ Paulo, Silivanusa, ne Timoti ku kipwiilo kya beena Tesalonika mwi Lesa Taata ne Nkambo Yesu Kilishitu. Lekai buupe ne muteende ekale kwi anweeba. ² Atweeba tupaana kusaanta kwi Lesa na maambo a anweeba boonse, byo tu twajiijila kwi muteela anweeba mu miloombelo yeetu. ³ Atweeba tuvuluka ku meeso a Lesa weetu ne Taata miingilo yeenu ya lwiitabilo, miingilo ya buteemwe, ne kuteekanya kwaikala kwa luketekelo mwi Nkambo yeetu Yesu Kilishitu. ⁴ Baloongo baami bo bateemwa kwi Lesa, twa yuuka aye wimusala anweeba, ⁵ maambo maambo etu awaama keechi aishile kwi anweeba mu byaambotu ne, mino ne mu buluume, ne mu mupashi wazhila, kabiiji ne mu kuyuukisha ku kataampe. Mu jishiinda jimootu, ne anweeba mwa yuuka musaango wa baantu ye twajiingamo mukachi keenu na maambo enu. ⁶ Mwaikeele ke bakuloondela atweeba ne Nkambo byo mwa taambwile byaambo mu lumanamo lukataampe na lusekeelo kufuuma ku mupashi wazhila. ⁷ Bya fumineemo, anweeba mwaikeele ke kya kumweenako ku boonse mu Makedonya ne mu Akaya betabile. ⁸ Pakuuba mwi anweeba byaambo bya Nkambo byaaya nkuuwa, kabiiji keechi mu Makedonya ne mu Akaya tu ne, mino lwiitabilo lweenu mwi Lesa lwakuumbana moonse. Onkao maambo atweeba keechi twasaka kwaamba po kiji kyoonse ne. ⁹ Pakuuba abo beene ba shimwiine pe atweeba musaango yetwafikiijilemo mukachi keenu, ne byo mwa alulukijile kwi Lesa kufuuma ku baankishi ne kwiingijila Lesa muumi wa kiine, ¹⁰ kabiiji ne kupeembela mwaananji kufuuma mwiulu, ao ye a bushiishe kufuuma mu baafwa-ye Yesu, aye witupokolola atweeba ku bukaji bukeeya.