¹ Enuke ntia mido edɔwɔwɔ kea yi cigbe mihɔ nublanukpɔkpɔ, mile gbɔjɔwo. ² Ekumajia, mitrɔ gbrinawo le nkpime ku nya wawrame wogbe.Mile nɔagbe badao yi mile de nyatowo fiɔ, migbe trɔ ledo hunsin amedekpekpe le mawu wo nkume. ³ Ne miawo enyanyin gbele vivitimea, ele vivitime na amekewo le tsrunwa. ⁴ Le nɔnɔme kuma mea, hiheme wo mawu nkugbantɔ ke nyi jimaxɔsetɔwo gbongbon. Onjé bena wakpɔ enya nyin wo kekeli o, le Kristo wonyi kɔkémé ke nyi mawu wo nɔnɔme. ⁵ Vua, miantɔ milé gbrɔ nya nyin le miantɔnméo, vua Kristo Yesu cigbe apetɔ, yi miawo miawo subɔla le Kristo wo lonlonmé. ⁶ Be nukentia mawu dika yigbrɔ be: "ézoa la clin lé vivitimé," yi éclin le miawo jiomé, be ya tsɔ mawu wo ntikɔke wo nunya wozo tso na, le Yesu Kristo wo vavamé. ⁷ Mitsɔ kécinɔnɔ kea tsɔdadè anyigba wa tsɔna mawu yi ngbényi miawo. ⁸ Milé kpatakpata na nucianu vua mido enuwuwu o, vua midid énuwuwua kpɔtɔ o, le gbɔjɔgbɔjɔmé o vua munyin hunsin dodomé o. ⁹ Oti yome nami vua migbeje o. Opomi do anyigba vua mitsrɔn o. ¹⁰ Midro Yesu woku tègbè le miawo jiwome, bena Yesu wagbé natedezon le miawo ramé (ntilanmé). ¹¹ Miake legbéa, miléna eku gaciagamé na Yesu wolonlon bena Yesu wagbé médézon lé miawo ntilan me. ¹² Ekuma ntia, eku le wɔdɔ lé miamé, vua agbé lé wɔdɔlé miamé. ¹³ Vua mido xɔse dika le gbongbon me cigbe leke ohrun:"nkadeji yi nle honu." ¹⁴ Minyin bena ameké fun apetɔ Yesua la fun miatsan kude Yesu. Mi nyè bena elatsɔ mi tssɔyi kude milé wo vavame. ¹⁵ Enudékpékpé le miagbɔ kungbɔwo, ke amenuveve vado ame sugbɔji, amenuvévé wo nɔnɔme lagbe sugbɔdeji le mawu wamenuvévé. ¹⁶ Vua miadola gbɔjɔ o. Ne enyi iyimitɔ mitsrun, le nukpɔkpɔ nu mifun le nkeke tsɔyi nkekeji. ¹⁷ Vua mia fofo le gapopo keaméa le nami kpinkpin tsɔwu jijédékpékpé, kpikpin kɔke mavɔ. ¹⁸ Vua mile kpɔ enuke le nkujio, vua enukewo onle kpɔ o. Enukpɔkpɔwo tsrun na, yi enu makpɔmakpɔ nɔnayimavɔ.