¹ Na ka taan vo Gaiusi, mu ka ko dan ne kaɲene funŋo ge. ² Na taan vo, ne Klɛ ɲɛɛri mari seeŋe ta kerigi mun ɲunŋo, ticome ti ce na ma, kaane ma munane a fanŋhe ta ge. ³ Na funŋa taan tɛne ma seɲi ze pan na ba ma tanni gane jo kaɲɛne kone ɲunŋo ge. ⁴ Fundanŋge ka nuŋa se ne na toro na nagobi ɲɛrne tan kaɲɛne ɲunŋo wɛ. ⁵ Mu bare si na fundaŋge ma tisiɲi na nabunbi la. ⁶ Pe ma kadaaŋge june jo eglisiŋe funŋo, tisili ɲahawgage la. Mu kacɛnŋi se na pe tagi pe kusyɛge la Klɛ ɲahawgage la. ⁷ Na li se na Yezu mage pe ze fori, pe yage ka mun sɔ kɔnŋge tisaŋe wa mu wɛ. ⁸ Peri tisili fige wo za, peri wo tage wo Klɛ bare sii kaɲɛne ɲunŋo. ⁹ Ne kayune la kɔn na kan eglisiŋe ŋa Diotrɛfu wa ɲahagwa fyɛre sa ye ge, wura sɔn liri la yi. ¹⁰ Liri la ne ba ban ne sa wu kasegi mun jo ye, ji wa jo na wa wo la, ce wa kacɛnŋge wa ge. Liri kadugo wo mako wa wa la yi. Bi mun pe za da bare si ge, a wu pe munn niin na yige eglisiŋe funŋo. ¹¹ Na taan vo, ma ba ze kapegi se vo wɛ, ŋa ta kacɛnŋgi si. We ba kacɛnŋgi si ge wure wa na Klɛ. We ba kapegi sii ge wura sa Klɛ ŋa yi. ¹² Tɛne Demetriusi tiri ɲajure mu se ge, a wu bile mu wo kasegi jo, ji wa se kaɲɛne ɲouŋo ge. Wori mu a sira tiri ɲajure sii mari li cɛn wo kayojogi muu ce wa kaɲɛngi. ¹³ Kayoŋgi ci wa na ŋa ne ja di ce kɔn yi. ¹⁴ Ne za na bile di ma ɲa na ɲine wori jo na wo ye. ¹⁵ Ne Klɛ ɲɛɛri ŋaɲinge ki se na ma! wo naɲila pe wa nahi a ma sari.