¹ Mu tsungi yene, Yezu ka labuki nzila zi ba salaka masola ma blé kilumbu ki bisambu. Ba longoki baandi, ba kala ye nzala, bo mongi ba yandiki ku hela ,buma zaandi phe ba yandiki ku dia. ² Ba Fadizie, ha ba mwene bwana, ba n'kambi: Tala ba longoki baaku beeka sala maambu ma ka busila n'tsiku kilumbu ki bisambu. ³ Yezu bakambi ne: «Lungieku beno mana kasala Davidi ha kawidi nzala, yandi ye batu ba kakala bawu? ⁴ Bwe kakoti mu nzo Nzambi kadiidi dipha disambuka, dina dikala kafweneko kadia yandi ye bana kakala bawu, kaka batambiki bimenge bakala ye n'swa. ⁵ Mana lutangoko muna n'tsiku ne: mu kilumbu ki kiphosa, ki bisambu, batambiki ba bungiiki kio, mana bazeyeko bawene. ⁶ Mana yi lukambi, hene ye wu hioki nzo bisambu haka. ⁷ Na luzayani nki kisongidila ki: «mviidi m'pfunu wu zola, mana keko bimenge.» Lu nka bedisaaku ba bazeyeko kete diambu. ⁸ Samu mwana mutu kene pfumu wu kiphosa.» ⁹ Yezu katuki yandika hakana ti ye ku nzo bisambu. ¹⁰ Hakala ye mutu mosi wu kala ye koko di kifu. Ba lombi kwe Yezu: «Bwene ye n'swa bakodisa mutu kilumbu kibisambu? Mukusia ne ban'hunina disumu. ¹¹ Yezu kahoyaka: «Nki mutu hakati di beno, wu wene ye dimeme dimosi ye dimeme diene di bwidi mu dibulu di diene ye nzinga yiingi mu kilumbu ki kiphosa, ka kwata dioko ye kalubuloko dio phe mu dibulu diene? ¹² Mbala kwa mutu kahioki dimeme! Bweko mbi mu kusala mamboti mu kiliumbu ki kibisambu. ¹³ Kunima Yezu n'kambi mutu weene ne: «Lambula koko»! Kayuni dio phe dikodi bwoso koko dina di hika! ¹⁴ Mana ba Fadizie balubuki phe ba yenda n'kasila pfundu. Bayenda dingi nki phila ba fwene ba n'hondisa. ¹⁵ Yezu buna kamwene bwana, yekuki hakana. Batu biingi ban'lende ye kabakodisi baakulu. ¹⁶ Ba tsiki ne basamuniku bwoko kwe batu bahika. ¹⁷ Mukusia ne malungisama makahoya m'bikudi Ezayi ¹⁸ «Tala n'tsadi mene wu tsoodi, wu yi zola bwingi, wu hana kiesi ku moya mene. Yisia pheve mene mukati di yandi phe kasamuna n'kanu kwe ba phoni. ¹⁹ Kasaloko kubusa holowu ku yamuka, phe heko mutu wa ndinga yandi mu ba balabala. ²⁰ Katoluloko kutolula ata n'ti mwa yumuka, kazimoko phe n'ti wuna weka lema mbawu. ²¹ Batu ba n'kangu basia kiitu muzina di yandi. ²² Kunima bisa n'natina mutu wu pheve zi mbi zi meso ma fwa ye baba, ye kan'kodisi, ti mu phila yi kahoyi baba phe ka mwene ku meso. ²³ Kibuka kiakulu ki hoyiki, ye ngituka: «Wuna keko mwana Dawidi?» ²⁴ Ba Fadizie mu ntangu ba widi bwabuna, ba hoyi: «Mutu wandu keka kula pheve zi mbi mu zina di pfumu pheve zi mbi, pfumu bitsusu.» ²⁵ Mu diambu Yezu ka zeyeke zingindu zi bawu, kaba samunaka: «Konso n'toto ki pfumu wene wu kabana wabeene kene wuku kabisa, phe hankatu mavulu to ki kanda ki kabani mu mizingu ki fwene ki zinga. ²⁶ Hô satana kakula satana, disonga kène wu kabana yandièène. Bwè kifwène kizinga