¹ Mukulwana kuli mukwetu yoze nazanga ngayu, wamwenemwene. ² Mukwetu wa zango , ngunalembe ngwami yeswe muyipwa kanawa nyi yena hanga ukahinduke uli wa ngungu, chize chene ngwe chinawahila mwono we. ³ Nawahililile chinji muze mandumbu ejile yapwa chela ku umwenemwene , we ngwe chize wa kwenda mu umwenemwene. ⁴ Chishi nyi uwahililo unahyana uno, hakwivwa ngwo anami ka kwenda mu umwenemwene. ⁵ Mukwetu nazanga , yena wakushishika muze waku hondanganyina mandumbu nyi ngeji ⁶ waze hanapu yela ,kutwala ku zango lye hakachi kachi kungulwila . Mukalinga kanawa kwatuma mu jila yo ngwe chinatela Zambi , ⁷ mumu ha jina chenacho ayile , chakuhona kutambula nyi chimwe kuli Afeneteli. ⁸ Chocho chatu tamba kwa tambula nyi kwa sambilila wano hanga akapwe akwwetu akwa milimo mu umwenemwene. ⁹ Nasonekene yino yuma kuchikungulwila , alyoze Ndiutelefwe , wazanga kupwa mutangu hakachi ko, keshi kututambula . ¹⁰ Chocho nyi mungwiza , mukamwiulula yitanga yenyi yize akulinga, yama huza kuyu lyongela nyi maliji aungulungulu. Mba yiyekeshi kuyuka no , neye keshi kutambula mandumbu mwene , alyoze kakumika waze akuzanga kwasambilila nyi kwahanga nu chikungulwila . ¹¹ Mukwete wa zango , kanda wimbulula yuma yaluchisa alyoze yiye yili yipema . Yoze wakulinga yipema yiye wa Zambi ; Auze wakulinga ya luchisa kanda achimona Zambi . ¹² Ndemeteleu shindakenyo yenyi yipema a yambulwile kuli eswe nyi umwenemwene wene . Nyi yetwe nawa twa shindakenyene hali yiye, nyi yenwe nunanyingika shindakenyo yetu ya umwenemwene. ¹³ Napwanga nyi yuma yinji yakutela kusoneka kuli yena , alyoze chazangile kuyi soneka kuli yena mu sonekeso nyi ulombo. ¹⁴ Alyoze yami nguna talatala hanga ngukumone washi , mba tuka hanjike meso nyi meso . ¹⁵ Sambukila yipwe nyi yena . masepa kanakumeneka. Meneka masepa hajina.