¹ Ne poli yesu krisita wo tuduŋe wo yuŋfoŋe klɛ cenŋe la, we wa tin wo ceege tataŋe ge. ² Na we sɛbiŋe kan timoti, mu wa se ne wo sanŋe bilebile klɛ ceeŋe la, wo too klɛ na wo ɲuŋfoŋe yesu krisita ɲiɲare se wu yirimbe na wu ɲanɲige kan maa. ³ Ne wo gariŋe, Maseduwani maŋmbe ne ze ma se ma tiin Efɛzi, lirila bi ɲɔ kalipeŋe wa ge mari li jo pee pe ŋmon wu la. ⁴ Tɛrizine kayoŋgi pe ze yu ge, na tisili nɔŋi yu pee, li jo pee na pe ŋmon, nakare pe ba ɲihiŋi. Klɛ mudambaa jiin se memehi, daage fanŋe la le sa jin ze. ⁵ Pe kayɛri ɲuge ki wa ka daange pe ta na yiri zonceembi, na fungɔnye wojeye, na pine cegetataŋe woŋege la. ⁶ Tisili pi wa piin na korine yahi na tonnoba kayuŋi taga pe yɛ fali. ⁷ Pe ba pe yɛ se sariyali ɲuŋfeyi, ga le pe yu ge, pe bada pe ze cege tahi peya liri kayune la, pe liri nɔhi cenyi. ⁸ Wo li cen na sariyaŋa ɲon, tisaŋe ba wu se gannɛ cen. ⁹ Wo licen, sariya tiin sencembi maga wɛ, ga bi pe ba lisegi ge, na fara sin pilila, na fara kapegi se vebi, na fara bi pe wa pe zagi klɛ ɲahan wɛ,na bi pe klɛ maŋge kiyɛgi ge, bi pe sefihi gwu ge, na singwubi, peri mage la wa tin. ¹⁰ Sigibali, na namaŋ pe ba peyɛ saa ba ceenŋe na naaŋe ŋi ge, tisiperili, kafirijuhi, bi pe ba kaŋge si ɲuŋg ba ge, na bi pe wa pe kere wojenŋe si na sahi na kaliŋe wa ge. ¹¹ Wuri kaliŋa daa ɲuŋfoŋe klɛ kayudangi funŋon, liri wo kane wa le ne cen. ¹² Ne wo kalivoŋe Yesu krisita sari,wura fanŋe kan ne, a wu ne tɔri sincenme na ne lenŋe wu baare. ¹³ Tɛrizine ne wu ze ba wu mage kɛyigi ge, na wu klɛ sagvehi kanna, ne ze pee, ga lirimu na liworo aw ne ɲiɲare se, daage bare na kerecenbare la, ne ze ceri mu si. ¹⁴ Wo kalivoŋe wa ɲaɲiŋe ge kan ne, wu kadange, na daage la Yesu krisita mage la. ¹⁵ Le kayune wa kaɲɛne tisili mu pe ya pe son li la: Yesu krisita pan koŋge la na ba kapezibi ɲuŋ sɔ. ¹⁶ Ne wu ze pee pe mu sɔnhɔmo. KLɛ wa ba ne ɲiɲare see, wa za wuri Yesu krisita cembe siye, pi se kasiyene tisili bi pe baa daa wu la ge pe munakɔbaŋe ta. ¹⁷ piyenŋe, na foŋe se wi tɛrine mu, taye mu klɛ ŋabaŋe wu we wasa guwɛ ge. Amina. ¹⁸ Ne jaŋe Timoti, ne sa lijo ma di wahayi ma wahayi me ye mari bacere se ma ya na klɛ tuduŋmbi wo kayoŋi le lize jo ma kanela na tori ge. ¹⁹ Ma liri se na daaŋe, na zonɲiŋge. Tisili piya ja na liri seyi, lirila a pe to. ²⁰ Imɛni na Alexsandre niya fori, ne pe yaŋe sitaniŋe cee lirila peri li cen pe ya pe Klɛ mage kiyɛgi wɛ.