¹ Muli baba, kei mu yesu - christo baba dou we isa. ² Kuobu mukii we efu mu itsui wi liwi biu mawama mundo e christo yesu nde muru nkio mu mambi mpe mu lifu. ³ Mpe mubo, mundo ebu mukii akei we ya ;nguea osa mundo owiene biya bie munduru, Nziami ya ma sha; ta yuo muana a nde ngako munkara nduru yi fiani yaye mambi kuaku miwa mundo mambi ma awi nde itumu munkara nduru. ⁴ Nde asha yiyini ndo obu ma ba kuini bôo mu mikii makou mubiu, ka wu esha mando manduru we, mumutuni itsiu. ⁵ Baba kei ya mawama mu mutini enduru, ba mi wa mu bilo bie induru, muli babu bakei ya mawama mu mutini we itsui, ba mi iwa mubilo bie itsui. ⁶ Ku obu wu kuini mando ma itsui, akei mawama mpe veii, ⁷ Mundo obu wu kuini ma nduru sa mabu nzia a kuini we, kuobu nde amisusuru we me mukii me Nziami mpe nde ama asi sha we. ⁸ Bo aba kei munduru, sa bawa we ise ala Nziami. ⁹ Muli, biene leka we nduru, muli mu etsui, kiri ebu ibini itsui e Nziami ekei ya biene. Mui kirebu muru mumo akei we ya itsui e christo, a mubiowe. ¹⁰ Kiri ebu christo akei ya biene, nto yi nkei nduru e fii ndo mambi, muli nto yi nkimi, itsui ekei mu ndoo ma mamabue. ¹¹ Kiri ebu itsui ki ewui yesu muli fu akei ya biene, we weu yesu munkara babafii ali wa furu mawama munduru ebiene ye efa, nze oluru mu itsui iseu munkara biene. ¹² Mutiini ebu bandou baba bôo, biu libuka we ku mi wa munduru ndo ebu biu likobo mawama mu mutini enduru. ¹³ Ku ebu kiri biene ani mawamu mutini e nduru, biene le efa, muli kirebu mu itsui biene le dou mando manduru, biene le kaya mawama. ¹⁴ Ku ebu bara tsei ba iluru mu itsui e Nziami, bobana bakei bana ba Nziami. ¹⁵ Mundo biene, biene leyowe itsui kio shaa mpe kio obara buomo furu, muli biene ya liyo itsui kio kiu mundo ebu biu ya liba onklara ngie : Abba, Tara !" ¹⁶ Itsui nde ngako alie ma ibini ala itsui biu ebu biu likei bana ba Nziami. ¹⁷ Kiri ebu biu likei bana, biu likei mpe baba isia ya bilo : baba isia ya bilo Nziami mu mutini wimuke mpe iu mpe lesia bilo ya christo mutiini wu mukimi, kiri ebu biu le buru mono mpari ya nde, ma mutini ebu biu liboo likuini ? ¹⁸ Ku obu me infini yebuma mpasi ma mukiri esu wu ma kei kama ofianu we mubi se bi oluru bi ya suo biu. ¹⁹ Ku obu okiru adei we okuru mukou ba munene ba imono ala bane ba Nziami. ²⁰ Ku obu okiri ekei imi suru mu omono mpamu mpamu, ka mulikunu le nde ngako we, mundo likunu ala nde we misuru, mu oyiabu tsée. ²¹ Ndo enki okiri nde ngako eka emaru mu bunga mu mu ma mando ma iluie mundo oka ebu ndo e muru we Nziami. ²² Ku obu biu liyiabi ebu okiri ki eso mutsini ki fini mando mpe mono mpari furu anka buyu mukara misuo tei muli. ²³ Muli ka ndo mubo we bukono, ku ebu furu biu ba ngako ekei liwei mambie ma tere ma litsui biu lefunu mando mampari munkara iba ibiu, mundei muana biu bali wa, ma ovuu mu nduru biu. ²⁴ Ku obu biu lekei ya mawama ndo likuiri mukuo, mu ola mu munkari mando mamabue: muli okuru mukuo mu la mu limu muene ekei kalamu lilibue we ku obu wi isi mukou ki asino mono nde ? muli we mukou mundo mamabue akiana emuene nkou? ²⁵ Kiri ebu biu lisi mukou mubi lemono biu furu, biu libedei mokuru mukou. ²⁶ Muluni mumo, itsui eka kili wa ngou mu olime ebiu ku obu biu liyiabi mutuni le samu, muli nde ngako aka samu mundo biu mu mando mamambi. ²⁷ We ebu emono ma ontsi mikoû yiabi lifumu lie itsui, ndo ebu ekei samu mundo bara babue mumutuni mufumu e Nziami. ²⁸ Biu liyiabi ebu bilo bibeso bi eyiya alaba ba abu babeu mumutieni akuini nde. ²⁹ Ku obu ba abu nde esina bayiabu nkuu, yaba si furu oka mumutini mumo ya busu bo muana ande, muli kiri aka muana abuiri we tere munkara bana babôo tsée. ³⁰ Ba puene nde nkuu bobakei furu ba beû nde babeû nde, nde ya ba muene bakei bababue. boba mune nde bababue, ekei furu bakuini. ³¹ Biu lelie ni nki mu ma tei mando masumana ? kiri Nziami akei ya biu, na limaa biu ? ³² Nde we ebu ame we owa muana nde ngako, muli ya mu wi mundo e biu baso, nki mulini biu lemunu muwa bilo be ba ngaka ala nde ? ³³ Na eba funu ba epuene Nziami ? nde ngako Nziami etaa ema mono. ³⁴ Na wuwunu sa ba mukaa we ebu na ba isa, nde yesu - christo, we efii mpe na, mubue furu, nde aweu munkara baba firi, wo kei ku nde akuo le Nziami lie ibôo mpe wesi sami mundo biu ? ³⁵ Nki biu bi likabu mu likunu le Nziami ? ike mutsunu, too ngebe, too mambi ina mukiu, too nzaa too iwiene biko bi obuari, memono mamabi, too linzuo ? ³⁶ Ibini mutiini a kome : mundo nze biu ya balisi ku lifu matsuu momaso. biu likei bali we anka bi memi biba puene nku ifu idou - idou. ³⁷ Mu mando momaso , biu likei bale bu mu isaa munde we likuini. ³⁸ Muli me ya nkeu ebu lifu we, mawama mowe, bantu muwe, kabumfumu bankin esu mi kabilo bi matsu masuma we, bilo bi beya we ka ngou yo we. ³⁹ Bu le bowe, olii lo we, ilo ki bakiri we, ki lika bawe muli kunu le Nziami, lile sue mu yesu - christo mfumu ebuu.