¹ Eye pilato cɔ Yesu cɔ na ye wo ƒoé ku ba. ² Ye sɔdjawo co ŋudja cɔ ŋlɔ̃ kuku ye wo cɔ cɔ̃ ta nɛ, ye wo cɔ awu djɛ ʋlaya donɛ ; ye wo dɔ̃ gogoé, ³ Wo gblɔ̃nɛ be : mí do gbénɔ̃ yudatɔ be fiɔ ! ye wo ƒotome nɛ. ⁴ Pilato trɔ dro ye be gblɔ̃ne yudatɔwo be : mí kpɔa ma kplɔe va xixenu ne mí, ne mia doé djesi be nye me kpɔ nu baɖa ɖekpe coéŋutio. ⁵ Azɔ̃a Yesu dro ku ŋudja kúkú léta, ye awu djɛ ʋlaya le ŋuti. ye pilato gblɔ̃nɔ̃ be mi kpɔ ŋucua ɖa. ⁶ Ye ke vɔsalagãwo gaku aciklɛwo kpɔɛ, wo tɔ aƒa dodo, mí kɛ mí kɛ ! ye pilato gblɔnɔ̃wo be miɔ ŋutɔ mi va kplɔɛ yi ne mia kɛ. Ɖoa nyea nye me kpɔ nu baɖa ɖekpe le ŋuti ó. ⁷ Ye yudatowo ɖoeŋutinɛ be : ese ɖeka ye le miasi, ye le mia be senua éɖo la ku. Ɖoa écɔ éɖokui cɔ le Mawu wɔ̃ŋ. ⁸ Ke pilato sé ényama, vɔ̃vɔ̃ gba ɖoe cɔwu cã. ⁹ Eɖo ʋɔ̃nudrɔƒea, ye be biɔ Yesu be afika ne có ? vɔa Yesu me nɛ ɖoeŋutcti o. ¹⁰ Pilato gblɔ̃nɛ be : enye me dja ƒonunɔ̃woa ? me nyã be ŋusɛ̃ la sinye be nana be woa kã woa, ye ŋusɛ gba la sinye be ma ɖaci lé nuciwoa ? ¹¹ Yesu doeŋuti be : ma do ŋusɛ ɖekpe ɖodjinye, ne me nyi djiƒo la xɔe có. Yeŋutié ameyi cɔŋ doasi nɔwa ewɔ nuvɔ̃ gã ɖe. ¹² Co gama mea, pilato dji be ya taci. Vɔa yudatɔwo le aƒa doŋ gblɔ̃ be : ne me nyɔ̃ le tacia, me nyi sezar be xɔ̃lɔ le nyi o. Amesiame yi cɔ yiɖokui ɖo fiɔ̃ cina citre le sezar ŋuti . ¹³ Ye Pilato se nyamawoa, éwɔe be ekplɔ yesu dro dje xixenu, ye be va yi nɔ̃anyi le ʋɔ̃nudrɔ̃ zekpedji, le teƒe yi wo yɔ be pave, ye le hebri gbe mea be Gabata. ¹⁴ Enyi ŋuti toto be azã be dradraɖo ŋukeke, ye be nyi gaɖe me mawo. Pilato gblɔ̃ ne yudatɔwo be : mí kpɔ mia be fiɔa ɖa . ¹⁵ Vɔa wo doaƒa gblɔ̃ be :dɔ̃ɛ yi, mí kɛ ! pilato gblɔ̃ nɔ̃wo be : ma ka miabe fiɔ̃a ? ye nunɔ̃lagãwo ɖoeŋutine be : éfiɔ yi le miasia kpɔe nyi sezar. ¹⁶ Eye be cɔe cɔ do asi nɔ̃ be na kɛ, ye wo kplɔ Yesu cɔ yi. ¹⁷ Yesu dró yibe acicoga ye be va ɖo teƒeyi wo yɔna be ameta koliƒe, ke wo yɔna le hebri gbe me be golgoti. ¹⁸ Afima ye wo va kɛ nɔ̃, ye wo kã ame eve buwo kpeɖenu, ɖeka le miɔme, ɖeka le yibe nuɖusimé, ye Yesu ŋutɔ le dodome nɔ̃. ¹⁹ Pilato ŋlɔ nu ye be kɛ le acicoga be tagbɔ nɛ be : Yesu nazaretitɔ yudatɔ be fiɔ. ²⁰ Ye yudatɔ sugbɔ le enu ŋlɔŋlɔma xlé ɖoa teƒeyi wó kã Yesu lea, ecɔ le dua gbɔ, ye wo ŋlɔɛ le hebri, greki gaku lati gbe me. ²¹ Yudatɔ be vɔsalagã gblɔ̃ne pilato be ŋugba ŋlɔbe : yudato be fiɔ. Vɔa ŋlɔ be égblɔ̃ be : yudatɔ be fiɔ ye nyi. ²² Pilato ɖoéŋuti be : nuyi me ŋlɔa me