¹ N cusa na haciri ni wo na na da kolo gofɛrɛnɛrɛ nɛ ma na ni ɲɔ cala, na za na ko le, na ni a na labɛni jnɛ ma cana sifa lakala na. ² A ba jɔn gɔsɔ ɲamu lo pɔyi san ma a na ba da weri cira ca na ba, naa a na zɛn o san a na bɛlɛ cusa la la lakala na. ³ Naa yilena epa mɔ tari haciri temele ca fɔn fɔn, na ni kole vula ca, na ni la lema ka cununi. epa tari ko lege sifa lakala na ni bisa ma lakala bɔri na. Epa tari veri gɔsɛri na ni ceri ye won epa cana ni gɔsɛri na, ⁴ E kirisi ci Vamara ni o kauya le yen la la jɛnya, na bɔrɔ se lenwere, o de pa kirisi. ⁵ E sa da wali cana lema, ka na yile na ba dɛ o se makari la yile na, lura durɔ na fian ni Niisenu durɔ ya. ⁶ O cuse na Niisenu nae na bɛn o da ziɔn e kirisi Ci Yezu pan won. ⁷ yele jo nian dana e nana, e na sayɔya le zoere ba, e jigi yen na le san. ⁸ Na jɔn na ko poromu wa mɛ yoyan o ɲamu na o kɔrɔgɔ, yele lema da vamara na, na ya da banba wali cana dari na. Na ma la cana, la la nɛ nafa o won. ⁹ N da se kɔrɔsi busere kuntan na ni nɛ jimi ma ya ni weri ya ni sariya ɲɔkɔrɔ ma yala, nayilena na ko mabɛ kugu ya. ¹⁰ len de la karan karan ja wonda jɔn na yan bisa ten bisa ɲii, o kɔ lurɔ na ci san. ¹¹ Wan ɲinu ni na lo zuan fili won o jɔn cen o tamu magɔsɔ dari won o cere zeri o se san. ¹² Mɛ ni ce Artemas wa Tisike bɛbɛ n na, n da banba n ko mɛ nɔ Nikopois, na na mɛ dɔ latigɛ je fonɛnɛ were da bran. ¹³ N da banba n da karan ɲɔ ci Zɛnasi ni Apolosi n de na ya juɛmɛ a na zere won wari la yilena yele pɔyi ba ga a na san. ¹⁴ E da la la deri ni wali cana dari na yele a na vari dari ya mako o ba da na nafa tɛle won ma. ¹⁵ Lema yen mɛ yan te, na ya lakala n de n manwali lema ni de e na kanu lanaya ce na bɛn n da na ya manwali. Vamara pɛ tama a na lakala yan.