¹ Kwa mbuta kudi mukhetu wa sodiya ni kudi ana jenji, a nienda kuzola mu masonga, keshiku kasu ami mweni kashi ni awa oosu ejikidi masonga. ² Kikuma kia masonga medi mudi, etu, maka khala ni etu kimakulu. ³ Leka ngemba ni khenda jikhadi ni enu kudi Nzambi Tata ni kudi Yesu Khidishitu, mwana wa Tata, mu masonga ni mu zola. ⁴ Nidi ni kieshi kingi muku mona ndambu yana jeyi aku kibanga mu masonga, mu kulaba tshiku yi twa monini kwa Tata. ⁵ Kieneki, nia kubondila, mama, keshiku mu ku kuhwa tshiku ya katataka, kashi eyi yi twa nonini mu luyandjiku, yi twa zodidi athu ni athu. ⁶ Zola dieni didi mu kukib mu jitshiku idi tshiku yi nwa nonini mu luyandjiku ni yi nu feti kulaba. ⁷ Kikuma ahukumuni a athu eza kwingila mu Kifutshi, ku fungunanga loni etshi Yesu wejidi mu musuni. Mweni owu wudi muhukumuni ni wa leka kukumbula Yesu. ⁸ Kebenu, kikuma nu leki kubidisa mbuma ja kisalu kienu, kashi kinu kunona mbuma ja kisalu kienu, hashi inwenda kunonina lufutu lwingi. ⁹ Owu waya kulepi, wa leka kukhala mu malongi ma Khidshitu, keshiku ni Nzambi. Owu wudi mu malongi ma Khidishitu, udi ni Tata ni Mwana. ¹⁰ Ivwa muthu weza kudi enu konda kuneha malongi menama, nu mu nonoku munjenu, nu muhwoku mboti. ¹¹ Owu wa muhwa mboti wa hanga masumu. ¹² Nidi ni mambu mengi ma kunu sonikina kashi nia zodidiku kunu sonikina kashi ku luyiji ni tinta. Kashi nia zola kwiza kudi enu muku nwakusa mbunzu ku mbunzu kikuma kieshi kietu ki khadi kia pimbu. ¹³ Ana ja pangi eyi wa sodiwa akuhwa mboti.