¹ Ambikudi eza kudi athu ni milongi ya bola ni malongi ma bola akeza kunudi enu. Aka senda mu kitshweki mu milongi ya lufwa kikuma aleka longi diowu wawa hulushidi enda awa nehina malongi ma kuwa bebisa. ² Athu lawu akalaba nzala ya mwila wowu kikuma kieni nzila ya masonga ya katukiniwa. ³ Kikuma kia wiji wa fwalanga aka henga kumu huna kia jindaka. Fundusu yowu ya kamakanoku lufwa lwowu lwa kakingoku. ⁴ Kidi etshi Nzambi ka hulushidi a wanjo a hangidi masumu. Kashi wa hana kumoku ma Tartarus kikuma a mushi mu mishinga mu katshi ka pipa fundusu. ⁵ Kidi etshi Nzambi ka hulushidiku athu atama kaka wa hulusa nowa wakhedi longi wa ndaka ya Nzambi wa mambu ma mboti ni athu ekha tsambwadi. tangwa dia tumini mvula ya kihunga kudi athu a bola. ⁶ Nzambi wa jiyidi dimbu dia Sodomu ni Gomolu diekinini putulu kieni kioki wawa jiyidi kikuma kiaku hana mbandu kudi mambu makejila athu abola. ⁷ Kikuma kia Loti muthu wa pimbu wakhedi tangwa diosu mu pashi kikuma kia yifu ya bola ya kukonda loni kulemvukila ndaka ya Nzambi Nzambi wa mu hulushidi. ⁸ Kikuma wakhedi muthu wa mboti wakhedi kujinga mukatshi khowu yilumbu ni yilumbu ku mu yangisa mu moyi wenji wa mboti kikuma wa monanga epi wakhedi kwivwa. ⁹ Nzambi wejiya Kukatula athu a mboti tangwa edi mu pashi Kiehi kukeba athu a bola kikuma akanoni ndola kilumbu kia fundusu. ¹⁰ Mambu ama medi masonga kudi awa aku labanga nzala jia bola jia mwila jia kubebisa kifumu. Azola kwakula ngolu ni mutu ngolu Kesuku ni woma wa kutukana athu a lukumu. ¹¹ A wanjio edi ni ngolu ni kiyeka kia lawu kalungidiku loni kutukana ni fundisa athu ku twala kwa fumu. ¹² Kikuma a mbiji akonda mabanza a wa hangidi kikuma awa kwati kumanima awa jiyi. Kendoku kwijiya kidi enda kutukana akawa jiya osu. ¹³ A kanona matapishi ma isalu yowu ya bola. Enda kubanza etshi kudi hana mu mambu ma bola kosu kilumbu idi mboti edi ni mvindu kesuku alongu enda kwivwa kieshi mu mambu ma luvunu tangwa diedi muji khinji. ¹⁴ Mesu mowu ma zola ni mbunzu jia akhetu a izumba ata kiehi kendoku kukuta masumu. enda a senda mioyi ya athu akonda ngolu mu lukwikilu mu jinzila jiowu ni isalu yowu.edi mitshima yi kwendanga mu kuzola yima yangani. edi ni ana edi alushingu. ¹⁵ Akatuka mu njila ya mboti a diwukumuna alaba njila jia Balaam mwama wa Beor wenda kuzola kunona lufutu lwa mambu ma bola. ¹⁶ Amunganini kikuma kia mambu menji ma bola Kana ka punda kakonda lo kwakulanga kakula mu ndaka ya athu wamanisa tshuka ya kilawu kia mbikudi. ¹⁷ Athu enawana edi mudi musulu wa konda meya edi mudi matuta ma kusendanga kudi funji edi mu katshi katuta dia ngolu edi nayi. ¹⁸ Enda akhula yakula yakula enda a senda ngundu jia athu mu izola zola ya mwila. Enda a tambika awana akuhenganga kuhumbula athu ekha. ¹⁹ Enda wahwa yilaji ya kunona kashi owu mweni edi a hika a kunona madesu. Kikuma muthu wudi muhika wa mambu ma kumu nunganga. ²⁰ Kosu muthu ukutshina mvindu jia masumuj mu nzila ya lukwikilu kudi fumu muhulushi Yesu Khidishitu. Kumanima wa vutuka epi mu mvindu ndola yenji ya kakhala kuhita ya theti. ²¹ Yambidi kukhala sambu dieni kukonda kuijia nzila ya masonga kienikioki aleka jitshiku jia longu ya wahwedi. ²² Kingana eki kidi masonga kudi heni mbwa wa vutukila yiluki yenji ngulu ha musukula wa vutuka mu thotu.