¹ Bilumbu bi sambanu ku ntwala n'kinzi mampa, yezu wisi ku betani ku kakala lazadi wuka futumuni mukati di ba fwa. ² Ba n'heele madia, malata kabasidiki bima pe lazadi kakala mukati di batu banà badiidi ye Yezu ha mesa. ³ mu bwana, Madiya mongi n'kanda mosi wu mananashi ba sadila ye n'ti nadi wu konda kifu pe wu bunkete, yitidi mu bitambi bi Yezu, pe kuuni malu ma Yezu ye nsuki zaandi. nzo yakulu yi bese mu tsudi mananashi. ⁴ yudasi isicadiyoti, mosi mukati di ba nsadi ba yandi, wuna wu n'teka Yezu, kahoyaka: ⁵ «Mudiambu di nki kondi teka mananashi ma mu makuta matatu matsuka pe hele ba mputu makuta mana?» ⁶ Ka hoyiiki mambu manaka,keko ne mudiambu kasungi, mana samu kakala mwifi. Kakala swekaka keesi mpe kamongiki makuta makulu mabasidiki. ⁷ Yezu hoyi: «lu yambula kun'yangisa. Kasadi bwabu muku mona kilumbu ki matanga ma mene. ⁸ Ba mputu, luba mona kaka,mana mène, lubanda mbonoko konso kilumbu.» ⁹ Bu ntwene, kibuka kimosi ki ba jwifi ba wiidi ne Yezu kakala hakana pe bisi; keeku ne kaka kikuma ki Yezu, pe mukusonga ne bamona lazadi wu kafutumuni Yezu mukati di ba fwa. ¹⁰ Ba nganga nzambi to ba mfumu ba ntambiki ba mongi diaka lukanu lukohonda lazadi; ¹¹ mukutala, kikuma kiyandi ba jwifi biingi ba batini bawu mpe ba kwikidi mwene Yezu. ¹² Ku nkielan'di, ki buka ki mosi kiingi kiyisi n'landa ku feti. Mu ntangu yi bawiidi ne Yezu kakala mu kwisa ku Yeluzalemi, ¹³ ba moongi bitini bi mandalala, beele be n'yamba pe bayenda yimbidi mu ndinga ngolo: «ozana! Kampambulama wuna weka kwisa muzina di Mfumu, ntotila wu izalayele. » ¹⁴ Yezu mwene mpunda wu ngunza pe zakadi hantandu mpunda; bwoso masonama: ¹⁵ «bangiku kima mwana siyoni; tala, ntotila ngeyi keka kwisa, wuzakala hantandu mwana mpunda.» ¹⁶ Ba longoki ba'ndi bakala yabaaku mambu mana mu luyandiku, mutangu kamongi lukumu Yezu, ba yibuki ne mambu mana masonama kiana mudiambu di yandi pe mana mambu mana masalama kikuma ki yandi. ¹⁷ Bu ntwene, kibuka ki baatu bana bakala ha kan'tela lazadi mu simitiele pe m'futumuni mu kati di ba fwa, ba teele n'kembo kwe ba lweno zibawu. ¹⁸ Kikuma kiakina kibuka ki batu kiyenda n'yamba, mudiambu ba widi na kasadi kidimbu kiakina. ¹⁹ Ba Fadizie ba dihoyidi mukati di bawu: « Lutala, lufweneko lusala kiima, lutala, batu ba kumi kwe n'landi.» ²⁰ Buntwene hakala ye ba greki bakaka mukati di batu bana batombukiki ben'sambila Nzambi ku feti. ²¹ ba greki beene beele kwene Fidipu wuna wukala musi Betesayida mu hata di Galileya pe ba lombi n'swa: «Mpangi yakala, ntu zodi ntu mona Yezu. » ²² Fidipu wele pe samuni andeleya; Andeleya wele tiye Fidipu pe ba n'samuni Yezu. ²³ Yezu ba kabusidi mvutu pe hoyi: « Ntangu yisi mukusia ne mwana mutu ka kumisama.» ²⁴ Mu masoonga, mu masoonga, yeka lusamuna, kolo ne kibundu(n'keni) ble ki bwa mu kati di mafu pe ki fwiku, kisaala kaka kibundu kimosi, mana ne yifwa, yi buta zimbuma ziingi zi kudia. ²⁵ Konso mutu wuna zolaka luzingu lwandi kalu kasisa, mana konso mutu wuna konda Zola luzingu lwandi mun'toto wandu ka lubatila mu diambu di luzingu lu mvula yi mvula. ²⁶ Ne mutu weka nsadila ka ndaanda, pe hana yene, hakana pe