¹ Kash'ayi akula ama mosu medi mu mulongi wa mboti. ² Akhaka afeti kukhala ashipula, ni lujitu, ni mabanza ma pimbu, ashama mu lukwikilu mu zola ni muku tatamana. ³ Pila yi moshi, akhetu amambuta mu jimvula afeti ku khala athu alujitu, akonda mbembi. Kaku khalolu azedi maluvu afeti kulonga ama medi pimbu. ⁴ Mu kikuma kia kulonga andumbu mu kuzola amala jiowu niana. ⁵ Afeti kuwa longa muku khala ni mabanza ma pimbu akonda masumu muku hangila yinzu, alemvukila alumi jiowu. Afeti kuhanga mambu ama moosu kikuma ndaka ya Nzambi aleki ku yisawula. ⁶ Pila yimoshi, hwa angunza amala kikesa mu kukhala ni mabanza ma pimbu. ⁷ Mu mambu mosu khala mbandu mu mambu ma pimbu. ki wenda longa lombulusa kulunga ni lujitu (lukumu). ⁸ Hana musamu wa pimbu wa konda mayanu mu pila ni mwosu owu wa uleka evi soni kikuma keshiku ni mayanu makutuhanga. ⁹ Ahika afeti ku kwivila afumu jiowu mu mambu mosu. Afeti ku wahua kieshi kashi katendoku nawu. ¹⁰ Kafetiku kukaba kashi afeti kumonikisa mutshima wa pimbu kikuma mu mosu ahu lukumu mu malongi ma fumwetu Nzambi muhulushi. ¹¹ Kikuma khenda jia Nzambi jia mwekinini kifutshi kiosu. ¹² Jeinda tu longa mu kujinga mu pila ya pimbu konda ukhubidi lwa sungama mu jimvuleji. ¹³ Mu tangwa tuku kinganga lusakumunu, kwiza kwa khembu ya Nzambi Tata ni ngulushi Yesu Khidishitu. ¹⁴ Yesu wa dihanini endji mweni kikuma kietu muku tukatula mu kijeneshi muku twikinisa akonda masumu kikuma kienji mweni, athu abathu edi ni nzala ya mambu ma pimbu. ¹⁵ Akula, hana kikesa ku mambu mena hangika ni kifumu muthu ka kubeyoku.