Nzi 1

1 Ina ntama, Kira wu baponi ya bana ba nde, ba ba kuini me mu mando mamabue, mpe ka me ngabuyu we bakwini, mundo ebu mpe bobaso bayaba mando mamabue . 2 Mundo mando mamabue make ya biu mpe maka ya bo mu i mpini. 3 Muli mambue,ngebe, mpe vii leka ya biene mundo Nziami tara mpe mundo Yesu-Kristu, mwana Nziami, mundo ibini mpe mulikunu! 4 Me eke ani ngu ise kio muno bana banze baluluru mu ibini, mundo ebu, luo le we ala biu a la tara. 5 Mpe mulibu me ya olili, Kira, muli mekome we me olilie miki me yana mile yue biu ebe mubara ba tere, mundo ebu biu baso likunu ibiuibui ya bo. 6 Mpe likunu lifuru motini lelue miki me nde lilini luo leya luru biene alo, mutine basiyu biene bala tere. 7 Mundo ebu bara ba bi basuome tsee mu mukiri bo bake bakikiyu we Yesu ayi munduru, bara bamutini ekono bara ba bi bama. 8 Leta yana biene ba ngako, mundo ebu bienen lika dimu mbue ma bisa me biene, moli mpe bie ebo mando mayana. 9 We bu ewe ntama mpe, akwini we bo nkoo bo Kristu ake ka ya Nziami we, we ka mubu nkoo boso munu ake ya tara mpe ya mwana. 10 Kire bu murur yi a la biene mpe abiri we bonko boso munu lika muwu mu ma nzo biene mpe lika muwa mbuere! 11 Mundo ebu we lie: mbwere! yasomi muma ndo mabo mamabi. 12 Ma nde maka ise tsee mubilo bio okome biene me kenkwini we osa mu nduiri mpe ya madia ma muti mukana me kwini eya a la biene, ndonki limo ndobu bise be biene lika yana. 13 Bana ba mwana ngwa nze wu mukara ba oyio mwere.