¹ Yi liwi mfû e la biene ba ndu ba ba bôo; ndolikunu li Nziami, lisuoma ndi ebiene enka ye ba wi aka minkayulu lima wa ma, lili yene mambi lie bumpe Nziami esa kuini a la nde, bibi kü bisia ma bi otuomo mu itsui kie yana. ² Likaka oluru enka bara ba mukiri, lika babu ba bamu maba ifunu bo, ekiana beine limono na ekuini Nziami, mamaki mambue, mabu saba küi ni mpe mayama. ³ Mpe mulime yandio, mulituomo libawi elame, mpe ankara biene muku mumo we bu saba muwe oluru enka bunkeme mumaye ma bokuru mutini okiu ki bawi Nziami e la nde. ⁴ Muli mu, tiri mumo biu liki ya bi tôo be nduru tsêe munduru mo muli itoo ya itoo isia ka inowe. ⁵ Mutini mumo mpe biu, biu mpe liki tsêe, liviu nduru mo mu Christu, mpe wumuke eki itôo kie wu muke. ⁶ Biu liki ya makabu tsee (See) mabaliwi mu ngebe ende, kiri wunu endi likabu li-omono mandôo nde esa mitini ekuu nde. ⁷ Kiri wu muke nde likabu li osa ndo bara, muyo nde ASÂA, kiri wu muke eni likabu li-osuo, wu yonde asuo. ⁸ Kiri wu mike eni likabu liliwa bara nfu, muyo nde ewa bara nfu, kiri wuwuke eni likabu lie okaba muyo nde ekaba mu mutini ndeso, kiri wumuke endi likabu aka kunku, muyio nde asa eyana, kiri wu muke eni likabu li oyu bara ngebe, nde esa mukoû. ⁹ Muli likunu liyana, li ka lu mando kumuku, we eta mambi; vunu nze ku mayana mbue. ¹⁰ Mamatei likunu li ibini eka yiana, mamafa liziri maka bumo. ¹¹ Mamatii okiu, kaka we efunu-funu, mamatii itsü, kâa we ekuru muku, mamattii Mfumu, sa ndo endo. ¹² Livunu mu olama, lika ba ba ikuru muku mu- ina impari : Likâa ntôo yoso mubi sama. ¹³ Muli ba mpio ma ba yana makaa mabiene, mpe liyayiu, oya yo bara. ¹⁴ Libakunu ba ba esa bu ne mayumu, liba kuwu bo mpe likaba pio. ¹⁵ Livunu bien ya ba baki mubise, lilii ya ba ba ilü. ¹⁶ Li yafunu mutini mano ibiene-ibiene, likaka bara ba inkuni ba mumo funu biene, muli biene liyakiu mamaki yana. ¹⁷ Likasa mambi ela ba ba isi biene mambi, lisa mama bue e la bara bobaso ba mukiri wu. ¹⁸ Kiri mpe yana, mu ntôo biene mpe sa lisi, likaya vii ya bara bobaso ba mukiri wu. ¹⁹ Likafiri mpuru bienebayako, liyio ndi ngako Nziami esa mpuru ende. Ndobu ba kueme : <>. ²⁰ Ekiana kiri we bu nze ya nde limowe endi nzâa muwa bilo bi odia, mpe kiri nde ini- mpio madia muwa madia ndobu kiri bien lisi mubo, ekiana isue osa makaô Mamba engia mutsui ende. ²¹ Likaka mpe ebu mumbi maliuluru a labiene ma mambi isa mama yana.