¹ Tisa tisa taa li la na Yezu wa Klɛ wo tisaŋɛ wo wuuŋɛ (wolonŋɛ) ge, wuri funŋɛ wa Klɛ wo sanh (nagɔrɔ). Tisa tisa tofooŋe ka taan wu ye ge, wuri funŋɛ jefooŋɛ mu ka taan wu ye. ² Wori ba da wo Klɛ ka taan wo ye, na wu tuduure pɛlɛ, kiricega, wori li cɛn na wora wu nagobi ka taan wo ye. ³ Na jo na Klɛ ka taan, liri voori (jɛnŋgi) peeme tahi kana wu tuduure la. Na peeme tahi wu tuduure la mu sunŋa wahi wɛ. ⁴ Ŋahan tisaŋe wu wa Klɛ jaa (san) na kɔ ge, wuri funŋɛ a fanhɛ ta (ja) ge koŋge ɲunŋɔ (la). Daaŋɛ (cege ta tahiye) wu wa woro ge, liri lo wori se wo janni koŋge la (wora fanhɛ ta koŋger ɲunŋɔ). ⁵ Tisaŋe wa ta li la (daaŋe se li la) na Yezu wa Klɛ jaangɛ ge, wuri funŋa fanhɛ ta (ja) koŋge ɲunŋɔ (la). ⁶ Yezu Kirisita pan lohe na sisambe wo fanhɛ. A wu batize (na miniŋɛ na foori lohe), a wu sisambe woo.Li wa mahi jo wa batize yɛrɛyi. Wa batize, na nunŋa kuu. Liri kanna, Klɛ munanɛ lo liri kaɲɛnɛ sɛlɛ wo la, ɲahan liri li wa kaɲɛnɛ fiyɛɛre la. ⁷ "Seere" li tanri pe liri kaɲɛnɛ sɛlɛ: ⁸ Klɛ munanɛ, na lohe na sisambe. Peri "seere" li mu a kannɛ niginŋɛ yu (kannunɛ yu). ⁹ Wo ba ze sɔn tisili (adamaden) wo "seereya" ɲa, Klɛ wo "seereya" ŋa fanhitɔ (pɔrɔ) tisili wo ya. Klɛ a li siye wo la , na wuri wa wu janŋge wo "seere". ¹⁰ Tisaŋɛ we mu a taa (daaŋɛ se) Klɛ jaanŋge la ge, Klɛ a "seereya" mun se (wuu) wu kaanɛ la ge, wuri funŋɛ a si wuri "seereya) yahi wu tin wu zɔnŋe la ŋa we mun wu wa wa taa Klɛ lahi ge, wuri funŋa Klɛ se kafiniyi jo voo (juu). Ŋahan Klɛ a "seereya" mu se wu jaaŋge kannɛ la ge, wuri funŋa taa liri la yi (daaŋɛ se liri la yi). ¹¹ "Seereya" we: Na Klɛ munanɛ wo kɔbannɛ kan woro, liri lo daa wu wu jaaŋge ceege la ge. ¹² Klɛ jaaŋge ba ze na tisaŋɛ we muu ge, wuri funŋa ba kiri ɲaɲinŋe ɲa. Ŋa Klɛ jaaŋge ba ze wu wa na tisaŋe we mu ge, wuri funŋa si jɛn wu ɲayi. ¹³ Ne le kɔn (sɛbɛn) na torogo yeere, yeri pe taa (daaŋɛ se) Klɛ jaaŋge la ge; yeeri li cɛn naa munanɛ wo kɔbanɛ wa yeeri woro. ¹⁴ Kiricega, ye ba yage mu fiigi ɲɛɛri Klɛ ge, ki ɲɛ wu mudanme ge, wori funkɔn ye a si li si ya na wa (Klɛ) si wo juu logo. ¹⁵ Wora taa li la (daaŋɛ se) na Klɛ a ba wo ɲɛɛrige nuuri, na nunŋa daanŋɛ se li la na yage wo ɲɛɛrige, na wa kiri ta na kɔ. ¹⁶ Kiricega, kapegi ce wa co tisa gbuu wa ge, wa ba wu ceboroŋe wa ɲa wa liri se, wu Klɛ ɲɛɛri wuri funŋɛ. Klɛ si wuri funŋe ɲun wuu wuri kuu ŋe, liriba li ta liri kapinɛ a si jɛn wu funŋe gboo yi. Kapi nigin wa le lo tisili gbuu ge, ne li jo ye ya ɲɛɛrige si liri wo seveebi wa dɛ! ¹⁷ Delibaŋe poonɛ wa kapegee. Ŋa kapegi poonɛ a ma na kuuŋɛ wɛ. ¹⁸ Woli cɛn na tisa tisa wu wa Klɛ saa (nagɔrɔ) ge, wuri funŋa si din kapegi zeŋa wɛ, ɲahan Klɛ sanŋɛ a ba wu ɲun wuu. Sutaniŋe fanhɛ a si ja wu la yi. ¹⁹ Wora li cɛn na wori wa Klɛ nagoo. Ŋa koŋge funyɛɛriyɛ sanye ponɛ wa sutaninŋɛ wo mudanme nɔhi. ²⁰ Wora li cɛn mu, na Klɛ jaaŋge a pan koŋge la di ba sizimme kan woo, wori jɛn wo kaɲɛnɛ fooŋɛ cɛn, wuri wu wa Klɛ ge. Wora na Klɛ wa wo ya cee wu jaaŋge Yezu Kirisita wo fanhifɛɛre, wuri wu wa Klɛ yɛri nigin ŋe peh munanɛ wogɔbaanɛ kanvooŋe. ²¹ Naa nagoo, ye ye kasiyɛgise zunŋe keriga.