¹ Eyɛ wɛ étɔn le éflɛn lo sɔn étoxó égbo kemɛna yejileɔ; énukplaviyé jɛɔgbɔnnɛ. ² Kena ''Sabbat'' ''Sabbatu'' ba ɔ, ejɛ énu kplamɛyé le sinagɔgumɛ (cɔcixɔmɛ). ɛmɛ susu wɛ ɖo étɔwu ékpla ébodo jijuɛ lanmɛnayé. Eyɛ ye kan sewi: << finɔwe eyi nukplamɛ ye lé?>> << Nunyinyɔ (sagesse) nɔwe wɛ ye nɛ kesiɔ?>> << Mikpɔ nu dandonu kena eyiɔlɔdo wayé lā? >> ³ Vɔ lé kapita éxɔ gbatɔ mɛnyi ya, Marie yesunɔ évi mɛɔ, Jaki, Josés, Judie kɔdo Simɔn yéyé énɔvi mɛnyiɔn? E nɔnvi nyɔnviyé yé unle mi mɛ le fiɔ?>> Yésu nyi ɔfɔklɛn nύ naye, dobé ye unɖinu nɛó ⁴ Eye Yesu lɔ nayebé:<< lɔɖawanlɔtɔ ti, un le yenɔn wli yɛyi na le étómɛo, fina yeji leɔ, emɛyémɛ alo ɔyɔuntɔ éxwémɛɔ.>> ⁵ Yesu unkpeji wa zan gboɖé, na unyi édlan ɔlɔ do ɔzɔntɔ kwiɔwé déyéji bo hɛnɔzɔn gbɔ nayé. ⁶ Yéénuma ɖiɔ ékpaca Yesu. E gbɔjuɛ lɛkɔ sɔn kɔpeye mɛ bojɛ enukpla ɛmɛyéji. ⁷ Yesu ylɔ ɛmɛ siɔ weyé, bo ɖɔyé ɖɔhlan ɔwéɔwé. Enayegbé kpacɛ na awoviyé; ⁸ Eba kɛnayé be; mi kayi nuti le mɛtisi na miyé éhwɛn zizɛo, na unyi emɔnzɔntin lokpo o, mi kaxɛn kpɔnɔ mi kaxɛn sakió kaka adoxɛn ɔgojiblanu kɔdo ɔxó (ceinture) mika ⁹ Xɛn ɔfɔkpa, kɔdo awu ɔwé canó. ¹⁰ Eyɛ elɔ nanyébé:<< ganɖé kpékpé mɛ, na mi byɛ xwédemɛ ɔn, minɔn émɛ kaka, mia wajɔwɛn, gbɔxwé mian tɔn. ¹¹ Minyɔn be le etóxó gbodemɛ, na ye un yi mile ɔwa, alo, yi ímiye xó owa. Mi xuxu miyé ɔfɔkɔ na mian tɔn le émɛ; aba nyi kunuɖiɖé nayé.>> ¹² Ye tɔn bo do ewɛnnyoɛ nayé, bo lɔ na etóviyé be ya dɛndoyénuvoɛyé. ¹³ Yé nyan awovi susu tɔn le ɛmɛyemɛ-eyɛ, ye siami nan ɔzɔntɔ susu, bo xɛn ɔzɔngbɔnayé. ¹⁴ ɔxɔlu Herodi sexóɔ, dobé Yesu enyikɔ gbakpé fitɛtɛ.ɛmɛ déyé le lɔnubé: <> Egbɛ buyé lɔ bé <> .ɛmɛ buyé san lɔbé lɔdawanlɔtɔwɛ xóxó buwɛ.>> ¹⁵ ɛmɛ ɖéyé can lɔ: Ewɛ nyi <>, ɛmɛ buye can kɔ lɔbé << lɔdawanlɔtɔwɛ, alɔ ɔ lɔkpɔ le ɛmɛ xoxo ye mɛ.>> ¹⁶ Vɔ kena Herodie séɔxóɔ-elɔbe: <> ¹⁷ Miflin be Herodie wli Jan bodo zan wi do igankpamɛ, do Herodias si ( énɔvi filippu ésiɔwu) dobe eyi ɛmɛsiwu. ¹⁸ Dobe Jan lɔnan Herodie be esὲn un na be wuɔ be ayi (ɛmɛsiɔ) wenɔvisi.