¹ Liwu wa bu okui onde oke onsu, mpe lika biu mifumu mati bara ba so bana. ² Mutini wu muke muru ebu enirui edia bilo bie beso muli mutini mukume, we bu okui onde eke onsi adia ba mbombo. ³ We diadia bilo biebeso amunsu we a la webu adiadia nbio biebeso. Kuobu Nziami emukiri sa mu yu mfu wu ke a la muru mu kimi ? ⁴ Nze na, nze a la muru isia wu we muru isia thire muru isia a muru mukimi ? Ya bu nde nsuebu mpe bôo mamana mayi nfumu ngako, nde aka mukiri; ndobu Mfumu a ke ya biya biebu nde si muwi ngou. ⁵ Yikimi, muru elie ake ongia wu muko mutini wu mukimi mumo a kukunu aluru wu muke, mutini wu mukimi furu muru mu mo aekunu baka nsu loleso mutini mumo, muli muru ndeso ayiaba ma efini ndeso. ⁶ Wo eluilua muntu, nde aluilue mundo muli we ititi nsu atiti mpe Mfumu. Mfumu, we ebu adiadia, nde adia mu ndo e Mfumu, ndokuobu atutuene a la Nziami. We bu a liliwe, nde boo odia ndo Mfumu; ndiu mpe atuono a la Nziami. ⁷ Akiana mumo awu wamo munde ende biu nde a bobo mawama mundo nde ngako, mpe muru ebara ndo nde ngako. ⁸ Kirebu biu like mu mawama, biu like muwa wa mundo Mfumu : Mpe ya bu biu linfi, biu le nfua mundo nfumu : Muli nsa biu like mu mawama to biu limfi biu like a la nfumu. ⁹ Ndobu mu mu ma lifini, Yesu ya mfi mpe a ke mu ma wama furu, ndo ku akura nde okiu ala ebaba nfi ya ba bake ba mue. ¹⁰ Mulinze, mundoki nze sabisa a la buni nze ? Wu boo ? ndoki biu baso le wiwe loifu misuo anku embia ye asam biasa Nziami. ¹¹ Kuobu ma ba komi kobo : < ¹² Kuobu, mo ebiu nde alie mande ngako a la Nziami. ¹³ Mu buko bunu, biene lika ya yi sambisa ibiene ibiene mutini mukimi a kiano mutini kuini nze linsiri kobo, akiana muru mumowe we esa kunu ebu muru yi biri kia to wesa ebu muru lo mu mambi muru we bôo. ¹⁴ Me ngiabi mpe ya kiu ebuni a la mfumu yesu kuobu nde ake masumu tse mundo nde ngako kui ebu, we emomone ebu bilo biebeso like bibibi. ¹⁵ Yabu mundo bilo bi odia mbuini enze mpe ake ya ngebe, akiana nze lui luiri ka mu likumu bu luluru we mu likunu. We nze ka idu mu bilo bidia mutini esowunu mubo Kristo anfi. ¹⁶ Nze kanguo nzi kawa nzi ebu muma mabue ebu ensini endo ikaka ye bu ndo ebi ya inzini. ¹⁷ Bokuru bo Nziami, buke ka ndo ilo ba diadia ndobu. ¹⁸ Muliwe esiasia Kristo mutini esowunu a ke wu mubu a la Nziami mpe ya miu mi ba bôo. ¹⁹ Akiana bo, mu onama mando manvi, mpe ya bile bui leli luono bila beso bibike yana bi basa musuo ntoo yeso. ²⁰ Lika ka nsamu bilo be Nziami ndo bilo bi odia. Akiana, bibo bie beso bike yana, muli bika ku obi mundo muru wu ili, nde ya yu aka kunu basi aka kia, mpe eke kayana mu odia musunu. ²¹ Bike ka yana we mudia musunu mpe munua mâa ndo nsa bilo bibi kimi ebu sa bikee kia ndo mbuini nze we bôo. ²² Ba ba kue bo baso ebu nze ke, babue nze ya Nziami, bauwa mawama eka we bu nde ayiauidui we isa nde nga ke mukara mu ba muene ! ²³ We bu akikuiwu nde ba, yabu nde limukua kuara ndobu nde edia, ndobu mamana mayuya ka mu kui we mpe mama ke ma yeya ka mukiwe, make mambi.