¹ Yundase , ndungo ya Yesu Kilishitu nyi mwanakwo wa Tiyangu, kuli waze hanaatambika , kanazange muli Zambi mwe Tata , kanafungu hali Kilishitu : ² Keke nyi sambukila nyi zango yikalumbame kaji kuli yenu . ³ Akwetu a zango , shimbi nalipupwishile kusoneka kuli yenu ha kutwala ulamwino wa eswe aali nyiwenu kanda nyiwetu techangutamba kusoneka kuli yenu nyi kunushinjila kulitachika chikolo ha ufulyelo uze aukunjika kuli asandu kamuwika kunahu. ⁴ Mumu amwe atu alyombele nyikunila kutenga , waze kushakulu aavulukile shimbu kanda ha uhiso uno yitanganyanyi , waze akwalumuna vumbi lya Zambi unila kakulikala mwata wetu , wumuwika kanda mwene wetu Yesu Kilishitu. ⁵ Achi ngunazange kunwiwulula - chipwe nunanyingika yuma yeswe kamuwika kunahu - mwene te walamwinyine amwe atu ku Engitu , kulutwe lya chize wenyekene waze kamufulyelele . ⁶ Nyi , angelo waze kafungile chiyulo cho ene chitangu , ehukile chichela cho ene hanaafungu mu makana, ja mutolo kushi lya milima, swi, ndo ku upatwilo wa lye tangwa linene. ⁷ Chizechene ngwe sondome nyi ngomola nyi membo akwajilika te chizechene ngwe wano alitumbikile ku utanji nyi kukaula musunya weka hanasela ngwe chilweza ha kwivwa upatwilo wa kahya ka mutolo . ⁸ Hindu chize chene nyi wano nawa , ha kulota cho kakuchisa mujimba . kakulelesa yiyulo , kakutuka e alemu. ⁹ Alyoze mikelo mungelo mukwa lutwe . muze ahangulwile ndyapu wahamikine ha kutwala ku mujimba wa mose , kanahamukine kumukumika nyi maliji a kutuka , Alyoze wambile ngwenyi mwene akwambile ! ¹⁰ Alyoze wano kakutuka yuma yuma yeswayo kanyingikine ; nyi chize anayingika ku chisemwa , ngwe tushitu yipama , mu yino yuma kakulimbula . ¹¹ Lamba lyo ! Mumu kanayi mujila ya kene hanatoko mu kupyangula cha mbalau ha fweto . Hanukuwu mu kuhamika cha kole. ¹² Wano atu hanapu yipeka mu yiteleka yenu ya zango , muze malyangana hamwe nyi yenu tufunga waze keshi woma kakulilisa ene. Malelwa aze keshi meya a kuhungumyona kweka ku fuji mitondo ya lushiho; kuyakakaminya kuyinafu, kaali yakutangumuka . ¹³ Mikanyi ya kupupula ya ku kalunga lwiji kanatutumuna sonyi jo ene; Matongonoshi a kupyanguka , hali ayo hanafungu kulaa cha milima swi ndo ku myaka ya mutolo. ¹⁴ Enoke , wamuchishimbyali kuli Alama , wapulofetezele hali wano , ngwenyi, '' Talenu ! Mwene kumeza hamwe nyi yizavu yinji ya asadu jenyi. ¹⁵ Kaneza mukulinga upatwilo hali eswe. Mukukumika yitanganyanyi eswe ha yitanga yo yeswe ya utanganyanyi yize alingile nyi utanganyanyi nyi ha yuma yeswe yikulu ; yize alingile nyi utanganyanyi hanahajika ya kulimika nenyi.'' ¹⁶ Wano akwa kulinyenyeta , akwa kulinyengetela , akwenda nyi kulita nyi usolo wo ene . Nyi makanwa jo kakuhanjika maliji anene a kulifwimba , kakulinga nyi katonde akafumbuke ene. ¹⁷ Alyoze yenu, akwetu , iwulukenu maliji aze ahanjikile kushi ku makanwa ja tumbaji ja Mwene wetu Yesu kilishitu. ¹⁸ Ngwe ambile kuli yenu , ''Hamwaka wa kusula kumukukapwa akwa kukekuna waze akwenda nyi kulita nyi usolo wo ene wa utanganyanyi.'' ¹⁹ Wano kakuhandunwona ; akwa mu sunya keshi Shipilitu. ²⁰ Alyoze yenu , akwetu tunanuzange , lijikililenu ha ufulyelo , nyi kulemba muli Shipilitu musandu. ²¹ LIfungenu mu zango lya Zambi , nyi kushimbwila keke ya mwene Yesu Kilishitu ndo ku mwono wa mutolo. ²² Mba amwe evwilenu keke shimbu anayambashana. ²³ Nyi akwo alamwinenu nyikwachangumuna ku kahya . Nyi akwo avwilenu keke nyi woma . Mazalo aluchisa wa musunya nuka avwile kupiha. ²⁴ Halyapwila kuli yoze mahasa kunufunga hanga kunuchi katalinga nyi kunumanyisa kulutwe lya uhenya wenyi nyi kulikwiza kunushi kapalya, ²⁵ kuli Zambi umuwika chilamwina chetu mu jina lya Yesu Kilishitu Mwene , wetu , uhenya , nyi ulamba , nyi ndungo , nyi yiyulo , yikapwe kushi ku myaka ya mutolo nyi halyapwila nyi ndo ku myaka ya mutolo. Amena.