¹ Polu, nsadi yezu klistu, yandi watelama mukushia kakala n'tumwa, ba ham'bula samu di kulonga tsangu yi nzambi, ² nzambi wusola tuka luyandiku ku ba profeta muna masonama masantu, ³ mana matadidi mwana ya ndi(wuna wubutuka mukifundu ki Davidi mu m'suni, ⁴ utambusama mwana nzambi muna mpeve yibu santu mu lufutumuku ku bafwa) yezu klistu mfumu beto, ⁵ kuyandi tumonga dienga ye mission mikusadila nzambi Samu di nata muzina di yandi kulemvuka kulukwikilu ku ba mpakanu bakulu. ⁶ mukati di bawu venu pe lwene, venu bakatedi Yezu klistu. ⁷ kubenu kulu, ku Roma, lumonga dienga ye ngemba mu zina di Nzambi tata ye mfumu Yezu klistu! ⁸ Nteete-ntete, yi monga matondo kwe Nzaambi mu nzila Yezu Klistu samu di benukulu, samu lukwikilu lu benu lu zayani tsi yaakulu. ⁹ Saamu Nzaambi keka mbona, yandi yi sambila mu mpeve santu phe mu m'samu mwana Yezu, phe yisia maazina mabenu konso ntangu mu bisambu bi mene. ¹⁰ Yi lomba konso kilumbu mu bisambu yi zwa kima mukusia yisa kuna lwene benu mu luzolo lu Nzaambi. ¹¹ Saamu yeka zola yi lumona, samu hi luheka ndambu kabu di mpeve, mukusia na luyela. ¹² Disongidila na tuhanana kikesa mu kati di lukwikilu betu ye betu; lulu mene ye lulu benu. ¹³ Buntwene, nzodiku na lu lalana na nzodi yilu tala mbala zinga, yi zwaku ntangu ye buntwene. Nzodi bwabuna samu yi tala mabundu ma lubuti benu piila mosi ba mpakanu bahika. ¹⁴ Ye ye pfuka ye ba Greki phe ba nzenza, phe ye baatu ba ngangu ye ba zoba. ¹⁵ Mu bwabuna, mana ma ntadidi, yene wu fwana mukusia yi lu longa m'smu bunkete, benu lwe ku Loma. ¹⁶ Saamu yeku ya tsoni muku longa m'samu bunkeete. Saamu ze ngolo zi Nzaambi samu di kuhuluka ku muutu wakulu wuna kwikila, neete-ntete ba Juifi, phe ba Greki. ¹⁷ Saamu ku yandi masonga ma Nzaambi ma manani mu lukwikilu ye lukwikilu buna masonamani: "baatu ba masonga ba zinga mu lukwikilu." ¹⁸ Saamu nkabu zi Nzaambi zi monani yandi kuzulu kikuma ki baatu ba tukunaka ndinga Nzaambi phe basalaka mambu mambi ba sweku masonga. ¹⁹ Phe saamu mana mazayani kwe Nzaambi ba basongidi mo. Saamu Nzaambi basidi n'temu. ²⁰ Saamu yandika luyandiku lu tsi, bima bi bimonikaku bi Nzaambi ba monisi bio mutemu, buna bazaya bima bi bisalama kwe Nzaambi, disongidila ngolo zi konda tsuka mvula ye mvula, mbandu ye Nzaambi. Hakana ba fweneko ba salala bio. ²¹ Saamu ata bazeye Nzaambi mu lundiku, bakala n'kumisoko neti Nzaambi, ata matondu mankatu. Kaasi bamongi badihene mu buzoba phe ye ngindu phe mbundu zi konda kuyindula bakoti mu mpipa. ²² Badikambaka na bene ye mayele, kaasi ba kumi bazoba. ²³ Lukumu lu Nzaambi wukonda fwa ba baludi mu bi zusi bu kimutu wu fwaka, ba nuni, ba mpuku phe ye ba nioka. ²⁴ Hakana, Nzaambi kaba losa mu bizola zola bi mbundu bawu samu bene ye masumu; saamu lutu lubaka nsoni mukati di bawu. ²⁵ Bawu ba balulaka masonga ma Nzaambi mu bungumba, phe ba fukaminaka biteki ha palasi yandi wu sala bima biakulu wutu kumisaka mvula ye mvula. Bwabuna! ²⁶ Mudimbu di bwabuna Nzaambi kabahana mu bizola zola bi bibaheka tsoni, saamu phe banketu ba bawu ba balula kitoku kibawu piila kabasadila Nzaambi, bakuma kusala kio mu piila bawu. ²⁷ Piila mosi, ba yakala phe ba losa kitoku kibawu piila kabasadila Nzaambi, bakuma sala bawu ye bawu bayakala. Ba yakala bakuma kusala ye ba kwenu ba yakala bima bikonda mfunu, ba baka ndola yina yi fwene mu masumu ma bawu ma kubalula mambu. ²⁸ Saamu beka songiloko na bene ye Nzaambi mu ngindu zi bawu, kaba lambula mu ngindu zi bawu zikubalula mukusia ba sala mana ba fweneko basala. ²⁹ Ba basami ye ku niokuna ba kweno, bizola-zola, kuhuna bakwenu. Ba basa ye kipaala, kuhonda batu, bintumba, bungumba, ngindu zi mbi. ³⁰ Bene ye lulendu, m'bulu wingi, kutukuna ndinga Nzaambi. Bene ye mayele mambi, batumakanaku kwe ba tata ba bawu. ³¹ Beku nduka, bafweneko ba batambusili, bazolanaku bewu ye bawu phe beku ye kiadi ki kwenu. ³² Beka zaya nki piila kasala Nzaambi mambu, bana basala mambu mana ba baka lufwa. Kaasi ba salaka mambu ma, phe beka tambusila bana ba salaka mo.