>> ¹⁹ Herodiasi ɖó, ékin wi-bolé ayi kanu ado hüi, vɔ un kpɔn émɔn l'éwuó, kakaa do hüió. ²⁰ Odo bé Herode le vɔn nu nan. Jan, émɔn nujɛwu be Mawu égbɛtɔ wɛnyi; bo nyi ɛxwɛ jijɔ nɔn, éwlibonɛ, nan énuti un manjɔdo éji. Na aɖo ɔtó éxo, énɔn mɛ lammɛnɛ. Vivɛɖé. Vɔ kókó mɛ ɔn, énɔnsé kɔdo jijɔɛ ²¹ Ganmɛna Herodie, éjíjígbe exwé ɖùɖù (anniversaire) basuɔ. E ylɔ ahwangayé, komman danyé kɔdo, camigbógbó Galilea tɔnyé. ²² Herodiasi, evi nyɔnuvi, biɛ ɔgun-mɛ kɔdo éwé ɖύɖύ na yé, éjɔjinà Herodi kɔdo ɛmɛ na eylɔyé do xwesa énudùdù wuyé. ɔxɔlu lɔna nyɔnu viɔ bé << biɔ énu ɖékpékpé na ejlóɔ wun eye man bo nɔn.>> ²³ Etànɛbé: <> ²⁴ Le ɔfɔta lokpoɔ jiɔ nyɔnuviɔ tɔn bo jɛ aga, bo kansé wu énɔn: <> Enɔn, lɔ nɛbe: << Jan Mawusinlɛtɔ étā.>> ²⁵ Le zounlɔkpoéɔ efia sɔn ɔxɔlùɔdé bo biɛ bé: <> ²⁶ ɔxɔluɔ biɛ ɔunzinzin mɛ , vɔ do ɛmɛjlo na éylɔye kpena. Jɔgbe nan éfian wuɔ, un gɔkpéji agbɛo. ²⁷ Leflin mɛɔ ɔxɔluɔ, zɔn ésɔja lokpɔ be nɛ sɔn agbotàna. Jan Mawusinlɛtɔ dobà. Sɔja bosɔn gbo étàdo ba, le gankpamɛ ²⁸ Ehɛin étà do gannugbajɛmɛ ba yinɛ nyɔnuviɔ. Eviɔ kɔwɛ yi na énɔn. ²⁹ Enùkplaviyé sexóɔ ye sɔn kɔ égbaza, bo ɖȉ do mɛkukudomɛ. ³⁰ Apȏsteliye lɛdo Yesu, bo jɛmuna éwaye kɔdo lɔyé jinɛ ekplana ena. ³¹ Eɖo éwu nayé: <> Dobe, kénan ɛmɛsusu, leba nun ye débogo lekɔ lɛnu, ye un ɖó vivotio kaka ya do ɖunuo. ³² Eflin mɛwɛ, yéé mɛtɛtɛ biɛ ahebamɛ. Yebo sɔn tɔgodo fina zogbe léɔ ³³ Ye kpɔn gan mɛ nan ye lɛdoɔ, ɛmɛ ye bo nyɔn yé ,ɛmɛ lé tó gbomɛyɛ ye doɔwezun zɔnɔfɔ lɛdo, sɔngboyé, bo jɛ ɔnkɔ nayé. ³⁴ Ganmɛna ye jɛ aga le tɔgódóɔ, ye kpɔn ahwan susu Yesu ku ɔnzinzin nayé, dobe ye ci ɖiken lingbɔ ma do ékplan tɔ. Eflin, wɛ jὲ ékpla sύsύ naye ji. ³⁵ Le ganxixo, lɔkpo égodogba énukplaviye zɔn ba édé, bolɔnibé: << eflina milé, wasi zogbéjí gahme, boléyinu ³⁶ Nyanyé ɖo hlan, ya sɔn éflinɛlɛ. Alo kpɔyé mɛ, yàzɔnénu ɖùdù.