¹ Paulu , apositolo wa Kilishitu Yesu nyikulita nyi chiyulo cha Zambi chilamwina chetu nyi Kilishitu Yesu mwe kutalatala chetu, ² kuli Timoteu , mwanami pundu mu ufulyelo: Vumbi, nyi keke myi sambukila yahyana ya kulimwe tata yetu nyi Kilishitu mwene wetu ³ Ngwe chize nakushinjilile muze napwile nyi kuya ku Masendoniya , hanga uka sale mu Efwesu hanga ukahase kukanjisa amwe atu kanda akapwa nyi longeso lyeka. ⁴ Chipwe kupanjika kuyi shina ya mokomoko chipwe kujika miya yize kuyishi masongo . Ayi yakuneha luvundo kuyishi kutwala uselo wa zambi, kulutwe uze uli mu ufulyelo. ⁵ Mba songo lya shimbi ngwo zango lize lyakukatuka ku mbunge yitoma , nyi mbunge yize yipema ya mbunge nyi ufulyelo ku ushi ulembekese. ⁶ Atu amwe hanakondoloka kuyuma yino hanalumukina kupande ja mokomoko . ⁷ Te kanazange kupwa a longeshi ashimbi , alyoze ayo kanyingikine chize anambe chipwe chize atu shindakenyo nyi tachi jeswe . ⁸ Achino tuna nyingika ngwetu shimbi yapwa yipema nyi umwe malinganayo nyikulita nyi shimbi. ⁹ Tuna nyingika chino , ngwetu shimbi kayi koleselele mutu mukwa ululi , alyoze ayi kolesele hali yihulya, nyi akwakukolema nyi yitanganyanyi, nyi yivulumunyi, nyi akwa luchisa, nyi jiluke akwa kushiha atate nyi akwa kushiha anaye , nyi yinga lwe, nyi atu autanji , nyi akwa utumwa, nyi kwachi ya ndungo , ¹⁰ nyi akwa mahuza , nyi akwa kulishinga nyi mahuza nyi yize yeswe yakuli mika nyi sango lingunu. ¹¹ Ayi yakukaula yinalitesa nyi ku uhenya wa sango wa ku kiswila wa Zambi wuze anguhanyine. ¹² Nakusakwilila kilishitu Yesu Mwene . Yiye wangu jikishile , mumu wangu nyongene kupwa wa kumu fulyela chocho hananguse kuvumbi. ¹³ Chipwe kunyima napwile mukwa kushililika mukwa ku hungumyona , ayu. Mukwa utenu chinji. chipwe chocho nawanyine keke mumu nachilingile mukwalajala nyi kuhona ufulyelo . ¹⁴ Nyi keke ya mwene wetu ya zalile to nyiku supwoka nyi ufulyelo nyi zango lya muli Kilishitu Yesu. ¹⁵ Lye liji lino lyatela kulifulyela nyi kuli tayiza cheswe ngwo Kilishitu Yesu wejile hano hashi nyi ku lamwina yivulumunyi . Hakachiko eswe ami nguna hyana . ¹⁶ Mba hachino nawanyine keke, hanga kuli yami wa hyana , mwe tetekeli, Kilishitu Yesu akasolole uhomboloji wenyi. Chikapwe cheseko hali waze makamu fulyela wa mwono wa mutolo. ¹⁷ Chocho kuli mwanangana wa mbwika , yoze kashi kupola, keshi kusoloka mwe Zambi umuwika , vumbi nyi uhenya yipwe kuli yena haya myaka . Amena. ¹⁸ Ye shimbi yino ngunayi kunjika kuli yena , Timoteu mwanami, kweseka nyi upolofeta wa mwaka a hanjikile ha ukase jita yipema , ¹⁹ chize uka kakaminye ufulyelo nyi mbunge yi pema . Mumu ha kulituma nyi kulinga chino , anji hana tokesa ufulyelo wo. ²⁰ Wano e a heweneu nyi Alekizandala , waze hinguna kunjika kuli satana hanji akafumbe a keche ku shililika.