¹ Kumanima etu twakudidiku epi kukasa mutshima twanonini mabanza ma kusala ku Athene. ² Twatumini Timoti pangi etu utwenda kuhanga neji kisalu kia Nzambi mu kulonga tsangu ya mboti ya Khidishitu kikuma kia kunuhwa kikesa ni ngolu mu lukwikilu lwenu. ³ Twa hangidi kiene kina mu kikuma etshi ata nuthu mu moshi kabwa oku mu tangwa dia zipasi. enu mweni nwejiya etshi tufeti ku kumbula pashi ji tukumonanga kikuma jidi mu luzolu lwa Nzambi. ⁴ Mu kiedika tangwa di twa khedi nienu twanu lejidi kadi etshi aka tumwesa pashi pashi mweni jieni jiji tukumonanga. ⁵ Kieni kioki nia mweni etshi medi mboti ninu tumishi Timote pila ya kukasa mutshima ya khediku nia mu tumini eji kutala pila yidi lukwikilu lwenu kikuma nia khedi ni woma etshi mbala jieka Satana wejidi kunu meka mu pila yaku mwekhinisa kisalu kitwa hangidi pamba. ⁶ Kashi timote kiela wa wutuka watu nehinini tsangu ja pimbu ja lukwikilu lwenu ni luzolu kudi etu. wa tulejidi etshi tangwa diosu mwenda kutubanza nwenda kukhala ni kieshi kingi ni mabanza ma kutu mona epi twiji kudi enu. ⁷ Kieni kioki apangi mu kathi ka khenda ni jipashi jetu josu enu nwenda ku tuhwa kikesa muku mona lukwikilu lwenu. ⁸ Tangwa edi twenda twa jinga lujingu lwa kiedika kikuma enu nwenda nwa jinga kaka mu kimvuka ni fumu Yesu. ⁹ Twenda twa hana matondu ma hitangana kudi Nzambi kikuma kia kieshi ki nwenda ku tuhwa etu kumesu menji. ¹⁰ Pipa ni mwania twenda kulomba ni mutshima wetu wosu etshi Nzambi atu kangudidi njila twiji kunu tala tumonanganenu mu lungisa mambu ma kukondanga mu lukwikilu lwenu. ¹¹ Leka Tata Nzambi enji mweni ni Yesu fumu etu akangudi njila mu pila etshi twiji kutula kudi enu. ¹² Leka fumu Yesu ahangi mu pila yosu etshi kuzola ku nwenda kuzolangana ni kunwenda kuzola athu osu kwikini kwingi mudi mutshindu utwenda kunu zola. ¹³ Leka mweni ahangi kienekina anuhu kikesa kikuma nu khadi athu ja Nzambi tata wetu osu nu khadi konda kifu kumesu menji tii tangwa dia leza kuvutuka fumu Yesu ni athu jenji osu a vedila.