¹ Samu Yezu kakala ku nkaala nzadi mbuta(laki) yi Zenezaleti, ye phe kibuka ki ye wididi ki kala belebele ye yandi mu diambu di ku'wa ndinga Nzambi, ² ka mwene ku nkaala laki bi beya biola, ba lobi bakala ka tuluuki mu diambu di kusukula bukondi. ³ Kameete mu baki di mosi mu kati di mamola, dina di Simoni, phe ka n'lombi ka pusana mwa kiana ye baatu. phe kazakadi mu baki ye ku longaka kibuka ki baatu muna kati di baki. ⁴ Mu ntangu kamanisi ku hoya, ka hoya kwe Simoni: Phusana hakati di maamba, phe lu losa makondi samu di ku loba. ⁵ Simon ka n'kabusidi mvutu: N'longi, ntu sadi phiba yakulu kete kima ntu kwetoko; mana ha ntandu mahoya mangeyi, yi losa bukondi. ⁶ Ha ka losi bwo, ka kwete kiteso kiingi ki ba mbisi, phe bukondi bu bawu bu kala ntutumuka mukati di maamba. ⁷ Phe ba tedi banduku ba bawu bakala mu baki dina dihika bisa ba sadisa. ye bisa phe ba basisi ma baki ma mola ye ku ma finaaka. ⁸ Ntangu yi ka mwene kipha kina, Simoni Piele fokami ha ma bongo ma Yezu, ye ka hoyaka: Pfumu, katuka he mene, samu yene mutu masumu. ⁹ Samu booma bu n'kwete, yandi ye ba kulu ba ka kala bawu, ki kuma ki ku loba ku ba lobi. ¹⁰ Bukala phila mosi kwe Zaaki ye Yowani, mwana Zebede, ba nduku ba Simoni. Yezu ka hoyaka kwe Simoni : Bangiku, yandi lelo kala n'lobi baatu. ¹¹ Phe, ka kabudi baki ku nkala mbungu, ba siisi biakulu ye ba n'lende. ¹² Yezu kakala mu hata di mosi di mavulu; ye tala, mwana yakala mosi wu kala ye bwasi, mu tangu ka m'mwene, bwidi ha kilunzi ki yandi, phe ka n'lombi bwabu: Pfumu, na zodi, nkatula maladi maama. ¹³ Yezu yuni koko, ka hoyaka: Nzodi bwo, kola. Mbala mosi bwasi bu n'katuki. ¹⁴ Mana ka n'hele tsiku ka saminiku mutu. ye, ka hoyaka, ndonda we di songila kwe nganga Nzambi wu mitsiku, phe hana mu diambu di ku kola ku ngeyi bina ka lu sonikina Moyize, mukusia na di ba sadisa ntendudi m'mona meso. ¹⁵ Tsangu zi yandi zi mwangani bwingi, phe batu ba yisiki samu di kuwa ye ku ba kodisa mu maladi ma bawu. ¹⁶ Phe yandi, ka yele mû n'toto wu zelu-zelu ye kasambidiki. ¹⁷ Kilumbu ki mosi Yezu kakala longaka. Ba Fadizie ye minganga mi nzo Nzambi bakala hakana bazakadiki, ba tuki mu ma hata makulu ma nziunga Galileya, ma Yudeyi ye ma Yeluzalemi ; Phe ngolo zi pheve zi Pfumu zi disongidiki muku kodisa ba mbeefu. ¹⁸ Ye tala, batu, bayisa nati ha ki phoya mutu wu bokumuka, ba dingiki phila yi kun'kotisa phe ba n'tulula ha ntwala yandi. ¹⁹ Bwoso ba kala monaku phila yi ku n'kotisa, ki kuma ki kibuka ki batu, ba meete ha ntandu n'dilu, ye ba n'kulumuni ha tubu di ba tubudi, ye ntangi'andi, ha kati di nzo Nzambi, ku ntwala Yezu. ²⁰ Mukatala lukwikilu lu bawu, Yezu hoyi: Yakala, masumu ma ngeyi ma lolusami. ²¹ Ba siklibi ye ba Fadizie ba yandiki ku yindula ye ku hoyaka: Na kene wandutu weka bebisa mitsiku mi pheve Nzambi? Na fwene ka lolula masumu, na keko yandiene Nzambi ? ²² Yezu ka yebe zi ngindu zi bawu, mongi ndinga ye ka ba samunaka: Nki zingindu lwe zawu mu zi mbundu zi beno? ²³ Nki bi bi konda ngolo, mu ku hoya: Masumu ma ku lolusami, holo mu ku hoya: telama, phe kangala? ²⁴ Mukutala, mukusia luyaba na mwana mutu kene ye kiyeka ki ku lolula masumu ha tsi n'toto: Yi ku hele n'swa, kambi mutu wu bokumuka, telama ye monga ntangiaku phe ndonda ku nzwaaku. ²⁵ Ye mu ntangu yana, telami ha meso ma bawu, mongi ntangi yi ka kala nimbiiki, ye weele ku nzo'andi ye kwe kabudi n'kembo kwe Nzambi. ²⁶ Bakulu ba kala mu ngituka, phe ye ku kabilaka n'kembo kwe Nzambi; Boma bu Nzambi bu ba hatikidi, ye ku hoyaka: Ntu mwene lelo bi haangu bi pha. ²⁷ Ku nima di mambu mamana, Yezu lubuki, phe mwene m'futisi phaku(ngala sasi), ba n'luka Lévi, zakadi ha phalasi ba futilaka phaku. ka n'kambaka(Yezu), ndanda. ²⁸ Ye ka siisi biakulu phe telami n'leende. ²⁹ Lévi n'hele bima bi feti di ngolo mu nzo yandi, phe ba ngala sasi biingi ye baatu ba hika ba kala ye yandi ha meese. ³⁰ Ba Fadizie ye ba siklibi ba yandiki ku bokuta, ye ba hoyaka kwe ba longoki ba'ndi: Samu di nki lweka dia phe lweka nwa ye ba ngala sasi ti ye baatu ba luzingu lu mbi? ³¹ Yezu mongi ndinga, ka bakambaka: Keko bana bene ye ngolo ba kalaka ye m'pfunu n'nganga mbuta, mana ba mbeefu. ³² Yisiku samu yi tele baatu ba masoonga ba lomba ndolula masumu, mana ba tsumuki. ³³ Ba n'kambaka: Ba longoki ba Yowani, phila mosi ye ba longoki ba ba Fadizie, ba kasaka ba kalemi konso ntangu ye ba siaka bisaambu, mana ba ba ngeyi ba diaaka phe ba nwaaka. ³⁴ Yezu kaba kambaka : Lu fwene lu kasisa kalemi ba kamaladi ba yakala mu ntangu kene ye bawu yandiene yakala? ³⁵ Bilumbu bi kwisa bi ba ba katula yandi yakala, hakana ba kasa ba kalemi! ³⁷ Ye ha nkatu mutu kasaanga malafu ma pha mu mi londo mi nkulu; Mu phila kaka, malafu ma pha ma yataka mi londo mi nkulu, phanzana, phe n'londo nkulu ladi. ³⁸ Mana bu fwene kusia malafu ma pha mi londo pha. ³⁹ Phe hankatu mutu, ku nima di ku nwa malafu ma nkulu, ka zola mana ma pha, mu diambu ka hoya: Ma ma nkula mene bunkete.