1 Enu ke kan kpékpéɖéɳti ke mi la wɔ ɖoɖa amɛkɔkoewo a, ɳgbe hian bé ma ɳlɔ nu ɖiɖa mi o. 2 Enu ke ɳtia ɳjesi miaxo lɔlɔnu nyɔɛ, yi ɳkanafu mi kuɖé i ɳti le Makedoniatɔwo gbɔ. ɳgblɔ nɔ wo ben Akaia sɔgbe co kaka epe ke vayi a mɛ. Miaxo bibi yi do zo lanmɛ na woadomɛtɔ gbogbotɔwo. 3 ɳdɔ nɔviwo ɖiɖa mi, be kafukafu ke mi wɔ co mia ɳtia ɳgbe nyi gbalo, yi mia nɔ gbesɔsɔ sigbe leke ɳgblɔn ɛ vayia. 4 Nɛ mu nyi nɛnɛ o a é la nyi ɳkpɛn ni mi, nɛ mi ɳkpɔ ɳ sɔgbe gakemɛ mia kudé Makedonia xo nɔviwo mi va ɖo o (nyɛ ɳke ji la gblɔn be, é la nyi mia ɳtɔ can bé ɳkpɛn o) 5 Le enu kuma ɳtia ɳkpɔɛ bé, é hian bé madɔn nɔviwo ɖiɖa mi, bé wo akpé ɖé mia ɳti nɛ mi ajra nunanawo ke xo ɳgbe mi do a ɖo. Le ékuma mɛa enunanawo lasɔ gbe le eji faa mɛ mu nyi amɛjizinzin o. 6 Mi nya bé: amɛ ke do nu vitukui a, é la ɳɛ nu vitukui, amɛ ke do nu sugbɔ a la ɲɛ nu sugbɔ. 7 Amɛsiamɛ nɛ na sigbe léké é ɖoe le yixo jimɛ a. Amɛɖé ɳgbe se vévé kuɖé enu ke é na ɳti o, yi o ɳgbe zin amɛɖéji keɳgbɔ nɛ wɔɛ. Enuke ɳtia mawu lɔna amɛkewo nana ku jijɔ. 8 Yi mawu lacɔ yixo amɛnuvévéwo kpata kɔɖé mia ji. 9 Sigbe léké o ɳlɔɛ a:"E ma yixo kesinɔnuwo na wɔamɛnɔwo. Yixo jɔjɔɛnyenye li tɛgbɛ." 10 Amɛke nana nuku nɛ nukudola, yi é nanaɛ kpɔnɔ na nuɖuɖu a, éla nabé nuku a lasun miasi yi é layi ɖéji. E lana be miaxo jɔjɔnyenye xo ekucɛncɛn laji ɖéji. 11 Ela wɔ mi kesinɔtɔ le ebo ɖékpékpénu be mi ateɳ wɔ edɔ nyɔɛ ɖékpékpé ke la hɛn adɔ va nɛ mawu cɔ to mia ji. 12 Dɔdasi kea, mu nyi xɔsetɔwo xo hian ɖéɖé ɳti kpo be ɖo o. Egbe nyi jijɔkpɔkpɔ kudo adɔdada xo mɔnu ɖiɖa mawu gbɔ. 13 Amɛsiamɛ lana mi asixɔxɔ, yi to mɔ kuma ji a mi le do mawu ɖéji, cɔ to miaxo etoɖoɖo Kristo xo Enyanyɔɛ a ji. Mi gbe le do mawu ɖé ji cɔ to miaxo enunana faa ɖiɖa amɛsiamɛ ku amɛ ɖikaɖika ji. 14 Le lɔlɔn gan ke wo ɖo na mi ɳtia, wo do nɔ gbeɖa ɖo miata. Wo wɔna enu kea le mawu xo amenuveve ke gban ɖé miaji a ɳti. 15 Adɔ nɛ mawu le yixo nunana ke enu mateɳ agblɔn o a ɳuti.