¹ Polo,mutu boloko di Yezu klistu, ye phangi Timote, kwe Fulumeni, ndukueto thu zola bwiingi ye pangi mu bisalu, ² kwe pangi wunketo Afia, kwe Adichipe, phangi beto wu kunwana, ye kuna nzo nzambi yi yene mu nzwaku, ³ lusakumunu ye ngemba bi lu hekama mu nzila Nzambi tata wu beto ye di Pfumu Yezu klistu! ⁴ Yeeke kabusa matondo koso ntangu ku tata nzambi, yeke kulaloko mû bisambu biama, ⁵ mudiambu béké nkamba phila yi lukwikilu lu we lwawu mû zina di Pfumu Yesu Klisto, ye lutondo ti ye zola ku ntuala ba saantu . ⁶ Yeke n'lomba lukwikilu lwandi lukala ngolo samu di Klistu, mû ku zayisa kwe beto phila zi mamboti zaakulu. ⁷ Yi mwene kiese kiingi ye ku yangalala ku mbundu samu di lutondo lwandi, samu mû nzila ngeyi, phangi, mbundu zi ba santu zi lepama. ⁸ Nkiakina, bunanana yene ye ngemba mû kati klistu mu ku ku tuma wu sala mana ma fwene mukusala, ⁹ bu fwene mboti mu zina di lutondo yeka ku lombila bisambu, buna yene, pholo, n'nunu, phe dihika mutu boloko wu Yezu klistu. ¹⁰ Yeka ku bondila bwoso mwanama, wu yi buta mu zi nzengele, Nozimi, ¹¹ Wû wukukaloko m'pfunu ntangu mosi, wukumi buntwene m'pfunu, ye kwe ngeyi ye kwe mene. ¹² Yiku kabusidi yandi, ndambu luutu lu menene. ¹³ Nzodi yi n'zakalasa kakala belebele ye mene, mukusia ka tsadisaka ha kizika ki ngeyi, mu ntangu yi yene mu zi nzengele kikuma ki ndinga Nzambi. ¹⁴ Ntangu zaakulu yi zodiiku yi sala diambu yi konda ku kuhiula, mukusia ne di mboti di ngeyi di salamiku bwoso mu ki ngolo, mana bukala luzolo lwaaku. ¹⁵ Ngatu ba m'hambudi ye ngeyi mu mwa ntangu mosi, mukusia ne lukutana yandi mu luzingu lu mvula ye mvula. ¹⁶ Keko na bwoso m'hika, mana bwoso mbuta kwe m'hika, bwoso phangi wu zolama kwe mene phe bwingi-bwingi kwe ngeyi, hô mu ki n'suni hô mu pfumu. ¹⁷ Na mbongaka bwoso nduku'aku, n'yamba bwoso ngiambaka. ¹⁸ Na ka ku sadi ma mbi, hô lowu ka ku futa, tala mene. ¹⁹ Mene pholo, yeeka sonika wô ye moko maama, yi futa, mu ku konda ku kukamba ne di futa ngeyene kwe mene. ²⁰ Eh, phangi, nzodi yi monga kwe ngeyi n'luta wanduna, muna kati pfumu, lepika mbundu'ama mu zinz di kidisito. ²¹ Nzeye na ndemvukilaka, nkiakina yi ku sonikini n'kanda, mu kati di ku yaba ne sala kuhioka ma yi phoyi. ²² ngidikilaaka kizika ki ku niimba, samu yeka kwikila ne yi lukumina, mu ngolo zi bisambu bi beno. ²³ Epafalasi, nduku'ama wu boloko mu Yezu kidisitu yi kuhele mboti. ²⁴ Kumosi ye Madiko, Adisitadika, Dema, Luka ba phangi ba mene ba kisalu ki mboti. ²⁵ Ngemba pfumu'eto Yezu kidisitu yi kala ye beno!