¹ Nagobi, ji kerinŋa sɛbɛ di gan ye jango ye ba kapegi si wɛ. Ŋa wa ba kapi se tage vo wa Klɛ tan woro, Yezu Kirisita, wu we tii (tile) ge. ² Wura se wo kapegi wu vo, li sun wa woro yɛ wugi wa wu wɛ ŋa konŋge mu wu vo. ³ Le la wo ba li ɲa na wo liri cɛn: wori ba bare sii na wu mun dan kayoŋgi. ⁴ We mu ba jo: Na wura klɛ cɛn ge, ŋa wu sunŋa Klɛ mundame si wɛ, wu funŋe tin fafire jovoo, kaɲɛnɛ wa win wɛ. ⁵ Ŋa tisa tisa wure kanuye yahi wu yɛ funŋo, kaɲɛne la ge, wuri tisaŋe la Klɛ kadanŋge mu ba bone se na kɔ. Liri la wo li cɛn na wo pine na wun. ⁶ We mun ba jo na wure wa na Klɛ ge wu funŋe mu wu ɲari Yezu wo ɲare gane la. ⁷ Na cebilee, na kayufone yu ye wɛ, ŋa kayulyene le ye fiɛhin logo ɲokɔre la ge. Kayune ye fiɛhin logo ge liri li wa wolyene. ⁸ Tɛne mu kayufone ne zɛbɛ ye, le li wa kaɲɛne Kirisita na yeri la ge na li se siige bri, kpɛŋge di ma na kɔ. ⁹ Tisa tisa ba jo wuri wa kpɛɛŋge la na ta wu tisaɲiŋe ka wun wɛ, siige wuri funŋe sahan wa. ¹⁰ We funŋe wa wu tisaɲiŋe ka taan wu yɛ ye ge, wuri wa kpɛɛŋge la, tafiɛɛŋge wa wuri funŋe la yi. ¹¹ Ŋa we wu wa wu tisiɲiŋe ka taan wun wɛ ge, wuri wa na ɲari siige, wa wu tasɛŋge cɛn yi, bari sige a wu se siin. ¹² Na wura de sɛbɛre si gan wu ɲin taan nagobi, na li sye pe kapega yafa wu mage la. ¹³ Na wura de sɛbɛre si gaan wu tii na li sye we wu ze se wa ɲokɔnre la ge pe wuri cɛn. Na wura le sɛbɛ na naɲili na li se pe fanhe ta pe piiɲe ɲuŋŋo. Na wura le sɛbɛ nagobi na li se pe cɛn. ¹⁴ Na wura le sɛbɛ pe tii, na li se we wu ze si se wa ɲokɔnre la ge pe wuri cɛn. Na wura le sɛbɛ naŋibii na lise fanhe wa pye, Klɛ kayune dinŋe pe funŋo, na fanhe ta pe piinŋe ɲuŋgo. ¹⁵ Ye ba kɔnŋge na ki yɛrɛye ye yɛ ye wɛ. We ba kɔnŋge taan wu yɛ ye ge, Klɛ wo kadanŋe wa wu la yi. ¹⁶ Na li se kerinŋŋi mu ce wa kɔnŋge la ge (cere pure laage, ɲɛɛgi laage, na fara kɔnŋge ɲuŋŋfe gbɔre la) cera fori Klɛ la yi, ŋa kɔnŋge la cera fori. ¹⁷ Kɔnŋge na ki mudamba ba gɔ. Ŋa tisa tisa Klɛ mudambe si ge, wura ba ticɔmbe wogɔbabe ta. ¹⁸ Nagobi, tɛne sanɛ li wa. Kane la ye li logo na Kirisita pinŋga ma ge, nimiin Kirisita piinle woɲɛhimɛ pe wa Liri la wo li cɛn na tɛne sanɛ lo nɔn. ¹⁹ Wori sohomo pe fori ŋa pe ze pine na woro wɛ. Ɲahan, ka se woro pi pe ze, pe ze sa diin na wo. Ŋa ba pe wori wɛ, lira li se pe ze woro fige yi. ²⁰ Ŋa, yere, Klɛ muna cene wa yeri la, na li se yeri mu pe kaɲɛne cɛn. ²¹ Na wura le sɛbɛ yere ɲage la ye wa ye kaɲɛne cɛn yi dɛ, ŋa ye kaɲɛne cɛn ɲahan kafire wa kaɲɛne funŋo wɛ. ²² Nɔŋgɔ wu wa karifir junŋe? wu ba da wa si ce wa jo na Yezu wa Krisita ta yi ge. Wuri funŋo wu wa Krisita pinŋe, na li se wa Klɛ na wu jaaŋge cɛn yi. ²³ Bi mu pe wa pe Klɛ jaaŋge cɛn yi ge, peri fye a Klɛ mu cɛn yi. ²⁴ Yeri kɔni le ye logo ɲokɔre la ge ye li yaŋgi ye yɛ funŋo. Li ba da le ye logo ge, liri wa ye funŋo, ye sun wa na Klɛ jaa na ɲɛ na Klɛ mu. ²⁵ Liri wona, ɲomine wa kan wo ge liri li wa ticɔnmbe gɔba wone. ²⁶ Na wura ji sɛbɛ pye, na sahi na bi pe ba za di pe piinŋe. ²⁷ Nimin yere pe Klɛ muna cene ta ge, liri ba din yere funŋo, lo nɔn wa ti wu ba yere ɲahan sɛlɛ wɛ. Ŋa Kla munacene lo yere ɲahan sɛlɛ kerinŋi mu la ge liri li wa kaɲɛne, kafire wa liri la yi, na ta ba lo ye kaala wɛ, ye sun ye tara liri la. ²⁸ Nagobi, nimin ye tin na wure, ka kɔni canŋge wu ba ban ge, yeri fundaŋge ta, lira pɔrɔ ye siige ta wu cabanŋe. ²⁹ Ye ba li cɛn wa tii, ye sun ye li cɛn tisa tisa wa katiigi si ge, wure la wu funŋa fori wu la.