¹ Ku nima di ku manisa malongi mana maakulu ha ntwala n'kangu wu kala n'waka, Yezu koti mu hata di kapelenawum. ² Pfumu bi phumbulu nkama(centenier) mosi ka kala ye n'tsadi mosi kazodi bwingi phe wukala wu bela, kayeleke ku nkaala lufwa. ³ Muntangu kawidi ba kwe hoyidi Yezu, n'tumini ndambu ba mbuta ba dibundu ba ba zwifi, mu ku n'lendika kisa kodisa n'tsadi yandi. ⁴ Ba kumi belebele ye Yezu, phe mbala mosi ba n'lendiki ye ku di kulumuna lwakulu, mu ma hoya maama: Ka fwene wu n'heka bi ka lombi; ⁵ Mu diambu kazolaka tsi beeto, phe yandi tungiki nzo Nzambi beeto. ⁶ Yezu, Kenda ye bawu, Bakaloko kiana ye nzo, ntangu Pfumu ba phumbulu nkama ka tumi ba kamaladi samu ba n'kamba: Pfumu, di hekiku phasi; samu pfweneko wu kota mu tsi n'dilu nzo mene. ⁷ Kiene kikuma phe yi di mwene na pfweneko ku kwisa menene ku ntwala ngeyi. Mana hoya n'howa mosi, ye n'tsadi mene ka kola. ⁸ Mu kutala, mene wu yi dihana mu bi Pfumu, yene ye ba phumbulu ba landaaka mitsiku mi mene; phe yi hoya kwe mosi: Ndonda! ka kwenda; kwe wu hika: Zosa! phe ka kwisa; phe kwe n'sadi mene: Sala bwabu! phe kasala. ⁹ Yezu ha ka wiidi ma hoya mana, ka widi kiesi samu di Pfumu bi phumbulu nkamba, phe, ka baluki ku kibuka kiki ye n'landi, ka hoyaka:Yeka lusamuna, ku kadi mu izalayele tseleko ku mona phe ku lukwikilu lwiingi. ¹⁰ Mu ku kabuka ku nzo, batu ba katumi bisa wana n'tsadi kodiiki ku nzo. ¹¹ Ki lumbu ki kulanda, Yezu wele ku mavulu ma ba telaaka Nayini(naïn); ba longoki ba yandi ye kibuka kiingi ki baatu bakangadi nzila mosi ye yandi. ¹² Mu ntangu ba kumi belebele ye mwele mavulu, tala, baye zika mvumbi mosi, mwana bu hika kwe ngudiandi, wu-u kala m'fwidi; phe hakala ye yandi batu biingi ba mavulu. ¹³ Pfumu, haka m'mwene, widi kiadi kingi samu di m'fwidi, ye ka n'kambaka: Didiku! ¹⁴ Phusani, ye simbi nkele mvumbi. Ba ba ye n'kati ba telami. Ka hoyaka: Ngunza yakala, yi ku kaambi, telama! ¹⁵ Ye m'fwi(mvumbi) zakadi, phe yandiki ku hoya. Yezu n'kabudi kwe ngudiandi. ¹⁶ Bakulu boma bu ba kwete, phe ba ye kabudi n'kembo kwe Nzambi, ye ku hoyaka: N'bikudi (polofeti) wu mbuta wusa lubuka ha kati di beto, ye Nzambi wusa tala n'kangu wandu. ¹⁷ Di hoya dina samu di Yezu di mwangani mu hata di Yude diakulu ye mu zi tsi zakulu zi nziunga. ¹⁸ Yowana yeembe n'samu wu mambu mana maakulu mu nzila ba longoki baandi. ¹⁹ Ba tedi bola, phe batumi kwe Yezu mu kusia ba n'samuna: Wene wu fweti kwisa holowu ntu hingila wu hika? ²⁰ Ha ba kumi kwe Yezu, ba hoyaka: Yowani mbitiki ka ntu tumi kwe ngeyi, samu ntu ku kaamba: Wene wu fweti kwisa holo ntu hingila wu hika ? ²¹ Mu ntangu yana kaka, Yezu ka bikisi ba mbefo(ba beedi) biingi, ba kwa bi ntingu, ba kwa pheve zi mbi, ye ka monisi bi fwa meso bingi. ²² Phe ka ba kambaka: Lwenda lwe hoya kwe Yowani mambu mambu ma lu mwene ye ma lu widi: Bi fwa meso bieka mona, bi fwa malu bieka kangala, ba kwa bwasi ba kodi, bi fwa matu bi widi, zi mvumbi zi futumuki, n'tsangu mboti ba kwe teyi kwe ba mputu mu ki pheve. ²³ Kiesi kwe wuna yi konda kala n'nati ku bwa ku yandi. ²⁴ Ha ba kabuki baatu ba katuma yowani, Yezu yandiki ku hoya ku kibuka, mu mambu ma yowani: Nki lu yenda tala ku n'toto zelu-zelu? n'ti