bakala ba nsadi ba mene. Ne mutu weka nsadila, Taata ka n'heka lukumu. ²⁷ Moya mene kene mu mi tuungisi ntangu yayi : Nki mfweene yi hoya? « Taata, mpulusa mu ntangu yayi yi mpasi? Mana kikuma ki ntangu yayi yisidi. ²⁸ Taata, hana n'kembo zina diaku.» Ndinga mosi yi lubuki ku zilu pe yi hoyi: « Yidi hele n'kembo pe yi banda di heka n'kembo kaka.» ²⁹ Mu manima, kibuka ki batu kikala ku nkala yandi pe ba widi ndinga yene bakala hoyaka ne yikala neti ye ba nzasi bangolo. ba hika bakala hoyaka ne: Wanzio n'hoyidi.» ³⁰ Yezu bakabusidi mvutu pe hoyi : « Ndinga yina yisiku kikuma ki mene, mana kikuma ki beno. ³¹ ntangu yayi kwene kusambisama ku n'toto waandu : buntwene, mwana ntotila wu n'toto waandu ka kulamaka. ³² Pe mene, ne yi moonga lukumu lu nsi n'toto, yi benda batu Bakulu kwe menene.» ³³ Kakala hoya buna muku songisa nki mpila ka fweti fwa. ³⁴ Kibuka ki batu ki n'kabusidi mvutu :« Ntu lunguka mu mitsiku ne klistu kazinga mu diambu di mvula ye mvula. Nki mpila fwene wu hoya ne: "mwana mutu ka moonga lukumu lu nsi n'toto?" Na kene mwana mutu wene?" ³⁵ Yezu ka ba samunaa diaka: « miesi miene diaka mukati di beno mana bwingi samu di zi ntangu zingi. Lukangala mutangu yi lwene ye miesi mukusia ne zi mpiba zi lu kotisiku hakati di zawu. Wuna kangalaka mukati di zi mpiba ka zeyeko nki kuuma keka kwenda. ³⁶ Buna lwene ye miesi, lu kwikila mu miesi mukusia ne lukuma bana ba miesi.» Yezu hoyi mambu mana pe ku manima, wee-di di sweka kiana ye bawu. ³⁷ Ata dikadi ne Yezu sadi bidiimbu bingi ha ntwala bawu mana pe kaka bakala kwikilaku mwe-yandi ³⁸ mukusia ne di hoya di n'bikudi Yezaya di lungisama, bwoso ka hoyi: «Mfumu, na kwikidi mu n'samu beetu? Kwee na koko di Mfumu di monisami?» ³⁹ Mu ki kuma kina, ba fweneko ku kwikila muku tala Yezaya kahoyi diaka: ⁴⁰ «Ba hondi mawu meso, mpe zi mbundu ba kumisiki zawu tototo; mu mpila hika ba mona mu meso ma bawene pe ba hingila ye zi mbundu zi bawu, pe ba kwisakabuka, pe yi ba kodisa bi mbefo.» ⁴¹ Yezaya ka hoyi mambu maama mudiambu ka mona n'kembo Yezu pe hoyidi samu di yandi. ⁴² Bwabuna, kukadi ba Mfumu biingi ba kwikidi mwene Yezu; mana mu kikuma ki ba Fadizie, ba n'zodiku ye mbundu mosi mukusia ne ba bakatukiku mu Nzo Nzambi. ⁴³ Bazodiki lukumu ku ntwala batu ku hioka lukumu lutuki kwe Nzambi. ⁴⁴ Yezu yamuki pe hoyi: «Wuna kwikila mwe mene, ka kwikidi ku kaka mwe mene mana pe mwe mutu wu wuntuma, ⁴⁵ pe wuna mbwene 'mwene wu wuntuma. ⁴⁶ Yisi bwoso miesi mû n'si n'toto mukusia ne konso mutu kwikila mwe mene kasadi diaka mu zi mpiba. ⁴⁷ Ne mutu kawa ma hoya ma mene mana ka konda ma sweka, yeka n'sambisoko; mu kutala yisiiki, keko mu ku sambisa n'toto, mana muku hulusa n'toto. ⁴⁸ Wuna ndoosa pe koonda yamba ma hoya ma mene kene ye mutu weka n'sambisa : Mene ma hoya ma mpoyi ma n'sambisa mu kilumbu ki tsuka. ⁴⁹ mu kutala, mpoyidiku luzolo lu mène. Mu mpila yi hika, Taata wu ntumiki, mpeele n'swa mu mana matadidi mambu ma yi fweti samuna ye mana yi hoya. ⁵⁰ Ngieebe ne nsiku yandi kene luzingu lu mvula ye mvula ; mu kutala maambu ma yeka lu samuna, yeka samuna mo buna hoyiki taata, bwana yeka hoya.»