¹ Nɔvi lɔlɔntɔwo, ke nugbedodo keawo le miasia, mi aklɔ nuɖékpékpé ke ponɔɖi miaxo ɳtilan kudé miaxo gbɔngbɔn a ji. Mi aɖe mia ɖéke ɖé vo le mawu vɔnvɔn mɛ. ² Mi ji toxo ni mi le miaxo jiwo mɛ! Mimu jagɔ ɖe amɛɖékpékpé o. Mi mu gblé amɛɖé xo nu ɖé o. Mi mu kpɔ kesinɔnu co amɛɖékpékpé gbɔ o. ³ Mi ɳle ji bé mabufɔn mi yi ɳti yé ɳle gblɔn enya ke ɔ. Enu ke ɳtia ɳgblɔn xoxo bé mi le miaxo jiwo mɛ, cɔ yi ɖé eku kudé agbe mɛ ⁴ ɳɖo kakanɖeji gan ɖé ɖé mia ji, yi ɳkikénɔ ɖeké nyɛ ɖé ji le mia ta.ɳɖɔ kudo ejifafa, ɳdo kudo jijɔkpɔkpɔ le miaxo xaxawo mɛ. ⁵ Enu ke ɳtia, co kaka gakemɛ mi va Makedonia miaxo mu kpɔ gbɔnɖémɛ o. Mi kpɔ xaxa le go kpata mɛ, cɔ to avun ke le jɔ le mia mɛ a kude vɔvɔn ke trɔdo mi a. ⁶ Mawu ke fanɔ akɔ na amɛ kewo caka, efa akɔ nɛ miawo can to Kristo xo vava mɛ. ⁷ Mu nyi cɔ to yixo vava mɛ ɖeɖe ye o, vɔa cɔ to akɔfafa ke Titɔ ɳtɔ kpɔ cɔ miagbɔ a can ji yé. E xonu na mi co miaxo seselelanmɛ gan, kude miaxo aɖaciwo, kude miaxo bibi ɖé ɳti nye ɳti. Ekia na bé jijɔkpɔkpɔ nyɛ a sugbɔ ɖé éji. ⁸ Togbɔ bé xoma nyɛa na bé mi ci amblɛ mɛ a, mu vém o. Vɔa ke ɳkpɔ bé xoma na bé mi ci amblɛ mɛa é ɖefun num.Vɔa gapopo vidémɛ kpo yi mi nɔn amblɛ. ⁹ Fifia ɳle kpɔ jijɔ, mu nyi ke mi nɔn amblɛ mɛ a ɳti yi o, vɔa miaxo amblɛ mɛ nɔnɔa na bé mi trɔ le miapé jiwo mɛ. Enu ke ɳtia, mi nɔn amblɛ mɛ le mawu xo jiji nu, ekea wɔɛ be mi mu gu enu ɖékpékpé le miawo ɳti o. ¹⁰ Nu ke ɳti a amblɛ mɛ nɔnɔ kudo mawu ɳti nana bé amɛ trɔna jimɛ na ɖéɖékpɔkpɔ. Jimɛtɔtrɔ ɳva véna amɛ o. Vɔa amblɛ mɛ nɔnɔ kudé xixea mɛ ɳti a hɛn nɔ eku va na. ¹¹ Amblɛ mɛ nɔnɔ kuɖé mawu ɳti a, mikpɔ bibi ke ecɔ dé mia mɛ a da! Cɔ kpéɖé eɳtia, jɔjɔɛnyinyi, vevesese kuɖe etodɔndɔn. Mi ɖefiɔn le ego ɖékpékpé mɛ be mi mu je agɔ ɖé le enya kia mɛ o. ¹² Ke ɳ ɳlɔ nu nɛ mi ɖica, nye mu ɳlɔɛ kuɖe amɛke je agɔ a ɳti o, yi nye mu ɳlɔɛ kuɖé amɛ ke ɳti wo je agɔ le a o. Mu ɳlɔɛ, be veve do donu ke mi ɖo kuɖo mia ɳti a nɛ zé le mawu xo ɳku mɛ. ¹³ Enu kuma wo ɳti yé wo fa akɔ na mi. Cɔ tovo nɛ miaxo akɔfafa a, mi kpɔ jijɔ sugbɔ kuɖé Tito xo jijɔkpɔkpɔ ɳti.ɖo enu ke ɳti a, mia kpata mi na bé Tito xo gbɔgbɔn kpɔ jijé emɛ. ¹⁴ Ke ɳdo ɖeké nyɛ ɖé ji kuɖé mia ɳti le yixo ɳkumɛ a, muva wɔ ɳkpɛn num o. Enu ɖékpékpé ke migblɔn ni mia e le yi toxo, nɛnɛ ké, adegbe ke mi po co mia ɳti le Tito xo ɳku mɛ a, va zé bé é le yi toxo. ¹⁵ Lɔlɔn ke é ɖo ni mi a jinɔ ɖé ji nɛ nyi be é ɖo ɳku miaxo toɖoɖo le enu ɖékpékpé mɛ, kude leké mi xɔɛ le vɔnvɔn kudo popo kpakpa mɛ. ¹⁶ ɳkpɔ nɔ jijɔ be ɳkana ɖé mia ji le ego ɖékpékpé mɛ.