¹ Fifia, dɔla amatonganwa kukpinwa. Ikpɔ vétrividé janyi tso jipo va anyigban. Yi otsɔ ekuwɔ saflé tsé nɔwo. ² Edo gandé hun yi azizɔ le do lémé, edi sigbé ezoganbibi néné. Dankusu ku aya otrɔzu yibɔ. Sigbé azizo ke donɔ le edomé. ³ Bu azizɔa, tikpotikpowo do yi wɔ anyigbanji yi onawo atsékpakpa kédi agéné le anyigbanji. ⁴ Edégbé nɔo bé yigbé défuna ati le anyigbanjio né egbémumudéo, né atidékpékpéo, vua lawɔ von na amékéwɔ Mawu wɔ jesi dé igonuwo. ⁵ Madonyigbé bé né biɔgbé bé yawuamé kumawo, bé watsakawo né wétri ameton.Yi wawo fukpékpéwo ladi sigbé agéné ké kanmé lanyigbanji. ⁶ Lékéké kumaméa, dɔlawo lé jiku vua ogbɔéwo.Olé jiku vévédé vuo esilé wagbɔ. ⁷ Tikpotikpowo odi esɔ ké ojradona awɔa. Otsɔ enuo de wotaji enukédi sika wonu yi wawo kumé di agbétɔ wo kumé ⁸ Ododa ké di nyonlutɔ yi wadu di jatatɔ. ⁹ Odona akɔta wakpɔ wɔnu kédina gavitɔa yi odo awoka kédanawa sigbé esowo kéké ké sudu yikɔ awɔa. ¹⁰ Wasikéti dinɔ sigbé agéné wasikéti, wasikétia, odo ats&kpakpa bé wawɔ von lé wétri améton mé. ¹¹ Wawo kɔnɔla yinyi dɔla ké kpɔna edo ganji. Yiokɔ lé hébreu gbémé yi nyi Abaddon yi Apollyon le Grectɔwo gbémé ¹² Jɔgbévon tsutsukpan wa va yivɔ. Mikpɔ! enukuma wogbédoméa, léo vavamé enugbégblé amevé jɔ. ¹³ Dɔla amadrin gɔan kukpin, yi isé egbédédi tso vɔsa gbɔwozo ké clin yi otsɔ dékumé na Mawu. ¹⁴ Egbéa di na dɔla amadrégonwa kési ekpinwaléa: "midasi dɔla améné ké obladé Euprate wotɔme" ¹⁵ Dɔla améné ké ojradoné gapopokéa, le ikékékéa, lé wétrikéa, lé épékéa bé wagblé amévidé. ¹⁶ Soja néné kénɔ esɔjia yi nyi amé alɔfanvé. Ilé jétékpɔ wawo hunhrunmé. ¹⁷ Kpɔ léké ilékpɔ esɔwo yi amékéo le doé le susunyémé yi wakɔtawɔnɔ elésigbé enujé sigbé zo, blɔ ku dankusumi. ¹⁸ Amé améton ku kujɔgbévon, ezo azizɔ ku aya ké dolé wanuméa. ¹⁹ Esɔ watsékpakpawa elé wonuméyi lé wasikétimé.Gankéa, wasikétia elé sigbé edan yi odo eta ké otsédona abitinamé. ²⁰ Agbétɔ ké kpɔtɔa, ké osia jɔgbé badawa wowo yi otrɔ jimé yi wagblɔ enuké owɔawo, yi okpɔtɔ lé subɔ gbongbonvon ku vodu kélé clinvawo gavijé. Gakpo, ékpé ku atio: kudé enuké omakpɔo, eélé senuo, ilézonwo. ²¹ Otrɔ jimé lé améwuwuméa, lé wasémé, lé wagbandondon mé, léwo tafutafumé.