¹ Mu nzila Pholo, ntumwa wu Yezu kidisitu mu luzola lu Nzambi, kwe ba san'tu ba bene ku Efezi phe ba bene ba kwikama kwe Yezu kidisitu: ² Ngemba ye matondi bi luhekama kwe Nzambi tata beto ye kwe Pfumu Yezu kidisitu! ³ Ka phambulama Nzambi phe Tààta wù Pfumu bééto Yezu Khidisitu, wu thu phambudi masakumuni mààkulu ma kiphèève mu bi zika bi mazulu mu kati di Khidisitu! ⁴ Mwé yàndi, Nzambi ka thu songidi kuthwala kusala ku n'toto mu kusonga ne thu kala ba saan'tu phe ba konda kifu ku thwala yàndi. Mukati di kuzola ku yàndi, ⁵ Kantu phoni mkukala bana ba yandi ba kasumbi mu nzila yezu kidisitu. Diene diadina di kazodi, mukati di nkengididi yandi yi mboti, ⁶ Samu ntu kumisa n'kembo wutondi diyandi, dika ntu basisi mukati di ba phangi ba beto ba tondama. ⁷ Mwe yandi, mu nzila menga ma yandi, ntu sumbami, ntu lolusami mu masumu ma beto, mu kutala bunkete bunkete ha kimvwama ki dienga di yandi. ⁸ Nzambi ka ntu helo kio ki konda kiteso, mu nduka zaakulu ye ngangu. ⁹ Ka ntusongidi biswekamu bi luzolo lu yandi, mu kutala bunkete bunkete mayilamu man'kengidi mboti ma ka yidiki mu kati di nkidisitu ¹⁰ samu ku ma sia mu bisalu hana yi kwisa lungila ntangu phenza, mu kuyaba kuyikaka biakulu mu tsi kipfumu ki mesiya, ye mboti phe di bina biene ku zulu phe ye ha n'toto. ¹¹ Mukati di yandi ntu solami neti bakwa bima, mu ku kala ba kuphonama mu kulanda mabongisami ma wuna sia maakulu mu bisalu phila mosi ye ba lukanu ba luzolo lu yandi ¹² samu di ku sadisa mu ku kumisa m'kembo yandi,beto ba ntu sidi kiitu ku ntwala mu kati di masiya. ¹³ Mwe yandi beno pe, ku nima di kuwa dilongi di masonga, ndinga nzambi yina yeke lu hulusa, mwe yandi lu kwikidi phe ba lusidi kitemuna ki pheve san'tu ki ba hanini lasi. ¹⁴ Kene kisimbisi ki kimvwama ki beto mu ku hingila ku kangulama ku bana ba kene Nzambi mu kumonga samu di ku kumisa n'kembo yandi. ¹⁵ Nkiakina mene phe, kunima di kuwa beka hoyila samu di lukwikilu lu beno mu kati di Pfumu Yezu [phe ye zola di beno] samu di ba san'tu baakulu, ¹⁶ yeka lemboko mu ku hoya ku konda kululala samu di beno ha yeka lusia mu bisambu bi mene. ¹⁷ Yeka sambila ne Nzambi wu pfumu beto Yezu nkidisitu, tata wu n'kembo, ka lu heka pheve mosi yi ngangu ye yi kumona mu ki pheve yi yeka sala ne lun'yaba. ¹⁸ Yeka lomba ka sia mu mieesi meso ma mbundu beno samu ne luzaya nki kia kiitu ki kikangama mu ku tela ku yandi, nki kia kimvwama ki minkembo wu bima bi yandi ha kati di ba san'tu ¹⁹ phe nki kene n'nene wu ngolo zi yandi zi konda tsuka, wuna wu di songilaaka ye kingolo-ngolo mu ki pfumu ki ngolo zi yandi kwe beto ba ntu ndimaka. ²⁰ Ngolo zeene, ka hitiki zo mu kati di nkidisitu mu ntangu ka m'futumuni phe ka n'zakadisi ku koko di yandi di kiyakala mu bizika bi mazulu, ²¹ hantandu mi tiindu miakulu, kipfumu kiakulu, ngolo zaakulu, ki pfumu kiakulu, ngolo zi luti kiteso phe di ma zina maakulu mana ba fwene ba luka, keko ne kaka mu n'toto wu bu ntwene, mana diaka ye mu n'toto wu weka kwisa. ²² Ka sidi biakulu mu tsi bitambi bi yandi phe ka n'hene samu di kiyeka ki luti kiteso ku nzo Nzambi ²³ yi yene lutu lu yandi, bu m'vimba bu wuna wu basisa maakulu mwe beto kulu.