¹ Ami Polu nidi thumwa keshiku wa muthu kashi weza mu ndjila ya Yesu Khidishitu ni Nzambi tata wa thokimishini mu lufwa, ² ni wenenu a pangi oshu edi niami mu manzu ma Nzambi ma ku Galatie. ³ Leka nkenda ni shipana dia Nzambi tata wa etuosu ni tata wa Yesu Khidishitu. ⁴ Wa dihanini enzimweni kikuma kia kubola kwetu, kikuma atu katudi mu kihika kia kubola kwa hashi mudi kidi luaolu lwa Nzambi tata. ⁵ Lukumu lukhadi kudimweni nvula ni nvula. ⁶ Nienda nia yituka mu kumona ki nuddi ku muhwanga mutanda mudi kshiku mweni wa nwivididi nkenda mu ku nuhulusa. ⁷ Keshiku etshi yidi tsangu yekha, kashi kudi ni athu mu katshi kenenu edi kuzolanga kwingisa vuya ni kuzola kwalumuna tsangu ya mboti ya Khidishitu. ⁸ Kashi yivwa etu to wandjio wa katuka ku wulu weza ku nulonga tsangu yekha yidi ya selangana ni eyi nia nulonga leka Nzambi a nushingi. ⁹ Mudi ki twakula kadi niakula epi etshi mosu oyuna wa nulonga ndaka yekha yidi ya selangana yi nwa thethikidi kukumbula, Nzambi a mushingi. ¹⁰ Kikuma kieneki he ami nienda nia henga kuhanga kisalu kikumbula Nzambi athu loni yivw nienda nia hanga kuhwa athu kieshi, nishiku muyika wa Khidishitu. ¹¹ Nia zola enu a pangi jienu nijiki etshi tsangu ya pimbu yi nia nu longidi ya katukidiku kudi athu a pamba pamba. Ami nia yi noniniku kudi muthu. ¹² Kashi nia yi nonini mu ndjila ya mbona mesu yenzimweni Yesu Khidishitu wejidi kudimwekinisa kudi ami. ¹³ Enu nwejika lujingu lwemi lukulu tangu di niakhedi mu dibundu dia a Yuda; pila yi niakhedi kuniokula dibundu di Nzambi ni kudimwanga. ¹⁴ Niakhedi nia dihana kudiundu dia Yuda, kuyitula athu oshu. Niakhedi nia dihana mu mambu ma akhakha jiemi. ¹⁵ Kashi Nzambi wa ngu sodidi ami kutetuka kadi lo. Mu khenda jiendji watambikidi, ¹⁶ mu kumwekinisa mwana endji kudi ami, kikuma etshi ami ni longi apani a mwijiki ami nia mwijikidiku mu ki muthu. ¹⁷ Niendidiku ku Yeluselemi kudi awana athethikididi kwikhina athumwa. Kashi niendidiku Arabie ni ku Damas. ¹⁸ Kiela mvula jisatu jia hita niendi ku Yeluselemi mu kwijiangana ni Cefas niakhedi kunzu yeindji yilumbu kumi ni yitanu. ¹⁹ Kashi nia mweniku ata thumwa mwekha kaka Jaki pangi a Yesu. ²⁰ Nia leza mu jina dia Nzambi etshi mu moshu ma nia nu sonikina etshi nishiku kudihunanga. ²¹ Ki nia katukidi kwenokuna niaya mu kifutshi kia Siri ni Silisi. ²² Ami muthu niakhediku kamu niejiangana kudi akhidishitu a mabundu ma ku zude. ²³ Kashi evidi tsangu etshi muthu wakhedi ku numwesa pashi thethi wekhina kulonga nu kwikidi kudi Yesu . ²⁴ Eni ayandjikidi kuhwa Nzambi lukumu kikuma kiamemi.