¹ Ami Polu muthu wa boloku ni pqngiemi Timothee, kudi ayi Philemon pqngiemi mu Yesu epi utwenda kunwana nendji mu kisalu kia Nzambi. ² Ni kudi Aphia pangiemi wa mukhetu, ni kudi Archipe ndoyiemi wa yitumba, niku Dibundu dia Yesu Khidishitu didi munjeyi. ³ Leka khenda ni ngemba yenda kwisa kudi Nzambi Tata ya fumwetu Yesu Khidishitu yikhadi nienu oosu. ⁴ Nienda niahwa Nzambi tangwa diosu matondu, nienda kulombila Nzambi tangwa ni tangwa. ⁵ Angulejidi zola dieyi ni lukwikilu udi nalu, kudi apamgi mu Yesu Khidishitu. ⁶ Nienda nia kulomba ukhadi ni kwivangana kia lukwikilu lweyi lwa kinvuka sambu dia kubakisa mambu moosu ma pimbu medi mu katshi kietu mu Khidishitu. ⁷ Kikuma nievidi kieshi kingi ni ngolu zieka kikuma mitshima ya akwikidi ya alumukini sambu diayi. ⁸ Kieni Kioki ata nidi ni ngolu mu khidishitu ya ku kuhwa mu kuhanga eyi yiwa lunga kuhanga. ⁹ He Kayinga mu luzolu nienda nia kulomba muku tala ami Polu khakha he kiki mweni muthu wa boloku sambu dia Yesu Khidishitu. ¹⁰ Nienda nia kulomba sambu dia mwanemi Onesime ohu nia teta mu mishinga ya boloku. ¹¹ Kikuma theti wakhediku nenzi funu, kikimweni, wekhina funu kudi etu mbadi. ¹² Nia kutumishini nenji kikuma nia mu zola hengi, niela ku khala nenji, a ngu sadishi mu tangwedi di nidi mu mishinga ya boloku kikuma kia ndaka ya Nzambi. ¹³ Kashi nia zodidiku kuhanga kima konda ku kuhula. ¹⁴ Nia zodidiku kisalu kieyi kia pimbu ki khadi konda mfunu, kashi mu luzolu lwa mboti. ¹⁵ Nia banza kikuma kioki amu kapudidi niayi mu tangwa ditshotu muku khala nenji kiamakulu. ¹⁶ Kaka khaloku epi muhika, wekhina pangi unia zola hengi nia muzola hengi. Udi epi wa zodiwa mu kimuthu ni mu kipevi. ¹⁷ Kienekina ivwa nidi pangi eyi, mu noni mudi ami mweni. ¹⁸ Ivwa wa kuhangidi kubola, ivwa udi ni mfuka yeyi ngu tqngidi nayi. ¹⁹ Ami Polu nia sonika, nia ka kuvutudila, nia kulombidiku luzingu lweyi. ²⁰ Ee pangi emi, ngu sadishi mu kinzambi, ngu shipishi mutshima mu ki Khidishitu. ²¹ Medi sambu dia mutshima ni ulenvu nikuku sonikinanga. Niejiy'etshi uku hanga mambu mekha ata nia kulombidiku namu. ²² Mu tangwa mweniedi, pangi kidi suku di pimbu mu yisambu yi nienda kunu hangila. ²³ Epaphras pangiemi wa mu boloku mu Yesu Khidishitu wa kutumisa mboti. ²⁴ Pila yi moshi Malako, Aristarque, Demas ni luka a pangi mu kisalu. ²⁵ Leka khenda jia fumu Yesu Khidishitu ikhadi ni pevi yenu. Amen.