>> ³⁷ Eɖɔ éwu nayé be:<> Ye lɔnɛbé: míkpeji, axɔ kpɔnɔn Rɔman xó klosaló fɔɖé (200 derniers) na ɛmɛ tɛtɛ.>> ³⁸ Ekan, yesébé :<< kikan ɛnɛyé wɛ mi ɖó ó?>> Misɔn lɛkpɔn. Kenanyé kpɔn goɖoɔ, ye lɔ be << kikan atɔn, kpenan ehwé ɔwé.>> ³⁹ Ezɔn tó gun gbogbo, nɛ le ɔgbɔn niɔn, be ya sinɔn a wan égbɛ vovoó do égbé aman mύ yé ji ⁴⁰ Ye sinɔ awan égbὲ vovoó , kandé ɔsiɔsi, kɔdo kɔnwe.wi ⁴¹ Eyi kpɔnɔn kikan atɔnyé kpénan ehwe ɔwéyé. Ekpɔn ɔjihwlé dó ɛkpɛnan Mawu, bo bɛ yé yinan, énukplaviyé, amannan ɛmɛyé, kɔdo ehwe ɔwéyé. ⁴² Le xójɔxó mɛɔ, gbɛtɔ, gbagbaye tɛtɛ dύnύ, bojuɔɖó. ⁴³ Ye bɛ dύkpɔtɔyé do jaxwi siɔwe mɛ ehwé dukpɔtɔyé. ⁴⁴ Gbɛtɔ na éɖύnύyé sɔn tɛxwé siɔwé kɔdo fɔdé ( cinq mille) ⁴⁵ Le zɔnlokpɔo, éɖé égbé na énukplavié, abiɛ aheba mɛ, nan ya jɛ tɔgoɖo ɔunkɔmɛ, le Bethsaȉ, ganmɛna éjɛ ɛmɛyé nyanji. ⁴⁶ Yé lɛ égodoɔ. Yesu sɔn ɔsóji lé ɛɖɛxogbé. ⁴⁷ Xwesa do, aheba le exύ cécɛnmɛ Yesu lokpónɔn kpɔtɔ le awanzanji. ⁴⁸ Ekpɔn éfun na ye le kpenuɔ, do le édɔn kύnύ. Do bé jɔxɔn le xónύ, àdoxó fifɔn mɛ gan ɛnɛmɛ, ézɔn xύji le ɔfɔ. Légbɔn nu yéɖé. ⁴⁹ Kenan ye kpɔɛn ye kpɔɛn. Zɔn ɔfɔ lexύji le gbɔnnuɔ. Vivɔn xuyé dobé ye kpenu zangbetɔ, ye bo dóxwa gbodé. ⁵⁰ Elɔ nayébé, mika vɔn << miɖéji dobe mlɔn untɔ wɛ!>> ⁵¹ Yesu biɛ exun ɔmɛ kɔdoyé, jɔxɔn bo tɔté (nɔté). ɔvivɔn gbódéyé jɛ yemɛ tɛtɛji. ⁵² Ékpacayé, dóó ye kpɔtɔ le édo kannunan kpɔnɔn kikan atɔn. Yééji ba siɛn. ⁵³ Ye jɛ tɔgodo, bobajɛ Générarɛthi awanzanji, yebo gli éxuɔn. ⁵⁴ Kenanyetɔn le xuɔn mɛɔ godo ye nyɔn ɔfɔ tàlokpoji. ⁵⁵ Le étéjimɛ, yemɛ tɛtɛ doɔwezun, le fiyé-fiyé bo bɛ ɔzɔn tɔyé banɛ ɛmɛ susu nyi kikɔ do batiji (bɛɖivi) doba, le fidékpe. Kpe na ye sé Yesu ényikɔléɔ. ⁵⁶ Kɔpe, ɖékpekpe, alo étó égbo kemɛ nan ezɔn, kaka jɛ étoɔ mɛ ɔxiyemɛ ye nɔn bɛ ɔzɔn tɔyédobe yenɔn fankpoénɛ, be nan gbé ya tɔɔlɔwu énuna édo wu. Eyɛ gbɛtɔ susu nɛɖó ɔlɔ. Ewuyé-tɛtɛ-ɔzɔn-gbɔ.