¹ Bino byo byafwainwa muuntu kwitumona muntu atweba, nobe bamwingilo bakwa klishitu kabiji bakalama byafyamikabya kishinka bya Lesa. ² Pano kikebewa bakalama kya kuba amba bafwainwa kwikala bakishinka. ³ Mino kwi amiwa ke kintu kicheche sana akyo nafwainwa kupingulwa kwi anweba nangwa muntu mukwabotu nangwa kukije kikwabotu kya bantu. pakuba kechi ne chibila maambo amiwa mwine ne. ⁴ Kechi nayukapo ene maambo omumpa amiwa ne, mino bino kechi bya lumbulula amba nabula kaneneno ne. Ye nkambo ye uchiba maambo. ⁵ Byonkabyo, kechi waambe pa bunchiba maambo kimye saka kikyangye kufika pabiji byonse nkaambo saka akyangye kwiya ne. ukaleta patoka byafyamika bya mumfishi ku sololwa byubilo bya muchima. kabiji yense ukatambula kilambu kyanji kufuma kwi Lesa. ⁶ Pano, balongo, nebikijileko ino mikambizho amwa mwine maambo pakuba amba mukafunjile kwi atweba bya mwaila kwaamba amba "kechi mupitaile pa byalembwa ne." Bino biji amba kafwako nangwa umo mwi anweba wakonsha kwi lundumika ne kupelula mukwabo ne. ⁷ Pakuba nganyi umonamo lupusano lonse pakachi kenu ne bakwabo? bika byo mujinabyo byo mwabujile kutambula kyatutu? inge mwikitambwila kyatutu, musa kwitotela ka nobe kachi wi kyubile ne? ⁸ Muji kala na byonse byo mwakonsha kukeba; mwaikala kala na bunonshi; mwatatwile kwikala pa bufumu- ne kwitukana atweba; kyakine. Naketekela mwaikele, pakuba amba tukakonshe kwikala ne anweba. ⁹ Pakuba nalanguluka Lesa witubika atweba batumwa mukwitumwesha nobe bankusa yamunongo kabiji nobe bantu boba chibilwa kulufu. kabiji twaalulwa ke bakutalatala ntanda yonse - bamalaika, nekubantu. ¹⁰ Twa kosama na maambo klishitu, mino mwiba maana mwi kilishitu. Twa nekena, mino anweba mwakonsha. Mwaikala mu munema, Mino kechi tuji mumunema ne. ¹¹ Kufikatu ne pa kino kimye tujitu na nzala ne kilaka, twayanda byakuvwala, twapumwa, kabiji tufwao mazubo. ¹² Twingila na buluume, twingila namaboko etu. inge twanowa, tupesha, inge mitupata, tutekanya. ¹³ Inge twa bepelwa, twambana lusanshijilo. twaalulwa, kabiji bakitulangulukila byonka byo, bakaana kuntanda kiji binchatu bya pa bintu byonse. ¹⁴ Kechi ndemba bino bintu mukwimulengesha bumvu ne, Mino mukwimyolola nobe baantu bonatemwa. ¹⁵ Pakuba nangwa mukekale biumbi jikumi bakalama mwi klishitu kechi mujino no bashenu bavulane. Pakuba naikele ke shenu mwi kilishitu Yesu kupichila mu maambo awama. ¹⁶ Nemusanshijila anweba ikalai bakundondela amiwa. ¹⁷ O ene maambo onemitumijile, Timoti, yenatemwisha kabiji maana wa luketekelo mwi nkambo. ukemuvulula anweba ku mashinda ami mwi kilishitu, no byoka byomfunjisha konse konse kabiji ne mubipwilo monse. ¹⁸ Pano bamo bamwi anweba baikele belundumika, kubanga nobe amiwa kechi naishilenga kwi anweba ne. ¹⁹ Pano nkeya kwi anweba katataka, Inge nkaambo waswa. Ne amiwa kechi nkayuka byabubela byobamba aba betota ne. Mino nkamona bulume bwabo. ²⁰ Maambo bufumu bwa Lesa kechi butanwa mukwamba ne poso mubulume. ²¹ Mubena kusaka ka? nkeye komuji na kamama nyi inyi nabutemwe nangwa mupashi wa lusa?