¹ Yigomé yibé novi kokoé, miho yoyo tso jipo mibu Yésu,bu apostolo, kudé miawo vonsalagan lé jimé trotromé. ² Enyi émamévi né Mawu sigbé léké Mosé nyi éhamévi lé Mawu wa homé. ³ Vua Yésu buné sigbé amékokoé gandé wu Mosé nènè,yi gomé yibé améké tu éhoa do bubugan dé w éhoa n'to ⁴ Vua éhoa amédé yi tuyo vua améké to nɔ éhoa yi gni Mawu. ⁵ Lé akpadika, Mosé gni amékokoé sigbé amédɔdo lé Mawu wa homé.Elagni dasididila nè énuké lava jo lé étsoméa. ⁶ Vua Kristo yi nyi éviké lé kpo Mawu wo ahoéajia minyi yiwo ahoé yi milé miado miawo susu nyin jia. ⁷ N'ti gbongbon kokoéa lé brohé:égbé yi misé yiwo gbéa, ⁸ Mibé sétamélé miawo jiméo, sigbé aglajèjè lé kapopo kémé atémikpo lé avéaméa wo. ⁹ Kia lava émé lé gakpokpo kémé mia togbéwo ojaglan yi otémukpo lé ékpé blanéa,okpo édo wowo gnéwo. ¹⁰ kéa n'biji do jijimé kiawo.N'bé olébu lé wawo jiwomé yi omu lésé égbégné tsawo ¹¹ Yi dé jia n'lé tanu lé jibibimé,omado bogné lé gbondégné méwo. ¹² Mikpɔ miadé woji, nɔvigné wo amédé n'bédo éji sinwu lé miamè wo éji ké latrɔ lé Mawuagbé agbéa n'tiwo. ¹³ Vua mido n'sin gasia gamé mianɔnɔwo ké édidi yi bé"égbéa"nuwuwu,amédé kpékpé lé miamé ma do jimèsésé lé nuvion bébléméwo. ¹⁴ Vua mitrogu Kristo wo améwo yi mikadéji lé goméjéjé tsoyidé nuwuwu ¹⁵ Egbro lé gnakiamé,"égbéa, né misé yiwo gbéa, migbé sétaméo sigbé ajagblanlawo" ¹⁶ Yi gni améké sé Mawu nya yi tsitré dé n'ti? munyi améké wo Mosé dédo lé Egypti a? ¹⁷ Yi méka n'ti otsitré do lé ékpé blanéaméa? munyi énubara towo yi léwo amékuku wo lé janyi lé avéaméa? ¹⁸ Mawu tanu bé omanyi yéwo gbondidi méa yi munyi amékéwo n'bunaméa woa? ¹⁹ Mikpo bé omaté do gnéwo gbondidiméo dé wawo tamé sésé n'ti.