rozo weka ningana ku pfunzi? ²⁵ Mana, nki lu ye tala? Yakala mosi wu kala vweteke milele mi bu nkete? Tala, batu ba vwataka milele mi bunkete, phe ba ba zingaka luzingu lu bunkete, bene mu zi nzo zi ba ntotila. ²⁶ Nki lu ye tala bwawu? N'bikudi(polofeti) ? eh, yeka lukaamba, phe ku hioka polofeti (N'bikudi). ²⁷ Kene yandi wu ba sonika: Tala yeka hitika m'samu mene ha ntwala ngeyi, Samu di kuku yidikila nzila ha ntwala ngeyi. ²⁸ Yeka lukamba, hakati di bana ba butuka kwe n'nketo, heko kete mosi wene wiingi kuhioka yowani. Bwabuna, wu wene wu nkatika nkeke mu ki Pfumu ki Nzambi kene wu nkatika mbuta ku hioka yandi. ³¹ Kwe na pfwene yi fwanisa mana bana ba makula mama, phe ye na ba fwanani? ³² Ba fwanani ye baana ba bazakadi mu balabala, phe bana, beeka hoya sana bawu ye bawu: thu tambi ye misengu( ma kondikondi), mana lu kiniku; thu lu yimbididi mi kunga mi kiadi mi ka yimbilaka koso mutu, mana lu didiku. ³³ mu kutala Yowani m'botiki kisi, ka diaaku ma pha phe ka nwaaku malafu, mana lweka hoya: kene ye m'fu. ³⁴ Mwana mutu wisi, ye Ku diaaka phe ye ku nwaaka, phe lweka hoya: kene n'dii phe ki nwi malafu, nduku(kamaladi di) ba ngalasasi phe wu baatu ba luzingu lu mbi. ³⁵ Mana nduka zi di songidi mwee baana baabana baakulu. ³⁶ Fadizie mosi n'lendiki Yezu kadia ye yandi. Yezu koti mu nzo Fadizie phe ba didi yandi. ³⁷ Phe tala, mwana n'keto mosi wu masumu wu kala mu mavulu, ha ka widi na Yezu ka kala ha mesa mu kudia ku nzo Fadizie, wisi nata n'langi mananasi ma kitoko kingi wu kabaasi, ³⁸ phe telami ku ma nima, maalu ma Yezu. Ka kala dilaaka; phe ka m'bodisi malu ku matsanga ma yandi, ku nima kuuni ye tsuki zaandi, n'hele biizi, phe n'kusi mananasi. ³⁹ Fadizie wuna wu n'tedisi, ha ka mwene bwana, hoyi ku tsi mbundu: Na mwana yakala wandu ka keleke m'bikudi, ka kha yaba na kene phe mu khi phila yi baatu kene, ka yaba na kene mutu masumu. ⁴⁰ Yezu mongi ndinga, phe ka hoya: Simoni yene ye mwa diambu yi ku samuna. - N'longi, hoya, ka n'kabusidi mvutu. ⁴¹ - N'defisi mbongo mosi ka kala ye baatu boola ba fweti m'futa: Mosi ka fweti m'futa nkama tanu, wuna wu hika makumatanu. ⁴² Mu diambu ba kalako ye kima ki ku m'futa, ba ka busidi ba boola pfuka bawu. Na fweti n'zola bwiingi mu kati di ba nioka? ⁴³ Simoni kabusi mvutu : yeka mona, wu ka hele mbongo ziingi. Yezu ka hoyaka: Zeengi bu nkete. ⁴⁴ Phe, baluki Kwee n'keto, ka hoya kwe Simoni: Weeka 'mona mwana n'keto wu? nkoti mu nzo ngeyi, Pheleko maamba yi sukula maalu; mana mwana n'keto wandu, ka bodisi maalu ma mene ye matsanga ma yandi, phe kuuni ye tsuki zi yaandi. ⁴⁵ Pheleko kete biizi; Mana yandi, tuuka nkotiki, ka yambudieeko ku heka maalu ma mene ba biizi. ⁴⁶ Seleko ku tiakila maasi ha n'twa mene; mana yandi, ka tieeke mananashi ha bitambi bi mene. ⁴⁷ Nkiakina, yeka ku samuna, masumu mayandi ma lolusami: mu ku tala ka zodi bwiingi. Mana kwe wuna ba lolula ndambu ka zolaka phe ndambu. ⁴⁸ Phe ka hoyaka kwe n'keto, masumu ma ngeyi ma lolusami. ⁴⁹ Batu bana ba kala ha meese ye yandi ba yandiki ku dihoyila: Na kene wandutu, wu weeka lolula ata masumu? ⁵⁰ Mana Yezu ka hoyaka kwe n'keto : lukwikilu lwaku lu ku hulusi, ndonda ye ngembe.