¹ Mbuta kudi owu ni zola Gaius, wu nienda kuzola mu masonga. ² Pangi wu nazola hengi, nia kulomba wu kudi mu mambu mosu wu khadi mboti, kioki kienda ku kula moyi weyi. ³ Kikuma nievidi kieshi kingi ki ejidi apangi, atedi kimbangi mu masonga meyi, kioki wenda kukiba mu masonga. ⁴ Nishiku ni kieshi kingi mudi kieneki, mu kwivwetshi ana jemi enda akiba mu masonga. ⁵ Wuna zola wenda ku lemvuka tangwa diosu di wenda kuhanga kikuma kia apangi ni anzenza. ⁶ Awa atedi kimbangi mu zola ku mesu ma dibundu. wenda kuhanga mboti muku wa tuma jinjila mu pila ya mboti ya Nzambi. ⁷ Sambu yidi kikuma kia jina a udikididi konda ku nona kima kia pani. ⁸ Tufeti kunona athu a kienekina muku khala asadi kikuma kia masonga. ⁹ Nia sonikini kima kimoshi ku dibundu, kashi Diotephes, wenda kuzola ku khala wa thethi kudi eni oosu utunonoku. ¹⁰ Ivwa nieza niaka bambuka isalu yenji yenda kuhanga, kiehi akudidi mambu mabola kudi etu ni jindaka ja khabu kitwa konda kusepila ku isalu yeneyi, kend'oku ka yamba enjimweni apangi wenda lekisa awa aku zolanga ku mahanga ni ku wakayanga mu dibundu. ¹¹ Pangi wunia zola hengi ufulululoku mabola kashi fululula medi ma pimbu. Owu uku hanganga mamboti wudi wa Nzambi; wuku hanganga mabola kejiku Nzambi. ¹² Demetruis wa tedi kimbangi kia athu oosu ni mu masonga omu mweni. Twenda twata kimbangi, enu nwejiy'etshi kimbangi kietu kidi kia pimbu. ¹³ Kinia yandjikidi kusonika mukanda owu nia khedi ni mengi ma kukuleza. Kashi kieneki ni ku makuloku ku mukanda. ¹⁴ Nia banz'etshi mboti kwiza ku kutala thama loni kienekina tu kwakudila mbala imoshi muthu ni muthu. ¹⁵ Nia lomb'etshi Nzambi akuhu ngemba. A ndoyijetu akutumisa ji mboti.