kikànda kiàndi? ²⁷ Hô mène yikula phève zi mbi mu zina di Bedizébudi, mu zina di nà bazikula ba béékè kwe lulandi? Samu di mààmbu màna, bakùma ba mbàku béno. ²⁸ Kasi Hô yikula peve zimbi hana kimfumu kinzambi kiene hakati di beno. ²⁹ Bwe bufwene mutu kakota mû nzo mutu wungolo kayiba bima biandi biakulu na kank'wéteko n'tete ban'kasa mutu wu ngolo ? Mana hana we yiba bima biandi. ³⁰ Wuna Keko ye mène kanzolaku, kafweneko ye mène kakaloko pe ye mène. ³¹ Bwabuna yilukambi, masumu ye ngusi,batu bafwene baloludi, Kasi wuna tukuna mpeve saantu yi Nzambi ban'loluloko. ³² Pe koso wuna hoya diambu di mbi mu zina di mwana mutu, ban'loluloko.Kasi Wuna hoya mambu mu zina di mpeve saantu, basaloko kun'lolula,ata buntwene, ata kuntwala. ³³ Holo wene ye n'ti bunkete ye mbuma ye mbuma dikitoko ,holo wene ye n'ti wu mbuma zimbi, samu n'ti banzayilaka ku mabundu mandi. ³⁴ Beno mbutu banioka Bambi (masawu),benweno batu Bambi, bwe lufwene kuhoya mambu ma bunkete ? samu mamakalaka ku mbundu makahoyaka n'wa. ³⁵ Mutu Mboti kalubulaka mambumabunkete mamene ku mbundu'andi, wumbi pe mambi. ³⁶ Pe yilukambi Kilumbu kikusamba, batu babamba samba mu pila mana mambi mabahoyaka. ³⁷ Samu ndinga Zeno zilunungisa pe ndinga Zeno zilubedisa. ³⁸ Kunima Bamfumu bamin'siku ye bamfuadisi bakabusi kwe Yezu na: Mfumu, ntuzodi ntu'mona bidimbu bituki kwe ngeyi. ³⁹ Kasi Yezu kabusi pe bakambi n'a:Kikanda kimbi ye kimbongi kisosa kaka kidimbu. Kasi heko kidimbu kina ban'teka,katula kaka kidimbu ki yonasi n'tumu. ⁴⁰ Samu Yonasi kakala Bilumbu bitatu ye piba tatu mukati di kifundu ki mbisi mamba. ⁴¹ Batu ba Ninive batelema Kilumbu kikusamba ye kikanda kiaki pe bababedisa,Kasi basoba ngindu badikulumuna mu malongi ma Yonasi pe tala,wuhioki Yonasi ke hakaka. ⁴² Ntotila wu n'keto wu ku Suti banda kateleme pe Kilumbu kikusamba ye batu bakikanda kiandi pe kababedisa.katuka ku n'suka n'toto mû kiisa monga mayele, nduka zi Salomon Kasi tala haka hene ye mutu hioki Salomon. ⁴³ Ntangu peve yimbi yilubukaka mwe mutu,yihioka mukwedingi huma hana hakonda mamba kaswama ,Kasi kadinga kadinga kamonoko. ⁴⁴ Hakana kadinga kakabuka muna katuki, Kasi hakakabuka ,kawana nzo bakombudi pe yikumi mu ndonga. ⁴⁵ Kunima kakwenda we monga dihika peve nsambwadi zi zimbi kuhioka yandiene, pe Bakulu bele bazingila mwamuna. ⁴⁶ Ntangu yi Kahoyi Yezu ye batu ngudiààndi ye bapangi bandi bakala ha nzila, badingiki pila ban'hoyisa. ⁴⁷ Mutu mosi we n'kamba ne,: Tala ngudiaku ye bapangi baku bene ha n'zila bazodi bakuhoyisa" ⁴⁸ Kasi Yezu n'kabusidi ne : Na ngudi mène ? Pe bana bapangi bamene? ⁴⁹ Kunima songidi koko kuna kwene balonguki bandihoyi ne: Tala baba,ngudi mène ye bapangi bamene.". ⁵⁰ Wuna salaka luzolo lu tata wene mû zulu ,kene pangiama wuyakala ,Wunketo kene ngudiama".