¹ Apangi amalongi nu khala oku lawu mu katshi ka enu twejiya etshi twaka sambisiwa ngolu. ² Kikuma twenda kubwa mu pila yingi ivwa muthu kabwidiku mu mambu menama wudi wakula hengi walunga kushipisa ata mwila wenji. ³ Ivwa kwakasa kanwa dia punda misinga kikuma atu a lemvukidi twalunga epi kutwadisa mwila wowu wosu. ⁴ Talenu masuwa ata medi majima ata muhungu wa ngolu wa ma pusa menda kutwadisiwa kudi ka kima kitshiotu kudi kapita. ⁵ Pila yimoshi ludimi ludi ka kima katshotu ka mwila kashi lwazola kudimona ku mambu majima tala ka thuya kabibi ka lunga kwosha mushitu wu jima. ⁶ Ludimi ludi epi mudi thuya mambu ma bola mengi menda kuwudika mukatshi ka ludimi ni kuzanga mwila wetu wosu ni thuya twenda kukatuka ku bilungi. ⁷ Ambiji osu a mumwangu tujila mithsalanda ti ashi yenda kusasiwa ni muthu wa yi lemvusa. ⁸ Kashi ata muthu lo walunga kulemvusa kudimi yidi kubola mu kuleka ku shipisa ludimi lwazala ni ndenga. ⁹ Ni ludimi twenda ku kumisa fumu Tata kaka ni lweni twenda kushinga athu awa ahangidi ahangidi Nzambi mu kifwani kienji. ¹⁰ Kaka mu kanwa dimoshi mwa wudika lusakumunu ni tshingulu apangi jiemi ikala oku kiene kina. ¹¹ Musulu wa meya walunga kuwudisa mu mbalayi moshi meya mw pimbu ni ma khadi. ¹² Mutondu wa Figue apangi jiemi walunga kubuta mbuma ya Olive aho vinu dia figue musulu wa mvindu walungidiku ku wudisa meya ma pimbu. ¹³ Nani mu latshi ka enu wudi ngangu ni mayela alombulushi lujingu lwenji bosu mbandu mu kudi kulumusa kwenda kukatukila ku ngangu. ¹⁴ Kashi ivwa wudi ni kopala kia bola ni kimbeni wudi shikumunoku uta oku luvumu ku mambu ma kiedika. ¹⁵ Mayela mena mana maku katuka ngoku ku wulu kashi medi ma hashi keshiku ma kipevi medi ma Satana. ¹⁶ Ivwa kipala ni kimbeni medi mambu ma kisakasaka ni ma bola ma pila ni pila mafeti kukhala. ¹⁷ Kashi ngangu jia ngemba jia thuluka jia zala ni khenda dia mbuma ya mboti konda wiji ni masonga. ¹⁸ Mbuma ya masonga enda ku yikuma mu ngemba kudi awa enda kuhenga ngemba.