¹ Kwi aye malaika kukipwilo kyaku Efisesa uneemmbe; Byambo byakwa aye wakwaata tutaanu na tu biji tuubanganga mukubooko kwanji kwakiluujo upitangana mubituulwapo malaamp bitaanu na bibiji bya ngolode, ² Nayuuka mingiilo yobe, ne mingilo obe wakoosa, ne buteekanye boba mulushinjilo, nebyo wabuula kwibaswa baabi, bino wibeseka boba betela amba twibatuumwa bino kechi ibone, kabiji wibamoona mba babuubela. ³ Obeewa wasenda nabuutekanye ne kwibyubila mu jizhiina jami, kabiji kechi wakokane. ⁴ Bino nji na kino kyonatala bibi mwi obewa maambo washa kunyuma butemwe bobe butanshi. ⁵ Vuluuka onkao maambo powa ponene. Ulapile nekuuba mingilo yobe itaanshi. kana ulapila, inge ne nkeya ko uji ne kufuumya kituulwapo lampi pantu pakyo. ⁶ Pakuuba kino uji nakyo: Washikwa mingiilo yakwa banikolwita. Yo napaata ne amiiwa. ⁷ Awa uji namatwi akumvwa, Omvwe byaamba mupaashi mukipwilo. Kwi aye ushiinda nkamuupa luusa lwakuja kukichi kyabuumi, kiji mu paladisa wa Lesa." ⁸ Kwi aye malaika wakipwilo kyamusimulina unembe: Byaambo byaaye mutaanshi ne wapeelako, aye wafwile ne kwikaala mumi jibiji: Nayuuka byamalwa byobe nebuyaanji bobe, Mino wimunoonshi. ⁹ Nayuuka nemwenga waabo betela mba twiba yudea, Mino keibone. Keba mumashinagooga a sataana. ¹⁰ Kechi wakamwe byo usa umaname ne.Tala! Doabola ukemutaaya aneeba baamo mukaleeya maambo akwaamba mwesekwe, kabiji mukaamona byamalwa moba jikuumi. ikalai nalwitaabilo kufika nekuluufu, kabiji nkemuupa munchinya wabuumi. ¹¹ Aye uji namatwi omvwe byaamba mupaashi kubipwilo. Aye ushinda kechi akomvwe lufu lwakibiji ne.''' ¹² Kwi aye malaika wa kipwilo kya mu pelegamuma uneembe: "abayaambo bya aye uji na lupaanga watwa kubiji: ¹³ "Nayuka ko waikala, konka kujitaanda ja sataana kabiji wakwachisha jizhiina jami. Nayuuka mba kechi wakaana lwitaabilo lwami amiiwa ne. nangwa mumooba akwa Antipasa kamoonyi wami, Muntu wami wakishinka, waipailwe mwi anweeba, amwa mwaikala sataana. ¹⁴ Mino nji na biimo bicheche byonatala bibi mwi obeewa uji nabaamo bakwachisha lufunjisho lwakwa Balamu, wafuumishe Balaka kwibata baana ba Isalela kyakwituntulako kyakuja kajo koba batapishisha ba nkishi ne kyakuuba bulalelale. ¹⁵ Kabiji uji ne baamo nabo, bakwaachisha lufunjisho lwa Nikolaitan. Mujishinda jimotu. ¹⁶ Lapilai, onkao maambo! inge nekulapilane, Nkeya bukiji koaji, kabiji nkalwa naabo nalupaanga wa mu kanwa kami. ¹⁷ Awa uji na matwi, omvwe byamba mupaashi kubipwilo, kuyewa ushinda, nkaamupa maana afyamika, kabiji nkamupa jibwe jitooka ne jizhina jipya sajaneembwa pa jibwe, jizhiina jobabula kuyuuka boonse kaana yenka wijitaambula.''' ¹⁸ Kwi malaika wakipwilo kya ku Tiyatila Unembe: Bino ke byambo bya mwaana Lesa,Uji na menso nobe lubeele lwamujiilo kabiji ne maulu nobe lubeemba yeba tubula. ¹⁹ "Nayuuka mingilo yobe: buteemwe bobe ne lwitabilo ne mingiloyoobe butekaanye bobe Nayuuka byowauba katataaka byavuula kukila bitaanshi. ²⁰ Bino nji bino byonataala bibi mwiobewa: byo walekatu mwaana mukaazhi yezebele, witela amba ne ngauzhi. Mulufunjisho lwanji wi bongola bakaluume bami kuba bulalelale nekuja byobatapishisha ba nkishi. ²¹ Namupele kimye mba alapile, MIno aye wakana kulapila kubulalelale bwanji. ²² Tala! nkamu taya pakikola pamwanya wanji neboba boba nanji bukende mumalwa akataampe, kana bakalapile kubyubilo byaabo. ²³ Nkepaya baana banji na lufu, kabiji bipwilo byonse bikayuuka mba amiwa yami nkeba keba mumilanguluko nemu michiima. kabiji nkapaana kwi anweba boonse monka mwaila mingilo yenu ²⁴ Pakuuba kwianweeba mwashalapo Mutitapitila, boonse babuula kukwaata kumafunjisho kabiji nkebayuuka kubamo betela mba bayuka byafwamika byasataana_ kwi aneeba namaambo mba, kechi mbike kisendwa pe nweeba ne. ²⁵ 'Mubyonse, kwachishaitu kanaatu nebyo nkeya. ²⁶ Kwi aye ushinda nekuba mingilo yami poso kumpelo, kwi aye nkamuupa Lusa lwapa mikoka yabaantu. ²⁷ "Ukeitangijila nakamama kakapotwe, nobe bijiilo bya mbumbi ukebilala usa tubipimvwa tucheche tucheche. ²⁸ Byonkabyo nataambwila kwibatata, ne amiwa nkamupa ntaanda wakumakya. ²⁹ Awa uji namatwi omvwe bibena kwaamba mupaashi mubipwilo."