1
Polo mungamu ye yesu ya muana nde Timote. E la Filemo ndu ebo mpe ba esa bo isia.
2
Afia muana ngwabo wu mukare ya Archipe we enami biu mu mangwani, mpe mu nkara nzo Nziami yi bavinubo
munzo.
3
Mambwe eka ya biene, mawama mafi ala Nziami tare biu mpe ya mfumu ebiu yesu kristu.
4
Me ya ntueni ntoo yoso mubisama; be me me efufunu tsee mu bisama bi me.
5
Me ki bandie mulikunu mpe ya okiyu onze a la mfumu yesu mpe a la bara bobaso bakiu
nze.
6
Meyande a la Nziami livunu lika bamo, okiu ebiene lika ya maye ma mabue munkara biu ya kristu.
7
Mundo ebu menki we ya ise, mpe eke ngu tsee mundo likunu le nze, ndonki miku me babakikiyu, mike mibi ofu ndo nze, babuini.
8
Mundo ebu me anibiya munkara kristu me ya otumi, saa mando ma esia nze.
9
Mulibu mambue ya likunu me olele mutini mukimi mbala e Nziame mpe muru bamani poni, mulibu mungamu mundo Nziame.
10
Me ya mowi muana me Onesime we buirime ya bakuari me mumisii mi beni.
11
Mbale tere ake ilo ye mpame a la nze, molabuli yayu muru e yani a la nze mpe a la me.
12
Me ya ofiri kuobu nde aki likunu le muku eme.
13
Me kuini aka enkuankuame, mundo ebu ayankiri bisia ambu ye nze ndo ebu menke mu misii mibibene mundo ntsia embue.
14
Me, ekuini we osa ndo ebu nze yabiwe minkuini we ntsia enze ewe bunu eka ya muko mubue.
15
Yiyini yo yamarunde a la nze muntoo nsii, kuobu nze mumoni matsu momaso.
16
A bukawe mungamu, moli ake mungamu, buini akuini. Akuini nsee mundo eme furu ake nsee mundo eme. munduru mpe munduru e mfumu.
17
Munduru mpe munkare mfumu. aka munkara mfumu aka muru eyulu,muwumu aka ya me.
18
Yabu eki siyu ndo ebu ilo ki mufuru lisa ku mutsui eme.
19
Me Polo nkueme mando maso mu mion me me, me ofifiri, me moliewe kuobo nze ngwa musine nze.
20
Me yankiyu, buine me nsa ndo eyani oke Nziame ndo ebu me ngumu mu muko ye kristu.
21
Mundo eme isa mukoo ya mundo oziri onze yiyiniyo mumunkueme. mingiabi yani nze e isa oluru tsee ma olieme.
22
Nze yulu mbu mumpiyu enzo enguie, ndonki me ikiuni mubisama be nze me eyiya ala biene.
23
Epafras mbuine eme balisimi ya nde mumando ma yesu, ya liwi
mbweri,
24
Munkara ko Malako Aristarke, Damas mpe Likas, ndonki babuini ba eme ba isia.
25
Ngebe e mfumu yesu eka munkara muku me biene