¹ Ne Zude, wu wa Zaki cooŋe ge, ne wu wa Yezu Kirisita wo basiŋe ge, ne wa we sɛbɛŋe tun na kan wo to Klɛ wo sinyirili, yeri bi mu kaa ka daan wo to Klɛ ge, na fara yeri bi mu pe wu na yahi Yesu Kirisita ge. ² Klɛ wo ɲiɲare, na kadanŋge na fara ɲaɲinge gwaŋi wu se yere. ³ Na naŋile, ne li sa di sɛbɛŋe wa tun yere wo pone wu bohoŋe kane la. Ne li ɲa lira si wajibi ne kɔnni na pe yɛri, na pe la le pe ye kɔnni daaŋe ba gagi yi. We Klɛŋa kan wu tisili tɛrnuŋ nigin ge, liri figa nugun zey niŋe yi. ⁴ Ɲahan nagari fiige pi a je yere sohomo bi mu wo tigiri ju la jo Klɛ kayune funŋo ge fo tɛrimɔnɔ. Peri pe wa pe zagi Klɛ ɲaha, wɛ ge, peri pe ba wo to Klɛ wo ceembe lɔ na daga kakɔnye si, na fara pere pe ba li se kafoŋe Yezu Kirisita la, wuri wu wa wo ɲunŋfooŋe ge. ⁵ Yera ji kerigi mu nara cɛn, ŋa ne za di ye funye tirige li la, na kafoŋe ze Izirayɛli siinbi pi nari pe ɲiige Ezipiti kerine tɛrine mu ge, tisili pe ze pe ta wu la yi ge a wu peri gbo. ⁶ Mɛlɛkili ye mun yi wa yi tayerega yi ɲifahi ge yi ba yiri wa, Klɛŋa yiri pɔɔ na jɔriye wo gɔnbihɛge, wuri pe yahi siige funŋo ɲiga wo kitiŋe wogboŋe mage la, ⁷ Liri kanne niginŋe mun la Sodɔmu na Gomɔri na fara pe marimbe kahanye tisili ze mahan j ye mɛlɛkɛli yi, pe ze pe ya yagi kakure la. Keriŋi bile mun ce wa ce sahi na tisili wo kanne wa ge, pe ze ceri sii. Liri la, pera soogi nage wogubage , na se fundogi kaa. ⁸ A liri se mun ge, peri tisili mu a ba ceri kerigi si na daga pe yɛ nɔrɔgi na li se Klɛ wo na, na mɛlɛkɛli sɛhɛ ceembe wa ye mun ɲunŋo ge. ⁹ Liri wa ka mɛlɛkeye ɲahaba dorinŋe Misiyɛla sɔn le mun se yi ge. Tɛrine mu, wu ze nakare kile na setaniŋe ge, a wu wu yɛ co, wa sɔn na setaniŋe sɛhɛ wɛ. Ŋa a wu li jo na Klɛ a ma wu sara. ¹⁰ Peri tisila yage mun cɛn yi ge peri yiri la wo. Ceembe pu wa pe ge, tisiwerine wube pu wa. Pere na sige kare pone mu wu ba sahi, liri la ba pe yari kuufefieŋge la. ¹¹ Bɔɔnge wa peri wogo, ɲahan pe Cayin wo koropine fiige ɲari. Pe kaɲɛne kone yahi sariŋe wone la maha jo Balamu ze li se kane mu la ge. Pere woro na kagi pe gariŋe ɲunŋ tan maha jo kane Kore a kuufefieŋge. ¹² Peri pe ba kere woɲɛhɛgin wirigi yere wo ceboroge wo linŋe tɛrline, paha zige yi, paha tisaŋe wa tɔri wɛ, pe ba li sa peri bine yɛ pe tin. Pe wa mahan jo faanre wo vire kafyɛŋa ba de mu lɔ na ɲari ge. Pe wa ba siire nagoba wure ɲii, siire to ba gɔngi na to ge, na gu fyefe ge. ¹³ Pe wa ba lohe kuruye ɲii gbanŋe ɲunŋo, pe kasegi wa maha jo lohe gwfugaye ya be pe siige ge. Pe wa maha jo ɲeŋ wɔrɔgi ce ba yire faanre na du ge, Klɛŋe ce yahi siige wogbohe wodorobage maga. ¹⁴ Enɔki wu wa lane gwrisɔn wone na lɔ Adama la ge, wura tudure kayune la jo pe kane la na: Li wi, kafoŋe a ba ban na wu mɛlɛkɛli fɔngi ba wo kaboho woɲɛŋɛ wu yo. ¹⁵ Wa ba pe mu kiti. Bi pe wa pa zagi ɲahan yi ge, kapesibi mu a ba jalaki pe kapegi fiige mu la na fara be kayojogi pa ji jo wu kane la ge. ¹⁶ Peri tisili zɔnye a tan wɛ, peri ɲuwegi tan jome yu, pe ɲari na sahi na pe yɛ bile w mudan pyeme, pe kayojogi pone wa ma yɛ pɛlɛ pɛlɛ jome. Pe ba tisili fani pe yɛ bile wu tɔŋe mage la. ¹⁷ Na naŋile, ye ye funye to kafoŋe Yesu Kirisita wo tudumbi wo kayogi la. ¹⁸ Peri ze li jo yere na: kɔkɔre tɛne la, lawuge tisila ba da, paha ba ɲari da sahi na pe mudan pyeme. ¹⁹ Peri tisili bile bile pe wa, peri be ba tisili sɔnni na wa pe yɛ la. Pe kerigi mu wa tisili wogi, Klɛ wu funane (munane) wa pe wɛ. ²⁰ Ŋa yer kɔni, na naɲile, ye la le ye ye ya se ɲahan ye cege ki gbagi ki tahi Klɛ la, na fara ya Klɛ ɲɛɛri wu yirime cege la (funa cene cege ²¹ la).Yeri pe se Klɛ wo kadaaŋge, yeri ye cege tahi kafo Yesu Kirisita wo ɲiɲare ɲunŋo, na funane (munane) wogɔbane sige. ²² Tisili pe gali ge, ye pere ɲiɲare se, ²³ na pe poohe na yige nage, na pe sambi mu ɲiɲare se, liri li se na saare. Pe kasebegi ka ki pin ye maha jo vanye na nɔhɔ pe kasebege ge. ²⁴ Klɛŋe wa je yere co, ye ba do yi ge, na fara na ye se jalaki ba ge, na fundanŋe gwaga kan yere wu ɲahangwaga, ²⁵ wuri yɛ nigin wu wa wo poohe voŋe wo kafo Yesu Kirisita cege la, Ceembe na pyɛɛre, na fara sefyɛɛre, na ɲunŋfyɛɛre tis se wure na lɔ nɔhɔsange na nɔ nimɛrɛ, na tɛne pone. Amiina.