¹ Azan fifɔn, ɔvɔsatɔye kɔdo mɛnxoye, sykributɔye, Jufu tɔye be ɔtoxo do ye bɔ. E hɛn godo ye bla Yesu bo kplɛndoba. Yé bo joe na Pileti. ² Pileti biɔ be: ɔoyo wɛ nyi Jufu be ɔxɔlu. Edeunaye be «ɔnɔlue» ³ ɔvɔsatogbogboe ɖo wɛ xozuzu ⁴ Pilati gɔ biɔse ebu ke: un kaɖe uma un? kpɔn ɛwɛ susuna ye le dounɔnye ⁵ Yesu un dɔ deuna Pilatio ehɛn ehɛn kpɛɛ ⁶ Kan mɛn na ye le exwe dununɔ, Pilati do a jo kan mɛn tɔ lokpo na ye, ke na togunɔnbiɔ. ⁷ Le Gan kpa mɛn nɔn tɔ emɛ, ɛmɛ lokpo nɔn nyi Banabasi le ye mɛn. ⁸ Togunɔ ba Pilati de bo lo biɔnu be un wasi ke nɛn enɔn wasi ɔ do naye ⁹ Pilati edeuan ye be: mi jobe ma jo jufu exɔluɔ do na mi? ¹⁰ Vɔ ewɔn be sɔn ejromɛ wɛ ɔvɔsatɔgbogboye joe Yesu do ye do ¹¹ Vɔ ɔvɔsatɔgbogbo zyi tovieye ji na ya do awawa na ya jo Barabasi do. ¹² Pilati edeunaye ebu be: «nukɔwɛ mi a wa na ɔxɔlu jufu tɔo» ¹³ Ye kɔdo awawa bu: mikɛdo atsogaji ¹⁴ Pilati lɔnaye: «enu ny nɛn nyi ɛ wao» Vɔ ye kɔkpɔtɔ le awawa donu? «mikɛ ɖo atisogaji na mi!» ¹⁵ Pilati wa nun na togun jrona ye bo jo barabasi do. Ye xo Yesu kɔdo eba bo joe na ya kɛ ¹⁶ Sɔjayé kplyn do sɔn kɔxwe govɛnɛtɔnmɛ eyɔ ɔxwankɔn susu. ¹⁷ Ye nyi awujɛjɛ gaga nyi domi yɛ wasi ɔunja gba hyi donyi. ¹⁸ Ye jɛ egbe do ji nyi be: « mi do gbe nɔn ɔxɔlu jufutɔ» ¹⁹ Ye nyi bugeti do xota nyi, ye tutande un ye bo jɔkro le unkun ni bo wa si di ɛmɛ nɛn le sinnu do gbe. ²⁰ Ké na yé kplan eviɔ do baye de awujɛjɛ lɛ nyi, ye bo nyi awu y doni e hɛn gɔdo, ye kpyin do sɔn na ya kɛ ²¹ Ye zi yiyitɔ nɛn lɛle glemɛ gi na akɔ Yesu be atisoga, enɔn yi Simɔnnyi Cyrénun, etɔ Alexandri kɔdo Rufustɔn. ²² Sɔjaye kplan Yesu do sun Golgota e soji ²³ Ye kpe vyn kɔdo vinɛgry nyi vɔ ununo ²⁴ Ye kɛ do atisogaji, bo mɛn ehuye, do le ɔkɔdanu, ha ya do nɔn esɔ na le kpɔn nunɔ ²⁵ Kanhyxo ɔtɔn kɔ myn ye le kanule ²⁶ Esin na ye do ɖyn do ye mɛn ye wlɛn do ɔxlɔ ji be « ɔxɔlu jufu ye tɔn» ²⁷ Ye ke ajotɔ ɔwe bɔ de ewu ɛmɛ lo kpɔ le ɔɖun si, ɛmɛ lo kpɔ le ɔmin. ²⁸ Di kin na exo lo ɖo. ²⁹ ɛmɛ na le eflɛn zɔnnu nɔn hunhun eta be: ah eyɔ na kagba tɛnpeli a bo kɔ wasi wagban ɔtɔn lɛ ³⁰ Hlɛn wede gan na ajɛte le atisogaji ³¹ Ke si ke wɛ ɔvɔsatɔ gbogboye kɔdo Sycrybuye ye le canun nyi be: ehlɛn ɛmɛ de gan. Vɔ un ukpe a hlɛn ede gan o. ³² Nan Kristo ɔxɔlu Israɛlytɔn un jɛte le atisogaji, na, mi a do kpɔn enu e we mi a do kandiji. Ewɛ eyɔ kɔdo ɛmɛ na ye ka do atisogajiye le zunue. ³³ Le gantrokpo gɔmɛ (gansiɔwe le mi de) ɔzuvlu do le etoɔ tɛtɛmɛ dojɛ (gancinɛn gɔmɛ) (ganɔtɔn le mi de) ³⁴ Le gancinɛn gomɛ (ganɔtɔn le mide) Yesu doawawa gbode «Eloi, Eloi lama sabachthani» nyi nyi be:« xo Mawu, xo Mawu nukɔutu ɔjo u do» ³⁵ ɛmɛdeye le ɛmɛna le flɛn ɛmɛ bo le lɔnu be: «mi kpɔn ele Eli yɔ nu» ³⁶ ɛmɛ lokpo ɖɔɔwezu bo yi cifɔn (ɔvɔuvi) do vynɛgimɛ bo yi do bugèty u bo yi nyi na a nu. ɛmɛ gbɛtɔ be «mi a kpɔn na Eli a ba na a de jɛteja» ³⁷ ɛhyin kɔdo Yɛsu do axwawa gboje bo ku. ³⁸ ɔvɔ na ma cɔciɔmɛ, ma do ɔwe le ɔji kaka ba ɖo. ³⁹ Ke na sɔja kɔnwe wikplantɔ kpɔn be Yesu ku elɔbe: le xónugbómɛ gbɛtɔ xo Mawu be vi wɛ enyi ⁴⁰ Yɔnuye can le ɔzɔga le kpɔnnu do xlan. Le ye mɛn, Mari Madelɛnu, Mari Jaki, José kɔdo Salomɛ be nɔn can. ⁴¹ Gan nyi na ye le Galileɔ. Ye nɔn jɛ ɔkpɔn mɛn nyi bo nɔn subuɛ. Yɔnnu eha gbogbo de can nɔn sɔn Jérusalɛmu gɔde ⁴² Gan mɛn na azanɖoɔ ye le Saba be nunsɔnu da wan ⁴³ Josɛfu Arimatétɔe ba flɛn. Enyi ɛmɛ sisi lokpo le awudenamɛn tɔyemɛ nɛn lete kpɔn Mawu enɔnxwe. E sun Pilati de kɔdo jiɖide bo biɔ Yesu a gbaza ⁴⁴ Xɔgbɔ kpe pilati ɖo Yesu deblaku; eyɔ soja kɔnwe wi kplantɔ ebo kan sewi be yesu ku xonu gbo. ⁴⁵ Kan mɛn na sojakɔnwe wi kplantɔlɔni be Yesu ku, ejo agbaza do ni. ⁴⁶ Josɛfu xɔ lyn-davɔau. ye bo dejɛte le atisogaji, bo ɖolyn-davɔau nɛn, bo kuɛ do mɛnkuku do na yi ku do ɔsomɛn, mɛn. Ehen kɔdo ye tutu ɔkpɛn bo su mɛn kuku doɔ. ⁴⁷ Mari Madelɛnu kɔdo Mari Jose be nɔn ye kpɔ fina ye di Yesu do.