¹ Kasi Ghakala ye mutu mosi gha kati di bamfuadisi batediki Nikoteni ,mosi gha kati di bamfumu ba jwifi. ² Wisi yandi buhika ye piba kwe Yezu, pe n'kambi ne, " Mfumu, ntuzeye ne wene nganga wutuki kwe Nzambi, Mudiambu gheko mutu wu fwene kasala bipelekese biwekesala ngeyi, gho Nzambi keko ye yandi. " ³ Yezu ka'kabusilaka ne, " Mû masonga yilukambi gho mutu kabutukiku mbutuka yipa,kafweneko kamona kimfumu ki Nzambi. ". ⁴ Nikoteni kan'kambaka ne bwe kafwene kabutuka diaka mutu wukumi kinunu?kakabuka mû kifundu ki ngudiandi ma butuki?" ⁵ Yezu n'kambi ne, " Gho Mutu kabutukiku mû mamba ye mpeve santu, kafweneko kakota mû Kimfumu kinzambi. ⁶ dikubutuka mû n'suni kiene ki n'suni, ki m'peve kiene ki m'peve. " ⁷ Yitukiku ne yikukamba ne wufweti butuka mbala yi zole . ⁸ M'peba kaningisa ghoso kazodi pe weke n'wa mazu,Kasi zayoko kwe keke tuka ye kwe keke kwenda. bwene pe mbandu mosi ye mutu wakulu wubutuka mû m'peve. " ⁹ Nikoteni kaghiula, " Bwe mafwene masalama ? " ¹⁰ Yezu kan'kabusilaka ne," Ngeyi wene nganga wu ba yisalayele,zeyeko mambu mana.. ¹¹ ,Mû masonga, mû masonga, yilukambi, n'tuhoya ma ntuzeye, n'tuhoyilaka ma n'tumona,mana lumongoko kimbangi kibetu. ¹² Ho lukwikidiku mayilukambi ma n'si n'toto, bwe lukwikila mayilukamba ma kuzulu ? ¹³ Heko mutu wutombuka ku zulu ho keko wuna wutuka ku zulu, mwana mutu wu wene ku zulu. ¹⁴ Bwoso Moyize katombudi nioka ku n'seke yiyumuka, bukala bwabuna Mukusia na mwana mutu ban'tombula pe. ¹⁵ Mukusia ne konso Wuna kwikila mû yandi kamonga lu mvula yi mvula. ¹⁶ Mudiambu Nzambi kazodi bwingi n'si n'toto wakulu, gha kan'ghekila mwan'andi mosi, Mukusia na konso Wuna kwikila mû yandi kabwiku,Kasi kamonga luzingu lu mvula yi mvula. ¹⁷ Nzambi kahitikoko mwana yandi mukwisa sambisa nsi ntoto,Kasi Mukusia na n'toto kaghuluka kunima diyandi. ¹⁸ Wuna kwikila mû yandi ban'sambisoko, Wuna konda kwikila bafweti n'sambisa Mudiambu kakwikidiku mû mwan'andi mosi. ¹⁹ N'kanu wene, wene miesi,gha kisa gha nsi ntoto batu bazodi kusala mû piba gha kifulu ki miesi,mwini,Mudiambu bisalu bi bawu bikala bumbi. ²⁰ Mudiambu mutu wusala mambi kazolaku miesi to mwini,kakwisa ku ku mwini nki bisalu biandi bi mbi bitunguluka. ²¹ Kasi mutu wu sala bisalu bi mboti kakwisa ku mwini to ku miesi Mukusia na bisalu biandi bi mboti bimonika, Samu bisalami kwe Nzambi. " ²² Kunima mamana, Yezu ti bilandi biandi bele ku n'lambu Yude. kazakadiki ye bawu pe Kaye bitini. ²³ Za pe kabotikiki ku Enon,belebele ye Sadima,Mudiambu kukala mamba mingi, ye bayeleke kwo bwingi mû kubotama. ²⁴ Mudiambu ghakana Za bakala ban'kwatieko,ban'sia mû boloko. ²⁵ Mana gha lubuki paka zingolo ye bilandi bi Za ye jwifi mosi wuzodi ban'yebisa. ²⁶ Bisi kwe Za Ban'kambaka, " ha Mfumu, wu wukala ye ngeyi ku yudani, ku wuna wu tele kimbangi, tala buntwene keke botika pe Bakulu béké kwenda kwe yandi. " ²⁷ Za kabakàmbaka ne mutu kamonga kaka bina ban'ghele ku zulu. ²⁸ Benweno lwene matemu mamene,' Gha yilukambi ne mène yeku Yezu Kristu, Kasi bapitika kuntwala yandi.' ²⁹ Wuna vwa n'keto, n'kwa n'keto, Kasi nduku wu yakala wuwene ghakana ye weke n'wa, kakala ye kiesi kingi Mudiambu di ndinga yi yakala, ghakana kiesi kiene ki mène kiene ki masonga. ³⁰ Yandi kayika,mène yikeya. ³¹ Wutuki kuzulu kene gha ntandu Bakulu,wu n'si n'toto kene wu n'si n'toto. wutuki kuzulu kene gha londi dibakulu. ³² Kahoyaka Mana kamona ye Mana kawidi, gheko mutu sala kitemu kiyandi. ³³ Wuna monga kitemu kiyandi Wuna kwikila ne Nzambi kene makiedika. ³⁴ Mudiambu Wuna katuma Nzambi kahoyaka ndinga Nzambi, kan'tesiloko kiteso ki peve yina kan'gheka. ³⁵ Tata kazola mwan'andi, pe wun'gheka bima biakulu ghana moko mandi. ³⁶ Wuna kwikila mû mwana kene ye luzingu lu mvula yi mvula, Wuna konda kwikila kazwoko luzingu luna,Kasi nkabu zinzambi zikala mwe yandi.