ŋlɔ̃ɛ vɔ. ²³ Eyi sɔdjawo kã Yesu vɔ be ŋugbodo mea, wo cɔ yibe awu ye wo zɛ̃ le teƒenɛ̃. Sodja ɖeka xɔ akpaɖeka. Wo cɔ yibe awu ʋlaya cã yi lé matɔ̃matɔ̃a, nyi avɔ blibo ɖeka co dji va gɔ̃mé. Ye wo gblɔ̃ le wo nɔ̃nɔ̃ɛ wo dome be : ²⁴ Mi ŋugba djé o, vɔa mi nã mia da akɔ le édji, mia kpɔ be amekɛ la ɖudji. Nuya djɔ ale bena nyã gblɔ̃ɖiya ba va eme be : wo mã awu nyéwo, ye wo da akɔ le awu ʋlaya nyea dji. Nuyawo sɔdjawo wɔ. ²⁵ Yesu nɔ̃a ku nɔ̃via ku nɔ̃a be nɔ̃vi miria klopas srɔ̃ gaku maria madalatɔ wo nɔ̃té gogo Yesu ba cicoga. ²⁶ Yesu kpɔ nɔ̃a ku nusrɔ̃vi yi be nyã gbɔ be lɔ̃nã wo nɔ̃té le égbɔ, égblɔ̃ ne nɔ̃a be : nyɔ̃nu kpɔ viwa ɖa. ²⁷ Cɔ yi édjia égblɔ̃ ne nusrɔ̃via be : kpɔ nɔ̃wo ɖa ye le gamã méa, nusrɔ̃viakplɔɛ va éɖɔkoé gbɔ. ²⁸ Emégbéa, Yesu yi nyã be nuwo kpata wowu énu vɔa gblɔ̃, keŋugbɔe ŋlɔ̃ŋlɔ̃aba va émea : be cikɔ le yewuŋ. ²⁹ Ezèa ɖe ɖɔ ku aha cici le fimã. Sɔdjawo cɔ écifɔnu yi ɖɔ ku aha cicia drɔ̃e la cinu cɔ ɖoɖa nugbɔ nɛ. ³⁰ Ke yesu nu aha vɔa égblɔ̃ be : wo wu énuwo kpata nu vɔ, be bɔbɔ ta cɔ yibe gbɔ̃gbɔ̃ nã ³¹ Eyi be nyi dradraɖo ne azã ye ŋukeke ma nyi ŋukeke gã ne azã, yudatɔ va yi biɔ pilato be ne ye wa va yi ŋè afɔ ne améawo eye wa ɖewo ɖa le acia ŋuti ku vɔ̃vɔ̃ be wo ŋugba nɔ̃ fima le azã be ga me o. ³² Eye sodjawo, va yi ŋè afɔ ne ame tutu gbɔ̃a ku ame évé gbɔ̃a cã. ³³ Ke wo va Yesu gbɔ ye wo kpɔ be éku xoxo vɔa wo ŋugba ŋè ye be afɔ wo o. ³⁴ Vɔa sodjawo dome tɔ ɖeka cɔ éʋã ŋɔ̃ ahada né ye éci ku ʋu dro le lãméné. ³⁵ Ameyi kpɔɛa ɖi aɖasé ye yibe aɖasé ɖiɖia nyi nyãteƒe, ye wo nya be éto nyãteƒe ale bena miɔ cã mia xɔ asé ³⁶ Nuya wo djɔ ale bena ŋlɔ̃ŋlɔ̃a ba kpɔ eme vava be wo ma ŋè ye be puwo dometɔ ɖekpe o. ³⁷ Ŋlɔ̃ŋlɔ̃a gba gblɔ le teƒe bu be : wo le ame yi wo kã kpɔ gbe. ³⁸ Emã ŋugbodomea yosef arimaté yi nyi Yesu be nusrɔ̃viwo dometɔ ɖeka le wlawla mea ku vɔ̃vɔ̃ na yudatɔ woa va biɔ pilato be ne ɖemɔ ne ya cɔ Yesu be ŋutilã kukua. Pilato ɖemɔ̃ nɛ̃. Ye be va cɔ ŋutila kukua. ³⁹ Eye nikodemo yi va Yesu gbɔ le zãme kpɔ vayia cã va cɔ acike yi wo sina ne ame kukua ku aloɛs be anueatré xɔ asi sigbe xo alɔfã ɖeka ene ɖo asi. ⁴⁰ Wo kɔkɔ Yesu be ŋutilã kukua ye wo blɛ le ameɖi vɔme gaku acike ʋɛʋɛ, sigbe ɖeke yuda tɔ wɔna wabe ame ɖiɖi kɔnua éné. ⁴¹ Ye berniglã ɖe nɔ̃ afiyi wo kã Yesu nɔ̃a, ye le abɔa mea wó yɔdo yéyé da fima keme wo me ɖi ame ɖekpe le kpɔ haɖewo. ⁴² Fima ye wo da Yesu nɔ̃ ema, le yudatɔ be kɔnua ŋuti ɖoa yɔdoa gbɔ cɔ.