¹ Ina ntama, Kira wu baponi ya bana ba nde, ba ba kuini me mu mando mamabue, mpe ka me ngabuyu we bakwini, mundo ebu mpe bobaso bayaba mando mamabue . ² Mundo mando mamabue make ya biu mpe maka ya bo mu i mpini. ³ Muli mambue,ngebe, mpe vii leka ya biene mundo Nziami tara mpe mundo Yesu-Kristu, mwana Nziami, mundo ibini mpe mulikunu! ⁴ Me eke ani ngu ise kio muno bana banze baluluru mu ibini, mundo ebu, luo le we ala biu a la tara. ⁵ Mpe mulibu me ya olili, Kira, muli mekome we me olilie miki me yana mile yue biu ebe mubara ba tere, mundo ebu biu baso likunu ibiuibui ya bo. ⁶ Mpe likunu lifuru motini lelue miki me nde lilini luo leya luru biene alo, mutine basiyu biene bala tere. ⁷ Mundo ebu bara ba bi basuome tsee mu mukiri bo bake bakikiyu we Yesu ayi munduru, bara bamutini ekono bara ba bi bama. ⁸ Leta yana biene ba ngako, mundo ebu bienen lika dimu mbue ma bisa me biene, moli mpe bie ebo mando mayana. ⁹ We bu ewe ntama mpe, akwini we bo nkoo bo Kristu ake ka ya Nziami we, we ka mubu nkoo boso munu ake ya tara mpe ya mwana. ¹⁰ Kire bu murur yi a la biene mpe abiri we bonko boso munu lika muwu mu ma nzo biene mpe lika muwa mbuere! ¹¹ Mundo ebu we lie: mbwere! yasomi muma ndo mabo mamabi. ¹² Ma nde maka ise tsee mubilo bio okome biene me kenkwini we osa mu nduiri mpe ya madia ma muti mukana me kwini eya a la biene, ndonki limo ndobu bise be biene lika yana. ¹³ Bana ba mwana ngwa nze wu mukara ba oyio mwere.