¹ Kabiji amiwa namweene kiyuukilo kikwaabo mwiuli, kikataampe ne kukumya: Kwajinga bamalaika bataanu na bababiji na myalo itaanu na ibiji, yo myaalo ikapelaako, maambo na ayo bukaaji bwa Lesa bukapwijijika. ² Namweene kya mwekeele nobe kaluunga kakilola ka vwangakana na mujilo. Baimene ku kaluunga ka kikola bajinga abo ba shinjilelukinyaama ne lukipashangano wanji kabiji ne nambala waimenejileko jizhina janji. Abo bajinga na byansa byo bebapele kwi Lesa. ³ Abo baimbilenga lwimbo wa Mosesa, kaluume wa Lesa ne lwimbo wa mwaana mukooko amba: "Mukatampe ne kukumya yo mingilo yanu, Nkaambo Lesa, wa buluume boonse. Aoloka ne akine o mashinda enu, Mfuumu wa mikoka. ⁴ Nganyi ukabula kwimuchina anweeba, Nkaambo, ne kutumbijika jizhiina jenu? Mambo anweeba yanka mwazhila. Mikoka yonse ikeya ne kupopwela ku meenso enu maambo mingilo yeenu ya oloka beimwesha." ⁵ Pakupita bino biintu Amiwa natajile, ne nzuubo yazhila ya teente wa bukamonyi bamushinkwile mwiuulu. ⁶ Kufuuma mu nzuubo yazhila mwafumine bamalaika bataanu na babiji saka balama myaalo itaanu na ibiji. ⁷ Umo pa ba myeo baana wapaine ku bamalaika butaanu na bubiji michiba ya ngolode yayulwa na bukaji bwa Lesa, aye wikala myaaka ne myaaka. ⁸ Kabiji nzuubo yazhila yayujilwe na bwishi bwafumine ku lukumo lwa Lesa ne ku buluume bwanji. Kafwaako wakonsha kutwelamo katanu kanaatu myaalo itaanu naibiji ya bamalaika bataanu na babiji ikapwe.