Nzii 16

1 Me ya atuini Phoebe, mwana nguamo wu mukara, nzo Nziame, nde we ekaka ku bula Cenchrées, 2 Akiana kuobu biene libo yoo mukari Mfumu, mu ma mabue. Mpe ma lekuara mu bilo mutini we yana we bara babue biebeso a ka nde abio mpiao mu ndo ebiene, akiana ndo yayu we suao bara tse mpe me ndo eme ngako. 3 Muwa mbuene Prisca mpe Aquilas, ba mbuini ba me ba isia mu Mfumu ebu Yesu Kristo. 4 Bo boka nfa ndo ba bukisa me, me ya baba tuene mpe ka me buyu we muli mpe ba ba nvu munlimfu mpe ma nze manziame ma bara ba me sisome, 5 Wa buere mpe nzo manziame yi ke munzo ebo, wu kuini me mundo etere ekui mu bula bu Asia. 6 Muwa mbuere Marie, we esia ngo nse mundo biene. 7 Muwa mbuene Andronius mpe ya Junias, ba tara me ba ba ke ya me munzo epibi, bobake bara ba oluru makara ba ntumu, mpe ba kue Mfumu Yesu anku eme. 8 Mu wa mbure Amplias wu kuini mo tse mukari Mfumu Yesu. 9 Muwa mbuere Wibain, mbuini ebui we keke ya biu mu isia bisia ya Kristo, mpe Stachy, we kuini me. 10 Muwa mbuene Apelles, we muene Kristo bawa mbuere bake munzo e Aristobile. 11 Muwa mbuere Herodion, tara me , ba wa mbuere babake munzo e Narcisse, ba ke mu Mfumu. 12 Muwa mbuere Tayphene mpe ya Triphose, ba basia esia engoo ya Mfumu, muwa mbuere perside we ba kuiri tse, we esia tse mundo e Mfumu. 13 Muwa mbuere Rufus, wu ba pono mukari Mfumu mpe nguande wuki mpe weme.. 14 Mu wa mbuero Asyncrite, Phlegeon, Hermes, Patrobas, Hemas, mpe bana nguande ba bake ya bôo. 15 Muwa mbuere Philologue mpe ya Julie, neree mpe ya mwana ngua nde wu mukara mpe yo Olympe, mpe ya bara ba yana ba bake ya boo. 16 Ba wa mbuere buere ebiene ebiene mu yao mutu mu kôo we bubue. Mpia manzo ma Nziami ma momaso ma Kristo ya liuro mbuere. 17 Mu libu me ya liuwi luo, likiao momaso mabu sa maliwi oka mpi ampi mpe likio makia make sa maluiri ma lawe biene. liko ka mtama ya bôo. 18 Ndo obu bara ba motini eso wunu bo busasawe ndo e nfumu biene, mundo ma dumu ma bo ngako mpe obue obo ku mutsi a ishi mpe ba pipie, bo ba wuwe mikôo bara ebu yi ba yia biwe. 19 Mu mabue esisa nze, eyuyu bra bo baso, masi bibiene li biene liziri liziri ya bayiabi bara bo baso me ya ma ngui ise mu oyaba, me kunu ebu buni lika ya makani mpe ya make mu mabue mpe ma mabue uma ma mabi. 20 Nziami nse nvu sia ansi ya kuo munfu kunsi me me biene, muli mawama ma Mfumu biene Yesu Kristo aka ya biene. 21 Thimothée, mbuni eme e lui luiri ya me mu isai nde eliyuo mbuere, mpe Lucius, Jason mpe Sosipater, bi buiri be me. 22 Me, Tertuis we komi mukana esowu bawi mbuere mukari Mfumu. 23 Gaïus, mukuru e me mpe wu ke mukuru munzo Nziami yoso nde ya luwo mbuere Eraste, muru ekuara mupara mu bu la bunene, ya liuro mbuere mpe mwna ngua nde eboo Quartus. 24 Mpe mawama ma Mfumu ebui Yesu Kristo maka ya bien : Bo baso ! Oka bunu ! 25 A la webu biene si liwi Mfumu mutini nsia eme mpe ya nsia e Yesu Kristo ma muene nde mu bibisia ilue ba nvu ya bansu, ma ba muene muli mu bu suene bi banga ba Nziami, 26 ya ngoe awi Nziami nzi impi mpe ma biri oyiaba a la mala momaso kuobu bo ya liri miki me Nziami muru mumo nga makoni mando bo kuru. Likunu libokuru buka ba nvu ya ba nvu mukumu Yesu Kristo oka bunu. 27 We bu a ke eninfu mpe nde eke bayu ma bakomi a la webu ake sa kuiu oliwa nzi ya ma lisue me mpe ya ma lisue Yesu Kristo, mutini make ma olue ba ba muene ma ba lue bôo onsi muko ba ntama.