¹ Buna kahoyi mambu mana, Yezu wele ku simu di Kidono,kukala ye masamba ,mû masamba méne kakoti ye ban'longuki bandi. ² Yudasi wun'teki,wuzaya pe kifulu kiene, Mudiambu Yezu ye ban'longuki bandi bayeleke kwo bwingi bakutakani. ³ Yudasi, mongi kibuka kibatu, bakalaki ba baghitiki bamfuadisi, wisi ye minda ye mata. ⁴ Yezu, bwoso kadizayila makulu ma mayin'sila,wele ye bahiudi ne, "N'a lukwedingi beno ? ⁵ Bawu bakabusi ne " Yezu wu Nazaleti ",Yezu bakambi n'a," Mène wu".Yudasi wu wun'teki kakala ye bawu. ⁶ Buna kabakambi bwabuna, "Mène wu", bakabukisi ye babwidi mû mafu. ⁷ Bahiudi diaka mbala yi zole ne," N'a lukwedingi beno ?, bakabusi ne " Yezu wu Nazaleti ". ⁸ Yezu bakabusidi ne,"Yilukambi mène wandu ",Gho mène lukwedingi, lubayambula baba benda kubawu". ⁹ Kahoyi bwabuna Mukusia na ndinga yilungila bukahoya ne :" Ndadisiku ata mutu mosi ba wupeka". ¹⁰ Simonie Piele ,kakala ye mbele poko,bendi yo,n'tabudi kutu dikitata n'sadi mosi wubatediki Malakusu. ¹¹ Yezu kan'kambaka Piele ne, "Kabusa mbele muna kisamba kiandi, yinwoko mbungu yi kapele tata yinwa? ¹² N'kangu wakulu muna bisila,ban'kwete Yezu pe ban'kasi. ¹³ Ban'ete n'tete kwe Anna,Mudiambu kakala buko bu Kayifi wukala Mfumu batambiki. ¹⁴ Ye Kayifi kakala mosi wu wughene ndongisila ku bajwifi ne, bwene mboti mutu mosi kafwa Mudiambu di batu Bakulu. ¹⁵ Simonie Piele,ye n'longuki ghika,bayelandi Yezu, n'longuki wene mfumu batambiki pe n'zeye,bakoti nzila mosi ti Yezu ku lupangu(nganda) yi mfumu batambiki. ¹⁶ Kasi Simonie Piele kasele ku nzila, belebele ye kielu, n'longuki wubazayani ye mfumu batambiki, Kahoyi ye mutu wukala mû mwelo pe ban'kotisi Piele ku kati. ¹⁷ Kunima, n'sadi wene wetala ku kielo, kaghiula Piele n'a ngeyi pe wene n'longuki wu mutu wandu ? yandi tuni kwandi. ¹⁸ Bansadi ye bakalaki babakala ghakana, bamongi basidi mbawu Mudiambu kukala kiosi kingi.Piele pe bawene bawu mû kuyeta mbawu. ¹⁹ Mbuta batambiki Yandiki kun'ghiula (kun'sambisa) Yezu, kikuma ki ban'longuki bandi ye Nzambi andi. ²⁰ Yezu ka'kabusilaka ne, "yiHoyi kimwesa mutu ku batu Bakulu, yi longaka konso ntangu mû Nzonzambi ye mû nzo zi bisambu, yihoyaku mû kinsweki. ²¹ Nki weke piudila ngeyi mène ? ghiula ba bawidi gha yilongiki Mana bawidiki ,bazeye mana yiHoyi". ²² Buna kamanisi kuhoya, mosi wu bakalaki m'budi mbata Yezu pe n'ghiudi ne, "bwabuna wufweti kabusa mvutu kwe mfumu batambiki" ? ²³ Yezu kan'kambaka ne, gho mbi poyi songila buna bumbi bupoyi,gho poyi bubunkete,nki weke mbudila"? ²⁴ Anna kamongi n'kasisi mû misinga n'ghitiki kwe Kayifa,mfumu batambiki bimenga. ²⁵ Simonie Piele kakala ghakana, kayeti mbawu.banghiula ne," ngeyi pe wene n'longuki yandi ", yandi kamongi tuni ,ne " keko mène". ²⁶ N'sadi mosi wu mfumu batambiki, kiwutu ki mutu wu katapi Piele kutu, kan'ghiula keko ngeyi wumbwene ti yandi ku ma samba? ²⁷ Piele tuni diaka,pe n'koko kokudi muna ntangu yene. ²⁸ Ban'ete Yezu ku Kayifa kuna basambisilaka.mukala mû kibungi, bakotoko mû nzo yi basambisilaka, nki basumuka gholo badioko ²⁹ Paki.Pilatu lubuki wele kwe bawu, bahiudi ne nki kikuma lweke m'fundila mutu wandu ? ³⁰ Bawu bakabusa ne, " Gho keko n'sadi mambi,ntu nkakunatinoko yandi. ³¹ Gha n'ki kahoya Pilatu, lumonga benweno lun'sambisa mû pila n'sikweno,ba jwifi bankabusi la ne beto n'tweko ye n'swa wu kuzengila mutu ndola yi lufwa. ³² Dikala Mukusia na ndinga Nzambi yilungila Mana kahoya Yezu, buna kahoyi nki lufwa kafweti fwa. ³³ Pilatu kamongi kabuki mû kati, n'tedi Yezu, kan'ghiula ngeyi wene mfumu ba jwifi ? ³⁴ Yezu kabusi ne, " mahoyi matuki kwe ngeyene gho batu baghika bakukambi mû zina di mène? ³⁵ Pilatu kabusi ne, " mène yene jwifi ? batu baku ye bamfumu babatambiki, bawu bakunete kwe mène, nki n'sadi mène ?? ³⁶ Kikanda kimene kieko ki n'si yayi,kakabusa Yezu. Gho kikanda kimene kiene ki n'si yayi, mbele batu bamene bankanwana Mukusia na ban'tekiku ku ba jwifi, Mudiambu buntwene kikanda kimene kieko ki n'si n'toto. ³⁷ Pilatu kan'ghiula ngeyi wene mfumu ?, Yezu ka'kabusilaka, " bwoso hoyi ngeyene, yene mfumu, yibutuka gha nsi ntoto yilonga masonga,koso mutu wuwene ku masonga, yandi waka ndinga mène. " ³⁸ Pilatu n'ghiudi diaka ne, " Nki masonga ? " Kunima dikuhoya bwabuna, lubuki dighika ku nzila kuna kukala ba jwifi, kabakàmbaka ne, " Mène mbweneko kifu kimosi mwe yandi. ³⁹ Bwoso diene kikalulu n'a konso nkinziu Paki,yiyambudila mutu mosi, mbwene yiyambudila Mfumu ba jwifi wandu ? ⁴⁰ Bakulu bayandiki kuyamuka ne, " Keko yandi, Kasi Balabasi ". Mana Balabasi kakala ngiangi,mutu m'bulu.